Hibru 1:3 - A Nitana Vure

³ E Tuna i vakasiri a bagetuanga na Vure. I manga muholi a Vure. A nitana i tahoka a nitora. Na nitana kunana i rata a maki lobo ri tabuli tora. I vakaloboa a leho vona ni bole a nimadhi na naro hale ne huriki, ge rata ria ri gi malamala na matana Vure. Muri i made na limana kanena Vure, ra Viri Dagi na hunu, a rana i dagi hateka, i tahoka a nitora dagi.

Hibru 1:3 Iomraidhean Croise

E Levi 15:15

A prister iea ge bole a balu nga, ge rata a leho vona. A balu muga ge a nihabi na naro hale, a balu tara ge a nihabi gutu-vuro. Na naro iea kunana a prister ge kavitagua na matane BAKOVI DAGI a bakovi i lobo a gilanga vona.

Mateo 22:24

“Mari ni tovo, e Moses i here puru i takia a bakovi i mate, i pe purua e girihina, pali i uka e tune rua, e tarina bara i parangi tabu a havuri vona, ge vakabelea a hamona.

Markus 16:19

E Isu a Bakovi Dagi i vara lobo e huriki a murimuri vona. Muri ni bole sike na hunu i made turana a Vure, na limana a kanena.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 1:29

Na parava muri e Ioanes i masia e Isu i laho valai vona. Lakea i taki e huriki, i ta maea, “Mu mata lakea, mu masia a Tuna Sipsip na Vure, ra viri i puga vuroki a naro hale ne huriki na malala!

Ioanes 1:4

Ia a vuhuna a nimahuri. A nimahuri iea i vakapalala e huriki a bakovi a ngatavine.

Apostolo 2:33

A Vure i bole rikea a rane Isu, i vakamadea na limana a kanena. E Tamana i habia vona pali a Hanu Kiripiripi i manga a hini i ta muholi muga ge ratea. Ngane i rudua i valai ne mia, i vakabele a maki mu matai mu longo ngane.

Apostolo 7:56

Lakea i ta maea, “Mu mata sike! A masia a Hunu i mata ka! A Tuna Bakovi i pesi tabukoi na Vure, na limana a kanena.”

A Raukea e Paulus i Here Lakea ne Huriki a Rom 1:16

I mavonga, i uka ma a maruhu ni vakalongo ne huriki a Velenga Kamumu, a vuhuna ia a nitora na Vure ni korimule e huriki lobo ri luhoi tora ia, e huriki a Iuda taro, muri e huriki i uka ma ria a Iuda.

A Raukea e Paulus i Here Lakea ne Huriki a Rom 8:34

I uka tara viri ge taki hita si gi bole a nimadihi na naro hale ne hita, a vuhuna e Isu Kristo i mate. I uka ma i mate kunana. I pesi rike tabu na matenga. Ngane i made na limana a kanena na Vure, i takia a Vure ge tuhori hita.

2 Korin 4:4

A vure na malala i vakauvo a niluhoi ne huriki i uka ma ri luhoi torea e Kristo, i uka ma ri gi matai a nipara na Velenga Kamumu na bagetuanga ne Kristo, re Kristo ia a Vure.

Kolosi 3:1

A Vure i vakamahuri mua pali turane Kristo. I mavonga, mu luhoi kunana a maki na hunu. E Kristo i made vonga na limana kanena Vure.

Titus 2:14

Na ningaru vona i mate, ge vakamatukapaga hita na naro hale lobo, ge vahilolo hita si gi kabakaba, ge bole hita, si gi leho tora ni rata a naro kamumu.

Hibru 1:13

A Vure i uka ma i takia tara agelo ge ta maea, “O valai o made na limagu a kanegu, ge harena na tahuna ga ru na tarumu e huriki a pile vomu.”

Hibru 10:12

Pali a nihabi ne Kristo, i habi balaka taku kunana. A nihabi vona i kara ni puga vuroki a naro hale ne huriki lobo na parava vakaroro. Muri i made puru na limana kanena Vure.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Hibru 4:14

E Isu, a Tuna Vure, a Prister Dagi ne hita, i sike pali na hunu, i made turana Vure. I mavonga, si gi pesi tata ni luhoi torea.

Hibru 7:27

E huriki a prister dagi ri tahoka a leho ni habi a nihabi na parava vakaroro. Muga bara ri habi a nihabi ni puga vuroki a naro hale ne ria. Muri ri habi a nihabi ni puga vuroki a naro hale ne huriki. Pali e Isu i uka ma i tahoka a naro hale ge rata mavonga. I habi a nihabi balaka taku kunana. I habi mule ia na Vure, i mate, i manga a nihabi.

Hibru 8:1

A vuhuna ngava nga i maea: Si tahoka pali a prister dagi. I made na limana kanena Hariki na hunu, i matakari.

Hibru 9:16

Ra naro ni varodo a ngava ne rei ge bole a maki muri na viri i mate. I uka ma ge bole a maki muga na bakovi i mate. Ni gi matai taro i mate muholi, muri bara ni veru tala a maki vona.

Hibru 9:26

Ia ge rata manga e huriki a prister na malala, bara i bole a nimadihi vakaroro, i vakatubu na tahuna a Vure i ratarike a malala i valai i harena mona. Pali i uka. Ngane i tabukoi a nilobo na parava, e Kristo i bele na malala balaka taku kunana, ge habi mule ia na Vure, ge ia a nihabi, ge puga vuroki liu a maka naro hale.

1 Petrus 1:21

I rata mua mu luhoi torea a Vure. Mu luhoi tora ia, mu lohoka vona ge korimule mua, a vuhuna i vakamahuri mulea na matenga e Kristo, i vakabagetua.

1 Petrus 3:22

I sike pali na hunu, i made na limana kanena Vure. I matakari e huriki a agelo, e huriki a matakari, a maka nitora ni habi na limana.

2 Petrus 1:16

Hosi, mi vakalongo mua vona e Isu Kristo, a Bakovi Dagi ne hita, ge hamule valai na nitora. A ngava mi vakalongo mua vona, i uka ma a nuverei tavula mi rata kunana na lohokanga ne mia. A nitora dagi ne Isu, mi masia na matane mia, mi vakalongo mua vona.

2 Petrus 1:17

Hosi, mete made turane Isu na lolo na Vure, mi longoa a Vure, e Tamane hita, i ta valai na hunu, i vakabagetua, i kavurikea a rane Isu, i ta maea, “A Bakovi iea e Tugu, a hategu. A vivi hateka vona.”

1 Ioanes 1:7

A Vure i made na hini palala. I mavonga, na tahuna si laho na hini palala, si varihi, a darane Tuna, e Isu, i vahilolo hita na naro hale lobo ne hita.

1 Ioanes 3:5

Mu lohoka vona, e Kristo, i uka liu a naro hale ge ratea. I valai ge puga vuroki a naro hale.

Iuda 1:25

A Vure i taku kunana. Na matenga ne Isu Kristo, a Bakovi Dagi ne hita i korimule hita. Ni gi vakabagetu a rana. Ia kunana a Hariki ne huriki lobo. Ia kunana i matakari a tanga lobo. I mavonga muga na maki lobo ni ratarike. I mavonga ngane. Ge mavonga na parava vakaroro. I muholi.

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”