E Levi 4:3 - A Nitana Vure

³ “Na tahuna a prister dagi i rata a naro hale i habi a rarenga ne huriki, ge bolea tara bulmakau karaba, a toga ge gavutuvutu, ge habia ne BAKOVI DAGI ne vona a nihabi na naro hale vona.

E Levi 4:3 Iomraidhean Croise

A Nimariu 29:14

Pali a bobona bulmakau, a kulina, a tamudina, o bole tala, o rungani polovavo na mada. Ra bulmakau iea, a nihabi ne vona ni puga vuroki a naro hale.

A Nimariu 29:21

Muri o bole ranga dara i tabuli na gagana dede, a nibiri, o voro langa ne Aron turane huriki e tuna. O voro langa tabu na bagetua ne ria a dara, a nibiri. A naro o ratea ne ria, i vakasiri a bagetua ne ria a maki nau.

A Nimariu 29:7

Muri o bolea a nibiri o guru langea na gina o gamaia.

A Nimariu 30:10

Na parava ge taku kunana na pida lobo e Aron ge ratea a dede iea ge matapado na matagu. Ge bole ranga dara na sipsip ra mu habi ni puga vuroki a naro hale, mu ru na tupina dede. Ra dede iea ni gamaia, ne nau kunana. E huriki a hamomu ri gi rata maea muri ma.”

E Levi 1:10

“Bara a viri i habi a sipsip o a meme ne vona ni habi gutu-vuro, ge bolea a toga ge gavutuvutu.

E Levi 1:3

“Bara a viri i ngaru ni habi a nihabi gutu-vuro nau, ge bolea a bulmakau a toga ge gavutuvutu. Ge ratea a nihabi iea, ge taparaki lakea tabukoi na matana Kape na Vaponga, lakea iau, e BAKOVI DAGI, bara ngarua.

E Levi 16:11

“E Aron ge bole valai a nihabi ni puga vuroki a naro hale, ge ramaia ra naro iea, ge kavitagu ia turane huriki na kabu vona. Muri ge rabalakia a bulmakau a toga, ge a nihabi na naro hale vona.

E Levi 16:3

“Na tahuna e Aron ge dili na Tabeke Nitaba Hateka, muga ge bolea tara bulmakau karaba a toga, ge rata a nihabi na naro hale, a sipsip a toga tara ge bolea, ge a nihabi ni gutu-vuro.

E Levi 16:5

E huriki a Israel ri gi bole a meme a toga ge rua ne vona ni rata a nihabi na naro hale, a sipsip a toga tara ne vona a nihabi gutu-vuro, ri gi habi ne Aron.

E Levi 16:6

“E Aron ge habia a nihabi na bulmakau, ne vona ni puga vuroki a naro hale vona, ne vona ni kavitagu ia turane huriki a kabu vona.

E Levi 4:14

Muri na tahuna ri matakilaka vona a naro hale ne ria, ri gi bole lakea na matana Kape na Vaponga tara bulmakau karaba a toga, ge a nihabi na naro hale ne ria.

E Levi 4:23

Muri ge matakilaka vona a naro hale i ratea, ge bolea tara meme a toga ge gavutuvutu, ge a nihabi.

E Levi 4:28

Na tahuna i matakilaka vona a naro hale i ratea, ge bole vilia tara meme a kinana ge gavutuvutu, ge a nihabi na naro hale vona.

E Levi 4:5

A prister ni gamai ge bole ranga darana bulmakau iea, ge bole dili na Kape na Vaponga.

E Levi 5:6

Ne vona ni koli a naro hale vona, a bakovi ge habia tara tuna sipsip o a meme ge a kinana, ge a nihabi na naro hale. A prister ge kavitagua a bakovi iea na naro hale vona.

E Levi 6:18

E huriki a bakovi na kabu ne Aron kunana ri gi kani a nihabi ni gutu na kanono ne BAKOVI DAGI. Ra vinara iea ni gi ramai vakaroro muri ma. A ra maki i padoi a nihabi nga, ni taba.”

E Levi 8:12

I bolea a nibiri i guru langea na gine Aron, i gamaia, ge vona e BAKOVI DAGI kunana.

E Levi 9:2

Lakea i takia e Aron i ta maea, “O bolea tara bulmakau karaba a toga, a sipsip a toga ru gavutuvutu, o habi ne BAKOVI DAGI. A bulmakau ge a nihabi na naro hale, a sipsip ge a nihabi gutu-vuro.

E Levi 9:3

O taki e huriki a Israel ri gi bolea tara meme a toga, ge a nihabi na naro hale, a tuna bulmakau, a tuna sipsip, ru pida takutaku, ru gavutuvutu, ge a nihabi gutu-vuro.

Ni Gi 16:22

Pali e Moses e Aron ru tabuli ngalabarara na malala, ru takia e BAKOVI DAGI ru ta maea, “Vure, ioe kunana o rata e huriki a bakovi a ngatavine ri made. I navai i madihi a hatemu ne huriki nga na naro hale na bakovi ala taku i ratea?”

Ni Gi 8:8

Muri ri gi bolea tara bulmakau karaba a toga, turana ranga plaoa ni vuli turana namona oliv, ne vona a nihabi na vit, ni gi habi turana bulmakau. Ri gi bolea tara bulmakau a toga, ne vona a nihabi na naro hale.

A Raukea e Paulus i Here Lakea ne Huriki a Rom 8:3

A Vinara ne Moses i keri ni korimule hita, a vuhuna a ningaru hale na kakaine hita i rata a vinara i uka nitora ni korimule hita. Lakea a Vure i ratea a leho, ra leho a vinara i keri ni rata. I rudua e Tuna, ge bele manga a bakovi na malala, ge vakalobo a naro hale. Na kakaine Isu ngane, a Vure i ratapile a nitora na naro hale pololilo na kakaine hita.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Hibru 5:3

A prister dagi i habi a nihabi ni puga vuroki a naro hale ne huriki, turana naro hale vona, a vuhuna ia tara a bakovi hale.

Hibru 9:12

E Kristo i dili balaka taku kunana. I uka ma i dili turana darana meme, a darana tuna bulmakau. A nihabi i habia, a darana. Na naro iea i konamule hita, si gi tahoka a nimahuri vakaroro.