E Levi 26:12 - A Nitana Vure

¹² Ga laho turane mua, ge iau a Vure ne mua, mua ge mua e huriki a tara nau.

E Levi 26:12 Iomraidhean Croise

2 Korin 6:16

Ni gi ru dili navai a nitamina vure na Roho na Vure? Pali hita a roho na Vure Mahuri. I manga a ngava a Vure i takia hosi, i maea, “Iau ga made turane ria, ga laho turane ria. Ge iau a Vure ne ria, ge ria e huriki a ngate nau.

A Nimariu 6:7

Ga bole mua ge mua a ngate nau, pali iau ge iau a Vure ne mua. Muri bara tuli tala mua o Egipto, a tanga ni vakavora mua vona. Na tahuna iea bara mu lohoka vona iau kunana e BAKOVI DAGI, a Vure ne mua.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Vinara 23:14

E BAKOVI DAGI a Vure ne hita, bara i made turane mua vakaroro na mada, ge tuhori mua bara mu rangi e huriki a pile. I mavonga a mada ni gi taba, ge ne BAKOVI DAGI kunana, lakea i uka ma ge masia tara maki ge muto na kurukurune mua, ge ngalahere ne mua.”

Kapiloho 21:7

E huriki ri mulangi, ga habi a maki nga ne ria. Ge iau a Vure ne ria, ge ria e huriki e tugu.

A Vuhuna 17:7

Iau ga vakatorea vomu a ngava dagi. Ra ngava dagi iea ge tabuli vakaroro vomu, ne huriki a hamomu ri gi bele muri ma. A ngava dagi i maea: Iau a Vure Muholi vomu, a Vure ne huriki a hamomu.

A Nimariu 3:6

Iau a Vure ne huriki a gare vomu. Iau a Vure ne Abraham, ne Isak, ne Iakop.” E Moses i longoa a ngava iea i kavitagua a matana, a vuhuna i mangenge ni masia a matana Vure.

A Vuhuna 3:8

Muri a bakovi turana e girihina ru longoa e BAKOVI DAGI a Vure i lalaho na hania na malunga. Lakea ru vano ru pesi kapiloho vona na kai na hania.

Mateo 22:32

‘Iau a Vure ne Abraham, ne Isak, ne Iakop.’ A Vure i uka ma ia a Vure ne huriki ri mate, ia a Vure ne huriki ri mahuri.”

Kapiloho 2:1

Muri i ta tabu, i ta maea, “O here lakea na agelo ne huriki a tara na Vure o Epesus, o here maea: A ngava iea i valai na Bakovi i nugu a hada i polorua na limana a kanena, ra viri i laho na kurukuruna maka butu na nipara i polorua ni rata na gol.

A Vuhuna 6:9

Iea a nita na narone Noa: E Noa ia a bakovi kamumu, a narona i kiripiripi na matane huriki a bakovi na tahuna iea. I laho turana Vure.

A Vuhuna 5:24

Muri a Vure i bolea e Enok, i uka ma ni matai tabu, a vuhuna a Vure i ngaru hatekea.

A Vuhuna 5:22

Muri ne Metusela ni poda, e Enok i laho turana Vure na pida i 300, i vakabele tabu ranga e tuna a bakovi a ngatavine.

A Vuhuna 17:8

Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”

A Nimariu 29:45

Ga made turane huriki a Israel, ge iau a Vure ne ria.

Ni Gi 5:3

Mu tono tala e huriki a bakovi a ngatavine ri muto, ma ri gi ratea a mada na hini a made vona ge muto.”

A Nimariu 29:46

Ri gi lohoka kamumu nau, iau kunana a tuli tala ria o Egipto, a taparaki valai ria koea ga made turane ria. Iau kunana e BAKOVI DAGI a Vure ne ria.

Vinara 23:15

E Moses i ta tabu i ta maea, “Na tahuna a vorakato i ha na tahona, ge valai ge nana mua mu gu tuhoria, naha ni tono mulea.