E Levi 9:3 - A Nitana Vure

³ O taki e huriki a Israel ri gi bolea tara meme a toga, ge a nihabi na naro hale, a tuna bulmakau, a tuna sipsip, ru pida takutaku, ru gavutuvutu, ge a nihabi gutu-vuro.

E Levi 9:3 Iomraidhean Croise

A Vuhuna 37:31

Lakea, ri rabalakia tara meme, ri bole a darana, ri ravu na varakia e Iosep.

A Nimariu 12:5

Mu vulaki a sipsip a toga o a meme a toga gavutuvutu, a pida vona ge taku, pali naha ni lave a viri i tahoka a gilanga.

E Levi 10:16

Na tahuna e Moses i nana kado tou na a ra maki to ratea vona a meme na nihabi na naro hale, to takia ta to gutua pali na kanono! Lakea e Moses i tahate e Eleasar e Itmar, i ta maea,

E Levi 12:6

“Na tahuna a maka parava ni vaka­matapado i lobo, a ngatavine ge habi na prister na matana Kape na Vaponga tara tuna sipsip, a pida vona i taku, ge a nihabi ni gutu-vuro. Ge habi tabua a balu, ge a nihabi na naro hale.

E Levi 14:10

“Na polotoluna parava ge bole a tuna sipsip a toga ge rua ge gavutuvutu, a sipsip a kinana ge gavutuvutu a pida vona ge taku, a kilo na plaoa kamumu ge tolu ni vuli turana namona oliv ge a nihabi na vit. Ge bole turana a kikei na namona oliv.

E Levi 16:15

“Muri ge rabalakia ra meme ni habi na naro hale ne huriki. Ge bole dilia na Tabeke Nitaba Hateka a darana, ge voro tamali langa na murina nidodo na Tava na Ngava Dagi, na hini muga na murina nidodo, i manga a hini i rata pali na darana bulmakau.

E Levi 16:5

E huriki a Israel ri gi bole a meme a toga ge rua ne vona ni rata a nihabi na naro hale, a sipsip a toga tara ne vona a nihabi gutu-vuro, ri gi habi ne Aron.

E Levi 23:12

Na parava mu tabaria a nihabi na vit, mu habi turana a tuna sipsip ge gavutuvutu, ge tahoka a pida i taku, ge a nihabi gutu-vuro ne BAKOVI DAGI.

E Levi 4:23

Muri ge matakilaka vona a naro hale i ratea, ge bolea tara meme a toga ge gavutuvutu, ge a nihabi.

E Levi 4:3

“Na tahuna a prister dagi i rata a naro hale i habi a rarenga ne huriki, ge bolea tara bulmakau karaba, a toga ge gavutuvutu, ge habia ne BAKOVI DAGI ne vona a nihabi na naro hale vona.

E Levi 9:2

Lakea i takia e Aron i ta maea, “O bolea tara bulmakau karaba a toga, a sipsip a toga ru gavutuvutu, o habi ne BAKOVI DAGI. A bulmakau ge a nihabi na naro hale, a sipsip ge a nihabi gutu-vuro.

E Levi 9:4

Muri e huriki ri gi habi a bulmakau, a sipsip a toga, ge a nihabi na nivalemu. A nihabi na vit ni vuli turana namona oliv, ia tara ni gi habi ne BAKOVI DAGI. Ri gi rata a maki nga, a vuhuna mona e BAKOVI DAGI ge bele, ri gi masia na matane ria.

A Raukea e Paulus i Here Lakea ne Huriki a Rom 8:3

A Vinara ne Moses i keri ni korimule hita, a vuhuna a ningaru hale na kakaine hita i rata a vinara i uka nitora ni korimule hita. Lakea a Vure i ratea a leho, ra leho a vinara i keri ni rata. I rudua e Tuna, ge bele manga a bakovi na malala, ge vakalobo a naro hale. Na kakaine Isu ngane, a Vure i ratapile a nitora na naro hale pololilo na kakaine hita.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Titus 2:14

Na ningaru vona i mate, ge vakamatukapaga hita na naro hale lobo, ge vahilolo hita si gi kabakaba, ge bole hita, si gi leho tora ni rata a naro kamumu.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.

1 Petrus 3:18

E Kristo tara i bole a nimadihi. Ia a bakovi malamala, i mate balaka taku na naro hale ne hita, ge korimule e huriki a bakovi hale. I rata mavonga, ge tuli valai hita na Vure. A kakaina ni rabalaki, pali a Vure i vakamahuri mulea.

Kapiloho 5:9

Lakea ri kaloloa a linge karaba, ri kalolo maea, “Ioe kunana, i kara ioe go bolea a raukea iea, go laga vuroki a buluka ni pipikari vona, a vuhuna ni rabalaki ioe, a daramu i konamule e huriki a bakovi a ngatavine, ri gi ne vona a Vure. O kona tala ria na kabu lobo na malala, a tabele lobo na malala, a kuli lobo na malala, na robo lobo na malala.