E Levi 3:8 - A Nitana Vure

⁸ Ra bakovi iea ge ru langea a limana na gina sipsip, muri ge rabalakia a sipsip na matana Kape na Vaponga. Muri e huriki e tune Aron, ri gi voro tamali a darana sipsip na tabeke lobo na dede.

E Levi 3:8 Iomraidhean Croise

E Levi 1:11

Ge rabalakia na matane BAKOVI DAGI na tabeke mule sike na dede. E huriki a prister ri gi bole a darana, ri gi voro tamali lakea na tabeke lobo na dede.

E Levi 1:4

Ge ru langea na gina bulmakau iea a limana, lakea iau bara ngarua a nihabi vona, bara i kavitagua a naro hale vona.

E Levi 1:5

Muri ge rabalakia a bulmakau iea na matane BAKOVI DAGI, lakea e huriki a prister, e tune Aron bakovi, ri gi bole a darana, ri gi lakea na dede i tabuli tabukoi na matana Kape na Vaponga, ri gi voro tamali na tabeke lobo na dede.

E Levi 3:13

Ra bakovi iea ge ru langea na gina meme a limana, muri ge rabalakia a meme na matana Kape na Vaponga. Muri e huriki e tune Aron, ri gi voro tamali a darana meme na tabeke lobo na dede.

E Levi 4:15

Na matane BAKOVI DAGI, e huriki a gare na vaponga ri gi ru langa a limane ria na gina bulmakau, muri ri gi rabalakia na matane BAKOVI DAGI.

E Levi 4:24

Na matane BAKOVI DAGI ge ru langa a limana na gina meme, muri ge rabalakia na hini ni rabalaki a maka kanirau ne vona a nihabi gutu-vuro. Iea a nihabi na naro hale.

E Levi 4:4

A prister ge bolea a bulmakau iea ge lakea na matana Kape na Vaponga na matane BAKOVI DAGI, ge ru langa a limana na gina bulmakau. Muri ge rabalakia na matane BAKOVI DAGI.

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

2 Korin 5:19

Ra i maea, na leho ne Kristo, a Vure i uka ma i luhoi tabu a naro hale ne hita. I rata hita i uka ma hita a pile tabu. Si made turana na nivalemu ngane. I habi a leho nau, ga rata e huriki ranga ri gi made turana Vure na nivalemu.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Epesus 2:18

A vuhuna e Kristo i mate na kai tavalavala, ngane i kara hita lobo si gi bele na matane Tamana, na Hanuna.

Epesus 3:12

Ngane si rihi ia, si luhoi tora ia, lakea i kara hita si gi valai tabukoi na matana Vure, i uka ma si gi mangenge.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.