E Levi 19:2 - A Nitana Vure

² ge taki e huriki a Israel, ge ta maea, “Mu ramai a naro malamala, a vuhuna iau e BAKOVI DAGI, a Vure ne mua, a malamala.

E Levi 19:2 Iomraidhean Croise

E Levi 20:7

“I mavonga, mu habi mua nau bara mu laho malamala, a vuhuna iau, e BAKOVI DAGI a Vure ne mua.

Mateo 5:48

Mu laho malamala liu, a vuhuna e Tamane mua meli na hunu i malamala liu.”

E Levi 20:26

Lakea bara mu malamala na matagu, a vuhuna iau e BAKOVI DAGI a malamala, a ru here mua ne huriki a kabu ranga ge mua e huriki a ngate nau.

A Nimariu 19:6

A ngaru mua mu gu made malamala, ge mua e huriki a viri nau, mu gu rata a leho manga a prister. Ra ngava nga o vakalongo e huriki a Israel vona.”

E Levi 21:8

Mua mu matai e huriki a prister ri malamala, a vuhuna ri habi a nihabi na Vure ne mua. Iau e BAKOVI DAGI, a Vure ne mua, a malamala, a rata e huriki a ngate nau ri malamala.

2 Korin 7:1

Mua o huriki a hategu, a ngava nga a Vure i ta muholi ne hita. I mavonga, si gi lohopile a maka rabu hale ri vakakatoki a kakaine hita, a hanune hita. Si gi mangenge na Vure, si gi bele malamala.

Epesus 1:4

Muga na Vure i ratarike a malala, i vulaki hita si gi rihi e Kristo. I rata mavonga si gi malamala, si gi uka ngava na matana. I ngaru hateka hita,

A Nimariu 22:31

“Iau a vulaki mua a Israel ge mua a viri nau. Naha ni kani a bobona sipsip a bulmakau i rabalaki a livoa hateka na robo. Mu voro lakea na ligo ge kani.

E Levi 19:1

E BAKOVI DAGI i takia e Moses,

Iosua 24:19

E Iosua i ratea ne ria a nita iea, “Pali iau a luhoi mua, i uka ma mu kara ni ramaia e BAKOVI DAGI. Re BAKOVI DAGI a narona i kamumu i malamala, i marikoi ne mua mu gu kavurike a vure ranga, bara mu rata mavonga i uka ma ge puga vuroki a nitagege, a naro hale ne mua.

E Levi 21:15

Ia i uka ma i longo maia a nitagu, e huriki e tuna bara ri muto na matagu. Iau e BAKOVI DAGI, a ratea i malamala.’”

E Levi 21:23

Pali a vuhuna i nabatabuna, nahea ge lakea tabukoi na kala dagi i kavitagu a Tabeke Nitaba Hateka, nahea ge lakea tabukoi na dede i pesi vonga, ma ge vakamuto a mailo nau. Iau e BAKOVI DAGI a rata a maki nga i malamala.”

Vinara 27:10

Mu longototo a maka nitana, mu ramai a maka vinara vona a habi ne mua mona.”