E Levi 13:2 - A Nitana Vure

² “Na tahuna a viri i tahoka a ngarava, a loto, a maki tara i kavuvu i vururu na kulina, lakea i vakabele a patala, a bakovi ni gi tuli lakea ne Aron a prister, o ge lakea ne tuna tara a prister.

E Levi 13:2 Iomraidhean Croise

E Levi 13:1

E BAKOVI DAGI i taki e Moses e Aron i ta maea,

E Levi 13:3

A prister ge lei kamumua a hini i hale na kulina. Na tahuna i matai a vungana na kulina i kea, a gilanga i dupi dili na kulina, ra gilanga iea a patala. Muri na prister i lei loboa, ge vakalongoa i muto.

E Levi 13:8

A prister ge lei kamumu tabua a gilanga na kulina. A gilanga ge rako lae na kulina, ra bakovi iea i tahoka a patala. A prister ge vakalongoa i muto.

E Levi 14:3

A prister ge tuli talea na mada, ge lei kamumua a gilanga vona. A gilanga na patala vona i lobo muholi,

E Levi 14:35

lakea a tahona ruma i masia a maki iea i bele na ruma vona, ge lakea na prister, ge vakalongoa vona a limuta i bele na ruma vona.

E Levi 14:56

ne vona a loto, a pero, a vuruputuka.

Ni Gi 12:10

A bubu ne BAKOVI DAGI i pe a kape, i malaviriri kunana a gilanga na patala i kavitagua a kuline Miriam, i kea hateka a kulina manga a kamagi. Muri e Aron i matagege, i masia a gilanga hale i kavitagua a kuline Miriam.

Ni Gi 12:12

Naha ni matataroa e Miriam ge mata manga a koma i mate pololilo na palone kinana, pali na tahuna i podea e kinana i marina pali a kulina.”

Mateo 8:4

Muri e Isu i takia, “Naha ni takia tara viri. O vano o vakasiri ioe na prister. Muri o habi a nihabi vomu, i manga a hini e Moses i taki hosi. Lakea e huriki ri gi matakilaka vona ioe ni vakamatapado pali.”

Markus 1:44

“Naha ni vakalongoa tara viri. Pali o vano, o vakasiri ioe na prister. Muri o habi a nihabi e Moses i taki hosi, ge ne vona a nivakamatapado, ri gi matakilaka vona ioe ni vakamatapado pali.”

Lukas 17:14

Na tahuna i matai ria, i ta maea, “Mu vano mu vakasiri mua ne huriki a prister.” Na tahuna ri laho lokovonga i malaharuri ne ria a patala.

Lukas 5:14

Lakea e Isu i taki tora ia, i ta maea, “Naha ni vakalongoa tara viri. Pali o vano, o vakasiri ioe na prister, o habi a nihabi na viri ni vakamatapado, ge manga a hini e Moses i here puru hosi. O rata mavonga, e huriki ri gi matakilaka vona ioe ni vakamatapado pali.”

Vinara 24:8

“Na tahuna a maka patala ri bele tavula na kuline mua, mu rata lobo a maka maki e huriki a prister na kabu ne Levi ri taki mua vona mu gu rata. Mu ramai lobo a maka ngava a vakuku ria vona.

Vinara 28:27

E BAKOVI DAGI bara i rata a maka loto ri tuvu ne mua, i manga a hini i rata virihi e huriki a Egipto. Bara i rata a maka ngarava dagi ri tuvu viliha na kuline mua. A maka buhira bara ri tuvu lae na kuline mua, ri makali hateka, pali mua mu uka dala mu gu ratea a gilanga iea ge lobo.