E Levi 26:6 - A Nitana Vure

⁶ “Iau bara habi a nivalemu ne mua mu made kamumu. Na tahuna mu mahita, i uka ma mu gu mangenge vona tara maki. Ga lili vuroki a maka livoa hateka na robo ne mua. E huriki a pile i uka ma ri gi ratapile mua.

E Levi 26:6 Iomraidhean Croise

A Nimariu 23:29

Pali iau, i uka ma ga lili tala ria na pida ge taku, a vuhuna maka livoa hateka bara ri bele kupo, ri tahona vona a robo, ri ratapile mua.

E Levi 25:18

“I mavonga mu ramai kamumu a maka ngava, a vinara ne BAKOVI DAGI. Bara mu rata mavonga bara mu made kamumu vona a malala iea.

E Levi 25:19

A malala bara i vakabele a maki ni kani i kupo, bara mu made kamumu hateka vona a malala iea.

E Levi 26:22

Ga rudu a maka livoa hateka ri gi lakene ri gi rabalaki e huriki e tune mua, a maka bulmakau ne mua, ga rata mua mu ala popote, i uka viri ge laho na dala ne mua.

E Levi 26:25

Mu ratapilea pali a ngava dagi, ngane ga rudu e huriki a pile ri gi vaubi turane mua. Na tahuna mu made pololilo na tanga dagi ni tura halui, mu luhoi ta mu made kamumu, pali bara rudua a gilanga dagi i ratapile mua. Na tahuna mu bole a maregoa na gilanga, bara habi mua na limane huriki a pile ne mua.

E Levi 26:7

Na tahuna mu vaubi turane huriki a pile, bara mu valili ne ria, mu ratapile ria.

Ioanes 14:27

Iau a habi a nivalemu ne mua. A nivalemu nau a habi ne mua. I uka ma a habi a nivalemu ne mua ge manga e huriki na malala ri habi. Naha ni loho lege lae, naha ni mangenge.

Apostolo 12:6

Na rodo muga na parava e Herod ta ge bole talea e Petrus ni gi pelekado, e Petrus i mahita na koropalana a nugumaheto ala rua. Ri kolotatea na sen i rua. E huriki a nugumaheto ranga ri tagari na logo na bavi.

A Raukea e Paulus i Here Lakea ne Huriki a Rom 5:1

Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.