E Levi 8:2 - A Nitana Vure

² “O tuli e Aron turane huriki e tuna bakovi. O bole a nirodo ola ola, a nibiri ne vona ni gamai, a bulmakau a toga ge a nihabi na naro hale, a sipsip a toga ge rua, a kulopi na bret i uka is.

E Levi 8:2 Iomraidhean Croise

A Nimariu 28:1

“Na tahuna o hamule o taki e turamu e Aron turana e tuna bakovi, e Nadap, e Abihu, e Eleasar, e Itamar, ri gi valai vomu. O tuli tala ria na kurukurune huriki a Israel, o gamai ria ge ria a prister nau.

A Nimariu 28:40

O rata a maka siot, a palabele kiroko, a hoi, ne vona e huriki e tune Aron bakovi, ri gi bagetu vona, ri gi mata hateka na matane huriki.

A Nimariu 39:41

a maka bagetua kamumu ni gi rodo, ni gi rata a leho pololilo na Tabeke Nitaba, a maka bagetua ne Aron, ne huriki e tuna.

E Levi 6:10

Muri a prister ge rodo a nirodo ola ola, a poho ni rata na kala kamumu, ge lakea na dede ge bole a habulo i vona a havu na nihabi gutu-vuro, ge ru tabukoi na dede.

E Levi 8:1

E BAKOVI DAGI i takia e Moses i ta maea,

E Levi 8:10

Muri e Moses i bolea a nibiri, i gamai a Mailo na Vure turana a maka maki i tabuli pololilo vona, ge ne vona e BAKOVI DAGI kunana.

E Levi 8:18

Muri e Moses i bolea tara sipsip a toga ge a nihabi gutu-vuro. Lakea e Aron turane huriki e tuna ri ru langa a limane ria na gina.

E Levi 8:22

Muri e Moses i bole tabua tara sipsip a toga, ne vona ni gamai a bakovi ge ia a prister. Lakea e Aron turane huriki e tuna ri ru langa a limane ria na gina sipsip.

E Levi 8:3

Muri o gale palupu e huriki a bakovi a ngatavine ri gi valai na matana Kape na Vaponga.”

Hibru 7:27

E huriki a prister dagi ri tahoka a leho ni habi a nihabi na parava vakaroro. Muga bara ri habi a nihabi ni puga vuroki a naro hale ne ria. Muri ri habi a nihabi ni puga vuroki a naro hale ne huriki. Pali e Isu i uka ma i tahoka a naro hale ge rata mavonga. I habi a nihabi balaka taku kunana. I habi mule ia na Vure, i mate, i manga a nihabi.