E Levi 26:5 - A Nitana Vure

⁵ A maki ni kani bara ri bele kupo. Bara mu mirio mavonga a vit i harena na tahuna a vain i rara ni pasi. Bara mu pasi mavonga a kanena vain i rara, i harena na tahuna mu varo tabu a vit. Bara mu kani mu maru, mu made kamumu na malala ne mua.

E Levi 26:5 Iomraidhean Croise

A Nimariu 16:8

E Moses i ta tabu i ta maea, “Na malunga e BAKOVI DAGI ge habi a kania ne mua, na hatelanga ge habi a bret ne mua, a vuhuna i longoa pali a nideke ne mua. Ra maria, maria e rei muholi? Ra mua, i uka ma mu deke ne maria, mu deke ne BAKOVI DAGI.”

Mateo 23:37

“Ierusalem, Ierusalem! Mu rabalaki e huriki a propet, mu rabalaki na kedo e huriki a rudu valai ne mua. Balaka kupo a ngaru ni kalipopo palupu mua, i manga a kinana kureko i kavitagu a maka tuna na karapana, ga matakari mua. Pali mu koi mua.

Apostolo 14:17

Pali i uka ma i kapiloho liu, ge uka a viri ge lohoka vona. I vakasiri vakaroro a ningaru vona ne mua: I vakaboru vilia na hunu a vala, i rata a maka maki ni kani kamumu ri koru rike, ri ramai a parava ne ria. I habi a maki ni kani i kupo ne mua, i rata mua mu vivi.”

Vinara 11:15

I uka ma mu gu bala vona tara maki. A maka bulmakau ne mua bara ri tahoka a maka varili ni kani.

1 Timoti 6:17

O taki e huriki ri tahoka a mahala i kupo, nahea ri gi bibi rike mule ria. A mahala na malala bara i lobo vakaturutu, lakea nahea ri gi luhoi ge kori ria. Ri gi luhoi kunanea a Vure, a vuhuna a Vure i hatebalala. I habi ne hita a maki lobo si gi pitei vona.

1 Petrus 1:5

Mu luhoi torea pali e Kristo, lakea a nitora na Vure i matakari mua. Ge matakari mua ge vano ge harena na nilobona parava na tahuna ge vakasiri kavakava ne huriki a naro i korimule mua vona.