E Levi 2:1 - A Nitana Vure

¹ E BAKOVI DAGI i taki tabua e Moses, “Na tahuna a bakovi tara i ngaru ni habi ne BAKOVI DAGI ranga vit, ge vila tala a kulina vit, ge bole a kanena, ge rata a plaoa kamumu. Ge guru langa vona a namona oliv, a havu mangisipa.

E Levi 2:1 Iomraidhean Croise

A Nimariu 29:2

O bole a bret kamumu ge uka a is, o vuli turana a namona oliv, o rata a bret a bisket.

E Levi 14:10

“Na polotoluna parava ge bole a tuna sipsip a toga ge rua ge gavutuvutu, a sipsip a kinana ge gavutuvutu a pida vona ge taku, a kilo na plaoa kamumu ge tolu ni vuli turana namona oliv ge a nihabi na vit. Ge bole turana a kikei na namona oliv.

E Levi 24:7

O ru ranga havu mangisipa ni gi rungani, ge huli a mangina turana a tete na bret ge rua, muri ri gi habi ne BAKOVI DAGI a havu mangisipa, ge a nihabi ni gutu na kanono, ge ratea e BAKOVI DAGI ge luhoi mule ra bret nga.

E Levi 5:11

“Pali na tahuna a bakovi ge uka a moni ni kona a balu ge rua, ge bole vilia a kilo na plaoa ge taku, ne vona a naro hale i ratea. Nahea ge ru a namona oliv o ge ru a havu mangisipa vona, a vuhuna ra plaoa iea a nihabi na naro hale.

E Levi 6:7

Muri a prister ge kavitagua a bakovi iea, na matane BAKOVI DAGI, lakea ra naro hale i ratea i tahoka a ngava vona, bara ni puga vuroki.”

E Levi 9:17

I bole valai tabu a nihabi na vit, i ragamu tala ranga, i gutu-vuro na dede. I gutu turana a nihabi gutu-vuro ni rata na hatelanga.

E Levi 9:4

Muri e huriki ri gi habi a bulmakau, a sipsip a toga, ge a nihabi na nivalemu. A nihabi na vit ni vuli turana namona oliv, ia tara ni gi habi ne BAKOVI DAGI. Ri gi rata a maki nga, a vuhuna mona e BAKOVI DAGI ge bele, ri gi masia na matane ria.

Ni Gi 18:9

A maka nihabi a taba hateka, naha ni gutu na dede, o bole, ra nihabi na vit, a nihabi na naro hale, a nihabi na rarenga. A maka maki e huriki ri habi nau ge a nihabi, a habi vomu turane huriki e tumu.

Ni Gi 28:5

Na hatelanga mu bole a kilo na plaoa ge taku, mu vuli turana a namona oliv a lita ge taku, mu habi turana a sipsip ge taku.

Ni Gi 29:18

A nihabi na bulmakau a toga, a sipsip a toga, a tuna sipsip, a kinina ne ria ge a nihabi na vit, a nihabi na vain, ge ramai a ngava a taki mua vona.

Ni Gi 7:13

a pelete silva, a nimavana i 130 sekel, a tavila silva, a nimavana i 70 sekel. Ra nimavana maki nga, i ramai a nimavana a sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

Ni Gi 7:19

a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

Ni Gi 8:8

Muri ri gi bolea tara bulmakau karaba a toga, turana ranga plaoa ni vuli turana namona oliv, ne vona a nihabi na vit, ni gi habi turana bulmakau. Ri gi bolea tara bulmakau a toga, ne vona a nihabi na naro hale.

Ioanes 6:35

Muri e Isu i vakalongo ria, i ta maea, “Iau a Bret na nimahuri. E huriki ri valai nau i uka ma ri gi vitolo tabu. E huriki ri luhoi tora iau i uka ma ri gi marohu tabu.

1 Ioanes 2:20

Pali mua, a Viri Malamala i habi ne mua a Hanu Kiripiripi. Mu tahoka a lohokanga.

1 Ioanes 2:27

Pali mua, e Kristo i habi pali ne mua a Hanu Kiripiripi, i made turane mua. A Hanu Kiripiripi i tovo mua na maki lobo, lakea i uka ma ge tovo mua tara viri. I muholi hateka a hini i tovo mua vona, ra mu gu rihi e Kristo. I mavonga mu rihia.

Iuda 1:20

Pali mua, o huriki a turagu, mu vaka­tora a niluhoi malamala ne mua. Mu vasileki na nitora na Hanu Kiripiripi.

Kapiloho 8:3

A agelo tara i valai, i pesi tabukoi na dede na nihabi. I nugu a ulo ni rata na gol. Ni habi vona a havu mangisipa i kupo ge habi turana maka nivasileki ne huriki a tara na Vure, ge habi na dede na nihabi, ra ni rata na gol, i pesi na ngalana gula hariki.