E Levi 2:9 - A Nitana Vure

⁹ Muri a prister ge bole tala na nihabi na vit a tabekena popote, a maki iea ge ratea e BAKOVI DAGI ge luhoia. Ge gutu na dede, ge a nihabi ni gutu na kanono. Na tahuna e BAKOVI DAGI i burongia a mangina kinani, bara i vivi.

E Levi 2:9 Iomraidhean Croise

A Nimariu 29:18

O gutu ge vuro lobo liu a sipsip na dede, ge a nihabi gutu-vuro na kanono ne vona e BAKOVI DAGI. Lakea iau bara burongi a mangina bara vivi.

E Levi 1:9

Pali a mahalana, a vahana, ge loi kamumu na naru. Muri ge habi na prister ge gutu lobo na dede, ge a nihabi gutu-vuro, ge a nihabi ni gutu na kanono. Na tahuna e BAKOVI DAGI i burongi a mangina kinani, bara i vivi.

E Levi 2:16

A prister ge bole tala a vit popote, a namona oliv, turana a maka havu mangisipa, a maki nga ge ratea e BAKOVI DAGI ge luhoia, ge a nihabi ni gutu na kanono lakea vona.”

E Levi 2:2

Muri ge bole a maki nga ge lakea ne huriki e tune Aron, re huriki a prister. A prister tara ge ragamu tala na limana ranga plaoa kamumu, turana a namona oliv, a havu mangisipa. Muri ge habi na prister ge gutu langa na dede, ge a nihabi ni gutu na kanono. A nihabi iea ge ratea e BAKOVI DAGI ge luhoia. Na tahuna e BAKOVI DAGI i burongia a mangina kinani, bara i vivi.

E Levi 2:8

Mu bolea a nihabi na vit, mu rata a maki nga, mu taparaki lakea na prister ge bole lakea na dede, ge habi ne BAKOVI DAGI.

E Levi 24:7

O ru ranga havu mangisipa ni gi rungani, ge huli a mangina turana a tete na bret ge rua, muri ri gi habi ne BAKOVI DAGI a havu mangisipa, ge a nihabi ni gutu na kanono, ge ratea e BAKOVI DAGI ge luhoi mule ra bret nga.

E Levi 4:31

Ge bole tala a vina meme lobo, ge manga a naro ni bole tala a vina na nihabi na nivalemu, ge gutu na dede. Na tahuna e BAKOVI DAGI i burongi a mangina kinani, bara i vivi. I mavonga kunana a prister ge kavitagua a bakovi iea, a naro hale vona ni gi puga vuroki.

E Levi 5:12

Ge bole lakea na prister, ge ragamu tala ranga, a nihabi iea ge ratea e BAKOVI DAGI ge luhoia. Lakea a prister ge gutu na dede a plaoa popote nga, turana a nihabi na maki ni kani ni gutu na kanono ne vona e BAKOVI DAGI. Ra plaoa iea a nihabi na naro hale.

E Levi 6:15

I tara ne ria ge ragamu ranga plaoa kamumu ge guru langa vona a namona oliv, a havu mangisipa. Muri ge gutu a plaoa na kanono na dede. Ra plaoa popote nga, ge ratea e BAKOVI DAGI ge luhoia. Na tahuna e BAKOVI DAGI i burongi a mangina kinani, bara i vivi.

Ni Gi 5:26

Ge bole a plaoa popote ge ratea e BAKOVI DAGI ge luhoia, ge gutu na dede ge a nihabi. Muri ge habia na ngatavine a naru vagole iea ge nua.

A Raukea e Paulus i Here Lakea ne Huriki a Rom 12:1

I mavonga, mua e huriki a turagu, a ngaru mu gu habi mule mua na Vure, ge manga a nihabi mahuri, a vuhuna a Vure i dodo hateka mua. Mu habi mule mua na Vure ge manga a nihabi malamala a Vure ge vivi vona. I kamumu mu gu rata mavonga, a vuhuna a Vure i kori hateka mua.

A Raukea e Paulus i Here Lakea ne Huriki a Rom 15:16

i rata iau ge iau a vora ne Isu Kristo. I rata iau a manga a prister ne huriki i uka ma ria a Iuda, a vakalongo ria vona a Velenga Kamumu na Vure. I mavonga e huriki i uka ma ria a Iuda bara ri manga a nihabi, a Hanu Kiripiripi i habi liu lakea na Vure, a Vure ge vivi.

Epesus 5:2

Mu laho na naro na nivangaru, i manga e Kristo i ngaru hateka hita, i habi ia na Vure, i manga a nihabi manginoro.

Pilipai 2:17

Iau bara vivi kunana ni bele turane mua manga a nihabi na vain, ni gi guru tala langa na nihabi ne mua, a leho ne mua, ra hini mu luhoi torea e Kristo, bara vivi turane mua.

Pilipai 4:18

Pali ngane i uka ma a bala tara maki. A tahoka i kupo hateka, a vuhuna e Paproditus i habi polo nau a kinori mu vakaru valai turana. I manga a nihabi manginoro, a Vure i burongia, i vivi.