E Levi 13:4 - A Nitana Vure

⁴ Pali a hini hale na kulina i uka ma i kea a vungana ge dupi, ge tonoa ge hamule na ruma vona, ge made kikeri tabu na parava ge polorua.

E Levi 13:4 Iomraidhean Croise

E Levi 13:11

ra bakovi iea i tahoka a patala. A prister ge vakalongoa a bakovi iea i muto. Ngane a prister i lohoka vona, ra bakovi iea i muto, pali nahea ge tonoa ge made kikeri.

E Levi 13:25

a prister ge lei kamumua a ngarava vona, ge masia a vungana ge kea na hini i gutua a kanono, i ngara i dupi, ra gilanga iea a patala. A hini i gutua a kanono i vakabelea a patala. A prister ge takia i muto.

E Levi 13:26

Pali na tahuna a prister i lei a kulina, i uka ma i matai a vungana ge kea na hini i gutua a kanono, i uka ma i ngara, a prister ge takia a bakovi ge made kikeri na parava ge polorua.

E Levi 13:3

A prister ge lei kamumua a hini i hale na kulina. Na tahuna i matai a vungana na kulina i kea, a gilanga i dupi dili na kulina, ra gilanga iea a patala. Muri na prister i lei loboa, ge vakalongoa i muto.

E Levi 13:31

Na tahuna a prister i lei kamumua a vuruputuka a pero na bakovi, i matai i uka ma i dupi dili, a vuna i uka ma i koru rike ma, ge takia a bakovi ge made kikeri taro na parava ge polorua.

E Levi 13:5

Na poloruana parava a prister ge lei tabua. Pali a prister ge masia i uka ma i mavu i rako lae na kulina a gilanga, ge takia a bakovi ge made kikeri tabu na parava ge polorua.

E Levi 13:50

A prister ge bolea ge lei kamumua, ge ru herehere na tabeke tara, ge harena na parava ge polorua.

E Levi 14:38

a prister ge pagitala ge tukaria a hinebi, ge vakalongoa vona a ruma ge mata kopu na parava ge polorua.

Ni Gi 12:14

Lakea e BAKOVI DAGI i koli i ta maea, “E tamane Miriam bara i kalupe tahoa a matane Miriam, bara i maruhu na parava i polorua. I mavonga kunana e Miriam ge made polovavo taro na mada na parava i polorua, muri ge dili tabu.”

Ni Gi 12:15

Lakea ri vakamade polovavo na mada e Miriam na parava i polorua. E huriki a ngatavine, a bakovi i uka ma ri malaga ri gi lakea na hini ranga. Ri davea e Miriam ni gi tuli hamule valai taro.

1 Korin 4:5

I mavonga, naha ni pelekado muga a naro na viri, muga ne Bakovi Dagi ge valai. Ge valai, ge vakasiri kavakava a naro hale e huriki ri rata kapiloho. Ge vakasiri kavakava a niluhoi kapiloho ne huriki, i navai ri rata a maki ri rata? Muri a Vure ge kavurike hita takutaku.

Vinara 13:14

Na tahuna mu longo a maka ngava tavula maea, mu bakai kamumu a vuhuna a ngava. A ngava ge muholi ri ratea a naro i muma hateka iea,

1 Timoti 5:24

A naro hale ne huriki ranga i kava­kava. I uka ma ni pelekado ma, si matakilaka vona a naro hale ne ria. Pali a naro hale ne huriki ranga i kapiloho. Bara ni matakilala muri ma.