Hibru 1:2 - A Nitana Vure

² Pali ngane, na tahuna a nilobona parava i tubu, a Vure i habi a ngava ne Tuna, lakea e Tuna i taki polo ne hita. Ne Tuna kunana, a Vure i ratarike a hunu, a malala, a maki lobo. A Vure i rata a maki lobo nga ge ne vona e Isu.

Hibru 1:2 Iomraidhean Croise

A Vuhuna 49:1

Muri e Iakop i gale palupu e huriki e tuna, i ta maea, “Mu valai ga taki mua vona a maki bara i bele ne mua muri ma.

Ni Gi 24:14

Ngane ga hamule mai e huriki a viri nau. Pali ga taki taro ioe vona a maka maki e huriki a Israel ri gi rata na tara vomu muri ma.”

Mateo 13:39

A pile, ra i varo a kukuni, i manga e Satan. A parava na nimirio i manga a nilobona parava. E huriki ri mirio ri manga e huriki a agelo.

Mateo 17:5

Na tahuna i tabana ni ta, a bubu pangapanga i kavitagu tou. A lohona viri i ta valai na bubu, i ta maea, “A Bakovi iea e Tugu, a hategu. A vivi hateka vona. Moto longo mai a nitana.”

Mateo 21:38

“Pali na tahuna ri masia e tuna, ri vata, ri ta maea, ‘A bakovi iea bara i bole a murine tamana. Si gi rabalakia, si gi bolea a hania na vain na tahuna e tamana i mate.’

Mateo 26:63

Pali e Isu i vulai mavonga. Lakea a prister dagi i nanea, “A taki ioe na rana Vure Mahuri, o vakalongo mia ngane, ioe e Kristo, a Tuna Vure?”

Mateo 28:18

Muri e Isu i valai mai ria, i ta maea, “A Vure i habi nau a nitora lobo na hunu a malala.

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Markus 1:1

Iea a vuhuna a Velenga Kamumu ne Isu Kristo, a Tuna Vure.

Markus 12:6

Pali a bakovi ala taku kunana i tabana, e tuna a hatena. I rudua ngane, a vuhuna i luhoi maea, ‘Bara ri togoa e tugu!’

Markus 12:7

“Pali e huriki a mari na leho ri varodo a ngava, ri ta maea, ‘Ra bakovi iea bara i bole a murine tamana. Si rabalakia, si gi bolea a hania na vain na tahuna e tamana i mate.’

Ioanes 1:10

A nipara iea, na limana Vure i ratarike a malala. Pali na tahuna i luve na malala, e huriki na malala i uka ma ri matakilalea.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 1:3

Na limana Nita iea kunana, a Vure i ratarike a maki lobo. I uka tara maki ge bele na dala ranga, a maki lobo i bele kunana na limana.

Ioanes 13:3

E Isu i lohoka vona e Tamana i ru a maki lobo na limana. I lohoka vona ia i valai na Vure, pali ngane ta ge hamule lakea tabu na Vure.

Ioanes 13:32

Na tahuna mu masia ne Isu a bagetuanga na Vure, ra bagetuanga iea kunana i vakasiria ne Tuna. Lakea a Vure bara i malaviriri kunana i vakabagetua.

Ioanes 15:15

Ngane i uka ma ga gale mua tabu ge mua a vora, a vuhuna a vora i uka ma i lohoka vona a leho i rata a bakovi dagi vona. Ngane ga gale mua, mua e huriki a turagu, a vuhuna a maki lobo e Tata i vakasiri iau vona a tovo polo lobo ne mua pali.

Ioanes 16:15

A maki lobo ne Tata a maki nau. I mavonga a taki mua, a Hanuna bara i bole a ngava nau i vakalongo mua vona.

Ioanes 17:2

a vuhuna o habia pali nau a nitora ga matakari e huriki lobo, ga habi a nimahuri vakaroro ne huriki o habi nau pali.

Ioanes 3:16

“I mavonga a vuhuna a Vure i ngaru hateka e huriki na malala, lakea i rudua e Tuna a bakovi a madiva ge mate, lakea e rei a viri i luhoi tora ia i uka ma ge velu, bara i bole a nimahuri vakaroro.

Ioanes 3:25

Na tahuna iea e huriki a murimuri ne Ioanes ri vahehe turana Iuda tara, na vinara na nivahilolo na viri, ge malamala na matana Vure.

Ioanes 5:26

E Tata ia a vuhuna nimahuri, lakea i ratea e Tuna tara, ia a vuhuna nimahuri.

Ioanes 5:27

E Tata i habi a nitora nau ga pelekado e huriki, a vuhuna iau a Tuna Bakovi.

Ioanes 9:29

Mi lohoka vona a Vure i ta turane Moses, pali ra bakovi iea i uka ma mi lohoka vona i valai vai.”

Apostolo 10:36

Mu lohoka vona a ngava a Vure i taki mia e huriki a Israel vona, i vakalongo a Velenga Kamumu ne huriki bara ri made na nivalemu turana Vure na tahuna ri luhoi torea e Isu Kristo, a Bakovi Dagi ne huriki lobo.

Apostolo 2:17

‘A Vure i ta maea, na nilobona parava ga habi ne huriki lobo a Hanugu. E huriki e tune mua a bakovi a ngatavine bara ri ta propet. E huriki a riau bara ri matai a maki na vurene ria. E huriki a gare bara ri vurena.

A Raukea e Paulus i Here Lakea ne Huriki a Rom 1:4

A Hanu Kiripiripi i vakasiri kavakava ne hita, e Isu Kristo, a Bakovi Dagi ne hita ia a Tuna Vure a vuhuna i vakamahuri mulea na matenga.

A Raukea e Paulus i Here Lakea ne Huriki a Rom 8:17

Ngane hita e huriki a tuna Vure. I mavonga, bara si bole turane Kristo a bagetua a Vure i ru puru ne huriki e tuna. Ngane si bole a nimadihi turane Kristo, i mavonga muri ma bara si bole a bagetua turane Kristo.

1 Korin 2:7

A lohokanga a vara ria vona, a lohokanga kapiloho na Vure. A lohokanga iea, a Vure i luhoi purua muga na maki lobo ni ratarike, ge vakabagetu hita vona.

1 Korin 8:6

Pali ne hita, a Vure i taku kunana, re Tamane hita, ra i ratarike a maki lobo. Hita a ngate vona. A Bakovi Dagi i taku kunana, re Isu Kristo. Na limana kunana, a Vure i ratarike a maki lobo. I habi ne hita a nimahuri karaba.

Galesia 4:4

Pali na parava a Vure i vulaki purua i bele, i rudua e Tuna. A ngatavine i podea. I bele manga a bakovi, i muri mai a vinara lobo na Vure,

Epesus 1:10

A niluhoi vona i maea, na tahuna a parava ge valai, bara i vakalipopo a maki lobo na hunu, a maki lobo na malala, ri gi tabuli polotano na matakari i taku kunana, re Kristo.

Epesus 3:9

I pasi iau ga vakapalala e huriki lobo na niluhoi i tabuli kapiloho paru hosi. A Vure, ra viri i ratarike a maki lobo, i ruhulolo hosi na nitubuna maki lobo.

Vinara 18:15

“Pali e BAKOVI DAGI, a Vure ne mua, bara i vulakia tara turane mua ge ia a propet manga iau, mu ramaia a nitana.

Vinara 31:29

A lohoka vona na tahuna a mate pali, e huriki bara ri mapulo, bara i hale a vilone ria, i uka ma ri gi ramaia a nita a habia ne mua. Bara mu rata a maka naro hale i kupo, bara mu ratea e BAKOVI DAGI i tahate i rudu a maka maki hale ri bele ne mua.”

Vinara 4:30

Pali na tahuna mu tahoka a maregoa dagi, a maka maki hale ri bele ne mua, bara mu pulo a hatene mua, mu ramai a nitane BAKOVI DAGI a Vure ne mua.

Hibru 1:5

Hosi a Vure i uka ma i takia tara agelo ge ta maea, “Ioe e tugu. Ngane Iau e Tamamu.” O ge ta maea, “Iau ge Iau e Tamana, Ia ge Ia e Tugu.”

Hibru 1:8

Pali a Vure i luhoia e Tuna, lakea i ta maea, “Ioe, a Vure, go matakari vakaroro, o matakari e huriki na naro kiripiripi.

Hibru 11:3

Hita, si luhoi torea a Vure i ta kunana, i vakabele a maki lobo. A maki lobo si matai, a Vure i ratarike na maki i uka ma si matai.

Hibru 2:3

Pali a Velenga Kamumu, e Isu a Bakovi Dagi i habia ne hita. Muri e huriki ri longoa a ngavana ri taki hita vona a velenga iea i muholi. Pali si gi lohopilea a Velenga Kamumu iea, na Vure ge korimule hita, si gi ha navai? A Vure bara i vakamadihi hale hita.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Hibru 4:14

E Isu, a Tuna Vure, a Prister Dagi ne hita, i sike pali na hunu, i made turana Vure. I mavonga, si gi pesi tata ni luhoi torea.

Hibru 5:8

I muholi, e Isu a Tuna Vure, pali i tovo ni longototoa a Vure na tahuna i bole a nimadihi.

Hibru 7:28

Hosi a vinara i ru e huriki a bakovi na malala ge ria a prister dagi. Pali muri, na tahuna a Vure i kaba, i ru a Tuna Vure ge ia a prister, re Isu, i rata lobo a maka maki a Vure i takia ge rata.

Hibru 7:3

I uka tara viri ge lohoka vona e tamane e kinane Melkisadek. A hamona tara i uka ma ni lohoka vona. A parava ni poda ia vona, a parava i mate vona, ngi ranga i uka ma ni lohoka vona. I mavonga, i manga a prister vakaroro, manga kunana a Tuna Vure.

Hibru 9:26

Ia ge rata manga e huriki a prister na malala, bara i bole a nimadihi vakaroro, i vakatubu na tahuna a Vure i ratarike a malala i valai i harena mona. Pali i uka. Ngane i tabukoi a nilobo na parava, e Kristo i bele na malala balaka taku kunana, ge habi mule ia na Vure, ge ia a nihabi, ge puga vuroki liu a maka naro hale.

1 Petrus 1:20

A Vure i vulaki mugea na malala ni ratarike. Pali i bele kavakava ne mua ngane, na nilobona parava.

2 Petrus 3:3

A ngava iea i maea: Muga na nilobona parava, a ngava e Isu Kristo ge hamule valai, bara ni nongo vaki. E huriki bara ri ramai kunana a ningaru hale na kakaine ria.

Iuda 1:18

Ri taki mua, ri ta maea, “Muri ma, na nilobona parava, e huriki a bakovi hale bara ri bele, ri biu a maka maki na Vure, bara ri ramai a ningaru hale na kakaine ria.”