E Levi 20:3 - A Nitana Vure

³ Ra bakovi i habi e tuna ne Molek, i rata a mailo nau i muto, i ratapile a ragu. Ra bakovi iea a pile nau, bara lili talea ne huriki a Israel.

E Levi 20:3 Iomraidhean Croise

A Nimariu 30:33

A bakovi i ratea tara nibiri maea, o ge guru langa tavulea na bakovi tavula tara, ra bakovi iea i uka ma ge made turane huriki a viri vona.’”

E Levi 15:31

“Muru habi tora a ngava ne huriki a Israel, ri gi matakari kamumu ria na tahuna ri muto na matagu. A mailogu i tabuli na kurukurune ria. Na tahuna ri muto nahea ri gi dili vona, ma ri gi mate, a vuhuna ri vakamutoa a mailogu.”

E Levi 17:10

“E rei tara ne ria na kabu ne Israel o a mosi tara i made turane ria, i rabalakia a kanirau, i ninu o i kani a darana, bara iau a pile vona, ni gi lili tala na kabu vona.

E Levi 18:21

“Naha ni habi e tune mua ne Molek. Bara mu rata mavonga, mu vakahale a rana Vure ne mua. Iau e BAKOVI DAGI a takia a ngava iea.

E Levi 19:12

“Na tahuna mu ta muholi ni rata a maki, naha ni kaba tavula na ragu ni tami a viri. I uka ma mu ramai a nita muholi mu rata, mu vakahale a ragu. Iau e BAKOVI DAGI a Vure ne mua, a takia a ngava iea.

E Levi 20:4

Pali na tahuna e huriki ri mata taroa a bakovi iea i habia tara e tuna ne Molek, lakea i uka ma ri rabalakia,

E Levi 21:6

Ri gi malamala na matana Vure ne ria, nahea ri gi vakahale a rana. Ri gi malamala, a vuhuna ri rata a nihabi na kanono, ri habi ne BAKOVI DAGI. Ra nihabi nga i manga a maki ni kani na Vure ne ria.

E Levi 7:20

Pali a bakovi i uka ma i matapado, i kania a bobona sipsip, a bulmakau na nihabi na nivalemu ne BAKOVI DAGI, ni gi tono tala na kabu vona.

E Levi 7:21

A viri i muto na tahuna i padoi a maki i muto na bakovi na ngatavine, a maki i muto na kanirau, a maki i muto na maki i karaka viliha, a maki ranga ri muto ri muma hateka, lakea i kani a bobona sipsip a bulmakau na nihabi na nivalemu ne BAKOVI DAGI, na tahuna i rata mavonga, ia tara ni gi tono tala na kabu vona.”

Ni Gi 19:13

A bakovi i padoi a podana viri, i uka ma i rata ia ge matapado, bara i muto mavonga. A vuhuna i uka ma i bolea ra naru ni rata a viri ge matapado, i uka ma ni voro tamali langa a naru vona. Ra naro iea i ratea a kape nau, i muto na matagu, lakea ra bakovi iea i uka ma ge made turane huriki a tara nau.

Ni Gi 19:20

“Pali bara bakovi tara i muto, i uka ma i ramai a naro ni vakamatapado, ra bakovi iea bara i muto mavonga na matagu. A vuhuna i uka ma ni guru langa a naru na ni ratana a bakovi ge matapado. Ra bakovi iea i ratea a kape nau i muto, lakea ni gi tono tala e huriki a tara nau.

2 Korin 6:16

Ni gi ru dili navai a nitamina vure na Roho na Vure? Pali hita a roho na Vure Mahuri. I manga a ngava a Vure i takia hosi, i maea, “Iau ga made turane ria, ga laho turane ria. Ge iau a Vure ne ria, ge ria e huriki a ngate nau.

1 Petrus 3:12

A vuhuna e Bakovi Dagi i mata­kari e huriki a bakovi malamala, i longo a nivasileki ne ria. Pali i gege e huriki ri rata a naro hale.”