E Levi 7:16 - A Nitana Vure

¹⁶ “Pali i tebi a nihabi na bakovi i ngaru ni rata a nihabi ne vona ni ta muholi, o ge habi nau a nihabi na ningaru vona. A bobona sipsip, a bulmakau ni gi kani na parava iea. A bobona ni kani kaleva i kara ni gi kani na parava muri.

E Levi 7:16 Iomraidhean Croise

A Nimariu 35:29

E huriki a bakovi a ngatavine o Israel ri ngaru ni habi tavula a maki ne vona a leho ne BAKOVI DAGI, ri ramaia a ngava e BAKOVI DAGI i vakuku e Moses vona.

E Levi 22:23

Na tahuna mu habi a nihabi na ningaru ne mua kunana, mu bole a sipsip, a bulmakau i laho puru rike, i uka maki. Pali naha ni habi nau a sipsip, a bulmakau maea ge vona a nihabi na nita muholi. I uka ma ga ngarua.

E Levi 22:29

Na tahuna mu rata a nihabi mu gu kavurike e BAKOVI DAGI vona, mu ramai a vinara na nihabi bara ngaru a nihabi ne mua.

E Levi 23:38

Ra nihabi nga ni rata langa tabu na nihabi na Parava Nimalo ne BAKOVI DAGI, ranga maki mu habi nau, a nihabi na nita muholi, turana a nihabi na ningaru ne mua.”

Ni Gi 15:3

mu habi nau a maka bulmakau, a sipsip, a meme ne mua. Mu rata a nihabi gutu-vuro o a nihabi ni ramai a nita muholi, o a nihabi na habu dagi na lotu, o a nihabi na ni ngaru ne mua kunana. A mangina nihabi nga ri mangi kamumu hateka nau.

Vinara 12:11

Na mailo vona na tanga iea mu bole valai a maka maki a taki mua vona pali, ra nihabi gutu-vuro, a maka nihabi ranga, a naguna i taku na maka naguna maki i ravulu, a maki ranga mu ngaru ni habi ne BAKOVI DAGI, a maka nihabi kamumu ne vona ni ta muholi vona ne BAKOVI DAGI.

Vinara 12:17

Naha ni kani a maki nga na tanga ne mua. Ra naguna i taku na maka naguna maki i ravulu na vit, na vain, na namona oliv, na maka tuna bulmakau a maka sipsip a tabua, a nihabi mu ta muholi vona mu gu habi ne BAKOVI DAGI, a nihabi mu habi na ningaru ne mua, a nihabi ranga.

Vinara 12:26

“Pali mu bole a maki ni gamai, mu bole lakea na tanga e BAKOVI DAGI i vulakia ne vona ni vasileki.

Vinara 12:6

Na tanga iea, mu rata a maka nihabi legelege ne mua, a nihabi gutu-vuro, a maka nihabi ranga. Na tahuna mu veru a maki, mu ru na naguna ge ravulu, a naguna ge taku mu habia na Vure. Ra naguna i taku iea, mu bole lakea na murina tanga ni vasileki. Mu bole tabu ranga nihabi mu ta muholi vona mu gu habi ne BAKOVI DAGI, a maka nihabi mu habi na ningaru ne mua, a maka tuna bulmakau a sipsip a tabua.