E Levi 26:4 - A Nitana Vure

⁴ bara ratea a vala i boru, i rata a maki ni kani ri rike kamumu na malala ne mua. A maka kai bara ri vua kamumu.

E Levi 26:4 Iomraidhean Croise

E Levi 25:19

A malala bara i vakabele a maki ni kani i kupo, bara mu made kamumu hateka vona a malala iea.

E Levi 25:21

Naha ni loho lege lae. E BAKOVI DAGI bara i gamai a malala na polotarana pida, ge bele kupo a maki ni kani, mu kani na pida i tolu.

Mateo 5:45

Bara mu rata mavonga, bara ni gale mua e huriki e tune Tamane mua meli na hunu, a vuhuna i ratea a haro i para langa ne huriki lobo: e huriki a bakovi malamala, e huriki a bakovi hale. I habi a vala ne huriki lobo: e huriki a bakovi malamala, e huriki a bakovi hale.

Apostolo 14:17

Pali i uka ma i kapiloho liu, ge uka a viri ge lohoka vona. I vakasiri vakaroro a ningaru vona ne mua: I vakaboru vilia na hunu a vala, i rata a maka maki ni kani kamumu ri koru rike, ri ramai a parava ne ria. I habi a maki ni kani i kupo ne mua, i rata mua mu vivi.”

Vinara 11:13

“I mavonga mu ramai lobo a vinara a habi ne mua mona: mu ngaru hatekea e BAKOVI DAGI a Vure ne hita, mu habi a hatene mua, a niluhoi ne mua, mu rata a leho vona.

Vinara 11:14

Mua bara mu rata mavonga, bara vakaborua a vala i boru langa na maka hania, na matatalanga i lakea na matadilinga, bara mu maru na maki ni kani, na vain, na namona oliv.

Vinara 28:12

“E BAKOVI DAGI i matakari a vala, bara i vakaboru na tahuna na vala. Bara i rata a maka leho ne mua ri bele kamumu hateka. Lakea e huriki ranga bara ri nana mua na maki mu habi, pali mua i uka ma mu gu ngaru ni nana ria.

Iakop 5:7

Mua e huriki a turagu, mu hatenono ge harena na tahuna e Bakovi Dagi ge hamule valai tabu. A bakovi i tahoka a hania i dava a maki ni kani ge moro na hania vona. I hatenono, i made madoru i dava a vala a haro ru gu rata taro a leho ne rua, muri bara i bole a maki ni kani.

Kapiloho 11:6

Ru tahoka a nitora ni tukaria a hunu, i uka ma ge boru a vala na parava lobo ru rata a nita propet. Ru tahoka a nitora ni rata a maka naru ri gi mapulo manga a dara. Ru tahoka a nitora ni ratapile a malala na vuranga legelege, na ningaru ne rua.