E Levi 27:3 - A Nitana Vure

³ Ge pasia a mapana bakovi o ngatavine vona ge maea: a bakovi i tahoka a pida i ravulu rua, i harena na pida i ravulu polotara (60), ni gi kona na moni silva i 50, i ramai a nimavana moni na mailo ne BAKOVI DAGI.

E Levi 27:3 Iomraidhean Croise

A Nimariu 30:13

E huriki ni here a rane ria ri gi habi a moni silva ge polotara na gram, ge a nihabi ne BAKOVI DAGI.

A Nimariu 38:24

A maka gol i habi e huriki ne vona ni hae a mailo vona, ni gi palupu a nimavane ria i 998 kilo.

E Levi 27:14

“Bara bakovi i habi a ruma vona i malamala lakea ne BAKOVI DAGI, a prister ge matai taroa a ruma iea i kamumu o i hale, lakea a prister ge takia a mapana. Ra mapana nahea ni gi pulo.

E Levi 27:25

A mapana maki nga ni gi pasi ramai a moni na mailo ne BAKOVI DAGI.

E Levi 27:4

A ngatavine i tahoka a pida i ravulu rua, i harena na pida i ravulu polotara (60), ni gi kona na moni silva i 30.

E Levi 5:15

“Na tahuna a bakovi tara i longokaburungi ni habi a maki ni taba ne BAKOVI DAGI, i manga a hini i taki ge habi, i rata a naro hale. Ra bakovi iea ge bole vilia a sipsip a toga, ge habia ne BAKOVI DAGI ge vakaloboa a naro hale vona. A prister ge takia vona a mapana sipsip ge konea vona ge ramaia a mapana maki ni kona na mailo na Vure. Muri a bakovi iea ge bole vilia na prister tara sipsip a toga, a mapana ge maea.

E Levi 6:6

A bakovi ge koli a rarenga vona, ge bolea tara sipsip a toga ge gavutuvutu, ge lakea na prister, ge ratea a nihabi na rarenga ne BAKOVI DAGI. A prister ge takia i riva a mapana.

Ni Gi 18:16

E huriki a Israel ri gi kona mule e huriki e tune ria ri tahoka a keva i taku na silva sekel i lima, i ramai a nimavana sekel na kape na tahuna iea.

Ni Gi 3:47

O bole a silva moni ge lima takutaku na bakovi ne ria, ne vona ni kona mule ria. A nimavana silva i ramai a nimavana maki na tahuna iea.