E Levi 8:4 - A Nitana Vure

⁴ E Moses i rata a maki e BAKOVI DAGI i vakuku ia vona, i gale palupu e huriki lobo, ri vapopo na matana Kape na Vaponga.

E Levi 8:4 Iomraidhean Croise

A Nimariu 39:1

E Besalel turane huriki a mari ri bole a maka vuna sipsip i gomagoma, i kuakua, i vururu ni rata a bagetua kamumu na prister, ge rodo na tahuna ri leho na Tabeke Nitaba. A maka bagetua kamumu ne Aron, ni rata ramai a nitane BAKOVI DAGI i taki e Moses vona.

A Nimariu 39:21

Ni bole a mota gomagoma, ni varomu a halui i rua na kala na ngala i lakea na halui i rua na bagetua dagi. A kala na ngala i madoko tata na palabele, i uka ma ge mavuka, i ramaia a ngava e BAKOVI DAGI i vakuku e Moses vona.

A Nimariu 39:5

A palabele ni rata na lilina kala ne vona ni tango tata a bagetua iea. A maka bagetua ni rata na hotu ni rata na gol, na hotu ni rata na maka vuna sipsip gomagoma, i kuakua, i vururu, i ramaia a nitane BAKOVI DAGI i vakuku e Moses vona.

A Nimariu 39:7

Muri ni kolotata a kedo nga na palabele ra i nugutata a kala na lohona prister, i ramaia a ngava e BAKOVI DAGI i vakuku e Moses vona. Ra kedo nga ne vona ni luhoi mule e huriki e tune Israel bakovi.

E Levi 8:13

Muri e Moses i tuli e huriki e tune Aron ri valai, i vakarodo ria na nirodo, i vakarea ria na palabele, i vakatama ria na tama, i ramaia a ngava e BAKOVI DAGI i vakukua vona.

E Levi 8:17

Pali i bole ranga balena bulmakau turana a kulina, a bobona, a tahena, i gutu-vuro polovavo na mada, i ramai a ngava e BAKOVI DAGI i vakuku e Moses vona.

E Levi 8:29

Muri e Moses i bolea a siana, i tabari e BAKOVI DAGI vona, manga a nihabi nitabari. Ra balena sipsip a toga iea, a sika ne Moses na nigamai e huriki a prister, i manga a ngava e BAKOVI DAGI i vakuku e Moses vona.

E Levi 8:3

Muri o gale palupu e huriki a bakovi a ngatavine ri gi valai na matana Kape na Vaponga.”

E Levi 8:35

I taki iau pali, ta mu gu made na matana kape na haro, na rodo, ge harena na parava i polorua mu gu rata a maki i taki. Bara mu longotaro a ngavana, bara mu mate, a vuhuna ra ngava iea e BAKOVI DAGI i vakuku iau vona.”

E Levi 8:5

E Moses i taki ria, “E BAKOVI DAGI i vakuku iau vona tara maki ga ratea ngane.”

E Levi 8:9

I bolea a hoi i ru halui a gine Aron vona. Muri i bolea a hulongi ni rata na gol, i topia na hini muga na hoi. Ra hulongi iea, i vakasiri e Aron ia a bakovi na Vure. E Moses i rata a maki nga, i ramai a ngava e BAKOVI DAGI i vakuku ia vona.

1 Korin 11:23

E Bakovi Dagi i tovo iau, ngane ga tovo mua. Na rodo, ta ni gi habi na limane huriki a pile e Isu a Bakovi Dagi, i bole rike a bret,

1 Korin 15:3

A ngava dagi e Kristo i vakalongo iau vona, iau tara a vakalongo mua vona, ra i maea: E Kristo i mate, ge bole a mapana naro hale ne hita, i muri mai a ngava ni here puru hosi na Hinere.

Vinara 12:32

“Mu rata lobo a maka maki, ge manga a hini a taki mua vona. Naha ni hudo tala a vinara, naha ni lohopile na vinara.”