E Levi 26:9 - A Nitana Vure

⁹ “Iau bara rata kamumu mua, a habi ne mua e huriki e tune mua ri ala kupo. Bara vakatorea a ngava dagi a takia ne mua hosi.

E Levi 26:9 Iomraidhean Croise

A Vuhuna 1:28

A Vure i gamai rua i taki rua, “Muru bele kupo, muru vakavonu a malala, muru matakaria. Muru matakari a maka manu na dari, a maka kadirovo, turana a maki mahuri lobo na robo.”

A Vuhuna 17:20

A nitamu i lakea ne Ismael a longoa pali. Muholi hateka ia tara ga gamaia, ga ratea ge tahoka, ge bele kupo e huriki a hamona. Ge ia e tamane huriki a matakari i ala ravulu a polona i rua (12), ga ratea a kabu vona ge dagi.

A Vuhuna 22:17

ngane ga gamai ioe, ga rata e huriki a hamomu ri gi ala kupo manga a hada na hunu, a hire na lavu. E huriki a hamomu ri gi vadede langa vona e huriki a pile ne ria, ri gi bole a vuhutanga ne ria.

A Vuhuna 26:4

Ga rata e huriki a hamomu ri gi kupo manga a hada na hunu. Ga habia ne ria a robo iea. Na hamomu kunana, ga gamai e huriki lobo na malala,

A Vuhuna 28:14

E huriki a hamomu bara ri ala kupo manga a habulo na malala. Bara mu made vona a hini i vakatubu na nirolona haro, i lakea mai a nirikena haro, a hini i sike lakea i puru lakea. E huriki a viri lobo na malala ga gamai ria, a vuhuna iau a gamai e huriki a hamomu.

A Vuhuna 28:3

A Vure Tuhaka ge gamai ioe, go vakabele, go vakakupo e huriki a hamomu.

A Vuhuna 48:4

i ta maea, ‘Ga rata ioe go tahoka a maka maki, ge bele kupo a hamomu. Ga vakamade palupu e huriki a hamomu ga habia ne ria a malala ge vona e ria liu muri ma.’

A Vuhuna 6:18

Pali iau ga rata a ngava dagi turamu, muri bara o rike na agarungu vomu turana e girihimu, e tumu, e kamu.

A Nimariu 1:7

Pali e huriki a hamone Israel ri bele kupo, ri gao hateka, ri bele kupo o Egipto.

A Nimariu 2:25

Lakea a Vure i matai e huriki a Israel ri made hale hateka, i luhoi hateka ria.

A Nimariu 6:4

A ta turane tou na ngava dagi, a ta muholi hateka ga habia ne tou a malala e Kenan, ra malala to made muga vona manga a mosi.

E Levi 26:15

mu putu puru a vinara nau, mu ngalahere na ngavagu, mu longotaro a ngava dagi a rata turane mua,

Lukas 1:72

I taki e huriki a gare ne hita ge dodo ria, i uka ma ge longo kaburungi a ngava dagi i rata turane ria hosi.

Vinara 28:11

E BAKOVI DAGI bara i habi ne mua e huriki e tune mua ri ala kupo, a maka bulmakau ri kupo, a maka maki ni kani na hania bara ri bele kupo vona a robo i ta muholi vona ge habia ne mua.

Vinara 28:4

“Bara i gamai e huriki e tune mua, i rata a maka maki ni kani ri bele kupo na hania. A maka bulmakau a sipsip ranga, bara i habi kupo ne mua.

Vinara 7:13

Bara i ngaru hateka mua, i rata kamumu mua, bara mu tahoka e huriki e tune mua ri ala kupo, ri vakabele e huriki a hamone mua ri ala kupo. Bara i rata kamumu a maka hania ne mua, bara mu tahoka a vit, a vain, a namona oliv. Bara i vakavole a maka bulmakau a sipsip. Bara i habi lobo ne mua a maka maki na robo iea, ra i ta muholi vona ne huriki a gare hosi ge habi ne mua.

Hibru 8:9

Ra ngava dagi iea, i uka ma ge manga a ngava dagi hosi a rata turane huriki a gare ne ria, na tahuna a tuli tala ria o Egipto. I uka ma ri muri maia a ngava dagi nau. Lakea iau e Bakovi Dagi, a ngalahere ne ria.