E Levi 18:4 - A Nitana Vure

⁴ Mu ramai kunana a vinara nau, mu rata kunana a maki a taki mua vona mu gu rata. Iau e BAKOVI DAGI a Vure ne mua, a habi ne mua a ngava nga.

E Levi 18:4 Iomraidhean Croise

E Levi 18:2

ge taki e huriki a Israel, ge ta maea, “Iau kunana e BAKOVI DAGI, a Vure ne mua.

E Levi 18:26

Pali mua turana e huriki a mosi ri made turane mua, mu ramai a maka vinara nau a habi ne mua. Naha ni ramai a narone huriki ri made muga na robo iea, a vuhuna a narone ria i mavuru hateka, a marikoi vona.

E Levi 18:5

Mu rata lobo a vilo kamumu a ngaru mu gu rata, mu ramai a maka vinara a habi ne mua. E rei a viri i rata maea, bara i made kamumu. Iau e BAKOVI DAGI a takia a ngava iea.

E Levi 19:19

“Mu ramai a maka vinara nau. Naha ni mata taroa a sipsip ge radia a meme, ge vakabele a tuna. Naha ni varo palupu na hania ge taku a vutuna maki legelege. Naha ni rodo a nirodo i uka ma ni rata na maki i taku.

E Levi 19:37

“Iau e BAKOVI DAGI a Vure ne mua, a vakuku mua mu gu longototo a maka vinara nau, a nitagu.”

E Levi 20:22

“Mu ramai a ngava dagi, a vinara nau. A malala e Kenan ngane ga taparaki lokovonga mua vona, i uka ma ge lua tala mua, bara mu vivi ni made vona.

Lukas 1:6

Rua varago ru malamala na matana Vure, ru muri mai lobo a vinara ne Bakovi Dagi.

Ioanes 15:14

Mua bara mu muri mai a vinara nau, bara mua e huriki a turagu.

Vinara 6:1

E Moses i ta tabu i ta maea, “Ra vinara nga, e BAKOVI DAGI a Vure ne hita, i taki iau ga tovo mua vona. Na tahuna mu bele vona a robo iea, ra ta mu gu bolea mu gu made vona, mu ramai lobo a vinara nga.