E Levi 13:3 - A Nitana Vure

³ A prister ge lei kamumua a hini i hale na kulina. Na tahuna i matai a vungana na kulina i kea, a gilanga i dupi dili na kulina, ra gilanga iea a patala. Muri na prister i lei loboa, ge vakalongoa i muto.

E Levi 13:3 Iomraidhean Croise

A Vuhuna 13:3

I pea e Negev i laho tope dili tope tala na maka tanga. Muri i vano i bele o Betel, na hini i vakapesi muga a kape vona na kurukuruna e Betel, e Ai,

E Levi 10:10

Moto tovo matou ni matakilaka vona a maki ni taba, a maki i uka ma ni taba, a maki i kaba, a maki i muto.

E Levi 13:10

A prister ge lei kamumua a kulina, ge masia a kulina i vaki, i kea, i ratea a vungana i kea, i mapoka a hini i vaki,

E Levi 13:2

“Na tahuna a viri i tahoka a ngarava, a loto, a maki tara i kavuvu i vururu na kulina, lakea i vakabele a patala, a bakovi ni gi tuli lakea ne Aron a prister, o ge lakea ne tuna tara a prister.

E Levi 13:20

A prister ge lei kamumua a murina loto na bakovi. Na tahuna i mata visi a vungana na tabeke i vaki i kea, a ngarava vona i ngara i dupi, a prister ge takia a bakovi iea i muto. I tahoka a patala.

E Levi 13:4

Pali a hini hale na kulina i uka ma i kea a vungana ge dupi, ge tonoa ge hamule na ruma vona, ge made kikeri tabu na parava ge polorua.

E Levi 13:8

A prister ge lei kamumu tabua a gilanga na kulina. A gilanga ge rako lae na kulina, ra bakovi iea i tahoka a patala. A prister ge vakalongoa i muto.

E Levi 14:37

Ge lei kamumua a maki i vakahale a gagana ruma. Na tahuna i matai a maki gomagoma i vururu ri rata a maka dupi kiroko pololilo na gagana ruma,

E Levi 14:54

Ra vinara nga ne vona a gilanga na kuli ra patala, a hini i makali,

E Levi 14:56

ne vona a loto, a pero, a vuruputuka.

E Levi 5:3

“Na tahuna a bakovi tara i padoia a maki muto na bakovi tara, pali i uka ma i lohoka vona ra bakovi iea i muto. Na tahuna i lohoka vona a naro i ratea, i tahoka a ngava na naro hale vona.

Mateo 16:19

Ga habia vomu a nitala na harikianga na hunu. A ra maki o koloa koea na malala, a Vure tara bara i koloa meli na hunu. A ra maki o puga koea na malala, a Vure tara bara i puga meli na hunu.”

Ioanes 20:23

Na tahuna mu puga vuroki a naro hale ne huriki, a naro hale ne ria ni puga. Pali na tahuna i uka ma mu puga a naro hale ne ria, a naro hale ne ria i uka ma ni gi puga.”

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

A Raukea e Paulus i Here Lakea ne Huriki a Rom 7:7

A ra si gi takia ngane? A Vinara na Vure i hale? I uka liu! Iau i uka ma ga lohoka na vinara, i uka ma ga lohoka vona a ra naro i kamumu, a ra naro i hale. A vinara tara i ta maea, “Naha ni ngutu na maki na viri tara.” Pali iau i uka ma ga lohoka vona a ngava iea, ra naro ni ngutu, i uka ma ga lohoka vona ge hale.

1 Timoti 1:20

E Himeneus, e Aleksander ru rata mavonga. Lakea a habi rua na limane Satan. Bara i tovo rua, nahea ru gu biu a Vure.

2 Timoti 3:13

Pali e huriki a bakovi hale, e huriki a bakovi na taminga, a narone ria bara i hale liu. Ri tami e huriki. Ria ranga, e huriki bara ri tami ria.

Hibru 13:7

Mu luhoi e huriki a matakari ne mua, ri vakalongo mua vona a nitana Vure hosi. Ri laho navai? Ri mate navai? Mu ramai a narone ria ni luhoi torea a Vure.

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.