E Levi 2:4 - A Nitana Vure

⁴ “Mua bara mu ngaru ni gutu a bret na oven ge a nihabi, naha ni vuli turana a is. Mu bole a plaoa kamumu mu vuli turana a namona oliv, mu rata a bret, ge a nihabi. Mua mu marikoi ni rata a bret, mu rata a bisket ge i uka is, mu ravu na namona oliv.

E Levi 2:4 Iomraidhean Croise

A Nimariu 12:8

Na rodo iea mu gutu na kanono a maka tuna sipsip turana a lahia lahaha, mu kani kinika na bret i uka is.

A Nimariu 16:31

E huriki a Israel ri galea a bret iea a mana. Ra maki iea i keakea i manga a kanena kai tara. I nami manga a bisket ni kani turana a ame.

A Nimariu 29:2

O bole a bret kamumu ge uka a is, o vuli turana a namona oliv, o rata a bret a bisket.

E Levi 1:11

Ge rabalakia na matane BAKOVI DAGI na tabeke mule sike na dede. E huriki a prister ri gi bole a darana, ri gi voro tamali lakea na tabeke lobo na dede.

E Levi 10:12

E Moses i taki e Aron turana e tuna ala rua ru tababana ni mahuri, e Eleasar, e Itamar, i ta maea, “Moto bole a vit i tababana na nihabi ni gutu na kanono ne BAKOVI DAGI, moto rata a bret i uka is, moto kani tabukoi na dede, a vuhuna a bret iea ni taba.

E Levi 6:17

A bret nahea ni gi vuli turana is ni gi gutu, a vuhuna ra nihabi iea ni taba, i manga a nihabi na naro hale, a nihabi na rarenga. A habi ne huriki a prister a kalavana plaoa ge ne ria, ra kalavana maki ni gutu na kanono ni habi nau, a habi ne ria.

E Levi 7:12

“Na tahuna a bakovi i ngaru ni habi a nihabi ni kavurikea e BAKOVI DAGI, ge habi turana a bret i uka is ni vuli turana namona oliv. Ge habi turana a bisket ni ravu na namona oliv, a skon ni vuli kamumu turana a namona oliv.

Ni Gi 6:15

Ge bole a bret i uka is ge tahoni na kulopi, ge bole valai, ge a nihabi. Ra kulopi iea ge tahoka a maka tabekena bret dagi ni rata na plaoa kamumu, ni vuli turana a namona oliv, turana a maka bisket ni ravu na vel. Ge ramaia a narona a nihabi iea ge ratea a nihabi na vit, a nihabi na vain.

Mateo 26:38

lakea i taki tou, “Iau a dodo hateka, a nidodo i popote ge rata iau ga mate. Moto made koea, moto matapara, moto mamata turagu.”

Ioanes 12:27

E Isu i ta rike tabu, i ta maea, “Ngane i mava a hategu, pali ga ta navai? Ga ta maea, ‘O Tata, o korimule iau na nimadihi iea?’ Pali i uka ma ga ta mavonga a vuhuna iau a valai ga bolea a nimadihi iea.

Ioanes 3:34

A viri a Vure i rudua i valai i vakalongo e huriki na nitana Vure, a vuhuna a Vure i habi vona a Hanuna, i uka harena.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

1 Petrus 2:1

I mavonga, mu lobo liu ni rata a naro hale. Mu lobo ni tatami, mu lobo ni ngava naru, mu lobo ni tahate ne huriki ri tahoka a maki, mu lobo ni vakahale a rana turane mua.

1 Petrus 2:22

I uka ma i ratea tara naro hale. I uka ma i ratea tara ngava taminga.