E Levi 16:2 - A Nitana Vure

² Muri e BAKOVI DAGI i takia e Moses, “O takia e turamu e Aron, nahea ge dili na ningaru vona na Tabeke Nitaba Hateka na bitona kala dagi. Pali na tahuna i ngaru e rei a kilala ge dili vona, ge dili. A vuhuna iau a made pololilo na bubu, a bele kavakava na murina nidodo na Tava na Ngava Dagi. Ia ge dili tavula na tabeke iea, bara i mate.

E Levi 16:2 Iomraidhean Croise

A Nimariu 30:10

Na parava ge taku kunana na pida lobo e Aron ge ratea a dede iea ge matapado na matagu. Ge bole ranga dara na sipsip ra mu habi ni puga vuroki a naro hale, mu ru na tupina dede. Ra dede iea ni gamaia, ne nau kunana. E huriki a hamomu ri gi rata maea muri ma.”

E Levi 16:34

“Ra vinara iea mu ramai vakaroroa. A vinara iea ni kavitagu a naro hale, ni gi rata balaka taku na maka pida lobo, ne vona a naro hale ne huriki a Israel.” E Moses i rata lobo a maki e BAKOVI DAGI i vakuku ia vona ge rata.

E Levi 23:27

“Na ravuluna parava na poloruana keva, mu vapopo mu ratea a habu ni kavitagu e huriki. Na parava iea mu vapopo, mu vasileki. Mu peremu ni kani, mu habi a nihabi ni gutu na kanono ne BAKOVI DAGI.

E Levi 8:35

I taki iau pali, ta mu gu made na matana kape na haro, na rodo, ge harena na parava i polorua mu gu rata a maki i taki. Bara mu longotaro a ngavana, bara mu mate, a vuhuna ra ngava iea e BAKOVI DAGI i vakuku iau vona.”

Ni Gi 17:10

E BAKOVI DAGI i takia e Moses i ta maea, “A kodo i tahoka a rane Aron o bole mule lakea na kape o ru tabukoia na Tava na Ngava Dagi, ge a kilakila ge rata e huriki a bakovi a ngatavine na tagenga ri gi luhoi kamumu. Ra naro iea bara i vakalobo a nita barangungu ne ria, i uka ma ri gi tapuhaki tabu ne nau.”

Ni Gi 18:7

Pali ioe turane huriki e tumu bakovi kunana mu rata a maka leho na prister pololilo na Tabeke Nitaba. A leho na prister a habi tavulea ne mua. Ra leho na dede, a leho na tabeke ni taba, a leho ne mua. A bakovi tara i uka ma a vulakia i valai ge ratea a leho iea, ni gi rabalaki.”

Ni Gi 4:5

Na tahuna e huriki a Israel ri gi pea a mada ni lakea na tabeke tara, e Aron turane huriki e tuna bakovi ri gi dili na Kape na Vaponga, ri gi parua a kala dagi i naviri dili a Tava na Ngava Dagi, ri gi kavitagua a tava na kala iea.

Mateo 27:51

Malaviriri kunana a lava­lava dagi na roho na Vure i mavida valai meli i puru tano, i bale rua. A vuruke i pori, i makeve a maka kedo dagi.

Hibru 6:19

Ra maki a Vure i taki hita si gi pasimata vona, i rata hita si pesi tata, i manga a vago ni hori a aga vona, i ratea a aga i pasi na tabeke i taku kunana. I tuli hita si bele na matana Vure, i manga a prister dagi hosi ri dili na Tabeke Nitaba Hateka, na bitona lavalava dagi ni topi rike na roho na Vure.

Hibru 9:25

E huriki a prister dagi ri dili na tabeke ni taba na pida takutaku. A nihabi ne ria, i uka ma a darane ria. A darana meme, a bulmakau kunana. Pali e Kristo i uka ma i rata mavonga. I mate balaka taku kunana, i dili lakea na matana Vure, a nihabi vona a darana, i vakalobo a mapana naro hale ne hita e huriki a bakovi a ngatavine.

Hibru 9:3

A tabeke ni dili vona muri ni gale a ‘Tabeke Nitaba Hateka.’ A lavalava dagi ni vulala kari a matana.

Hibru 9:5

Na matana tava iea i tahoka a murina na nidodo. I pesi langa vona a hanuna agelo i rua, ru vulala tala a karapane rua, ru kavitagu a matana tava. Ra hanuna agelo nga ru vakasiri a Vure i made vona a hini nga. Pali ngane i uka ma ga vakalongo lobo mua vona a maka ngava nga.

Kapiloho 15:8

Ngane a pokona bagetuanga turana nitora na Vure i vakavonu a Roho. E huriki ri keri ni dili na roho, i harena na tahuna a vuranga i polorua na agelo i polorua ri lobo.