E Levi 4:6 - A Nitana Vure

⁶ Muri a prister ge lutua na dara a kukulimana, ge voro tamali balaka polorua na matane BAKOVI DAGI tabukoi na kala dagi i naviri mule a Tabeke Nitaba Hateka.

E Levi 4:6 Iomraidhean Croise

A Nimariu 40:21

Muri i ru pololilo na kape a tava, i vakatavorea a kala dagi i naviri mulea, i manga a ngava e BAKOVI DAGI i vakuku e Moses vona.

A Nimariu 40:26

I ru dilia a dede ni rata na gol na Kape na Vaponga polovavo na kala.

E Levi 14:16

Muri ge lutua na namona oliv iea a kukulimana a kanena, ge voro tamali balaka polorua na matane BAKOVI DAGI.

E Levi 14:18

A namona oliv i tababana na limana, a prister ge ravu na gina bakovi ta ni gi vakamatapado, ge kavitagua na matane BAKOVI DAGI.

E Levi 14:27

ge lutua a kukulimana a kanena na naruna oliv iea, ge voro tamali balaka polorua na matane BAKOVI DAGI.

E Levi 14:7

Muri ge voro tamali balaka polorua langa na bakovi i vona a patala a dara. A prister ge vakalongoa i matapado pali, muri ge bole talea a kadirovo mahuri ge vakabebea.

E Levi 16:14

Ge bole ranga darana bulmakau iea ge lutua a kukulimana, ge voro tamali langa na murina nidodo na Tava na Ngava Dagi, na tabeke na nirikena haro. Muri ge bole tabu na kukulimana, ge voro tamali balaka polorua na ngalana murina nidodo.

E Levi 16:19

Muri ge lutua a kukulimana tara na dara, ge voro tamali balaka polorua langa na dede. Na naro iea kunana i ratea a dede nitaba, i matapado na naroanga ne huriki a Israel.

E Levi 25:8

“Balaka polorua mu gi a pida ge polorua, ge bele na pida i ravulu va a polona i polova (49).

E Levi 26:18

“Muri na tahuna a vakamadihi mua na naro nga, pali i uka ma mu ramai tabu a ngavagu, bara vakamadihi hateka mua.

E Levi 26:24

bara luhoi a naro hale ne mua, a ratapile mua hateka tabu.

E Levi 26:28

bara tahate hateka na naro hale mu rata, iau kunana a habi a nimadihi dagi hateka ne mua.

E Levi 4:17

ge lutua na dara a kukulimana, ge voro tamali balaka polorua na matane BAKOVI DAGI tabukoi na kala dagi i naviri mule a Tabeke Nitaba Hateka.

E Levi 4:25

Muri a prister ge lutua na darana meme iea a kukulimana, ra nihabi na naro hale, ge ravu na maka tupina dede na nihabi gutu-vuro. Muri ge bole paru a dara i tababana, ge guru na taruna dede.

E Levi 4:30

Muri a prister ge lutua na darana meme a kukulimana, ge ravu na maka tupina dede na nihabi gutu-vuro, ge bole paru a dara i tababana, ge guru na taruna dede.

E Levi 4:34

Muri a prister ge lutu a kukulimana na darana sipsip, ra nihabi na naro hale, ge ravu na maka tupina dede na nihabi gutu-vuro, ge bole paru a dara i tababana, ge guru na taruna dede.

E Levi 8:11

I bole tabua a nibiri i voro tamali langa na dede balaka polorua, i gamai a maka mahala ri tabuli vona, a tavila na hilova turana a dede kiroko vona. A maka maki nga ne vona e BAKOVI DAGI kunana.

E Levi 8:15

Muri e Moses i rabalakia a bulmakau, i lutu a kukulimana na darana, i ravu na maka tupina dede na nihabi gutu-vuro. Na naro iea kunana i gamaia a dede i matapado na matana Vure. Muri i bole paru a darana i tababana, i guru na taruna dede, i gamaia, i kavitagua.

E Levi 9:9

Muri e huriki e tuna, ri bole valai vona a dara, lakea i lutua a kukulimana na dara, i ravu na tupi i va na dede. Muri i guru tala paru na taruna dede a dara i tababana.

Ni Gi 19:4

E Eleasar a prister ge bole a darana bulmakau popote, ge lutua na dara a kukulimana ge taku, ge voro tamali balaka polorua lakea na matana Kape na Vaponga.

Iosua 6:4

A prister ala polorua ri gi laho muga na Tava na Ngava Dagi ri gi bole a maka tavure ni rata na pelengana sipsip. Na poloruana parava ioe turane huriki a nugumaheto mu laho halui a tanga balaka polorua. E huriki a prister ri gi vaki a tavure.

Iosua 6:8

Ri rata manga a hini e Iosua i taki. A prister ala polorua ri laho na matene BAKOVI DAGI, ri muga na Tava na Ngava Dagi ri vaki a tavure.