E Levi 10:3 - A Nitana Vure

³ Muri e Moses i takia e Aron, “E BAKOVI DAGI i ta maea: ‘E huriki ri leho nau, ri gi lohoka kamumu vona iau a kiripiripi. Na matane huriki lobo, bara vakasiri ria vona a nitora dagi, a bagetua nau.’” E Aron i longoa a nita iea, i uka ngavana.

E Levi 10:3 Iomraidhean Croise

A Vuhuna 18:25

I uka ma a naro kamumu ra naro ta go ratea, go ratapile e huriki a bakovi kamumu turana e huriki a bakovi hale. Bara o rata e huriki ri naro hale, e huriki ri naro kamumu ri palupulupu. I uka ma a naro kamumu na Matakari na malala ra naro go ratea.”

A Nimariu 14:17

Iau ga rata e huriki a Egipto ge madihi a hatene ria, ri gi valili ne mua a Israel. Muri ga ratapilea e Parao turana a tara na vabinga vona ra ri rike na karis a hos. A maki ga ratea bara vakadagi a ragu vona.

A Nimariu 14:4

Iau ga ratea e Parao ge madihi a hatena ge lili ria. Pali iau bara ratapilea turana a tara na vabinga vona, ga vakadagia a ragu na maki a ratea vona. Muri e huriki a Egipto bara ri lohoka vona, iau kunana e BAKOVI DAGI.” E huriki a Israel ri longototoa a nitane Bakovi Dagi, ri hamule.

A Nimariu 19:22

E huriki a prister ra ri valai tabukoi nau, ria ranga, ri gi pelekado ria, ri gi valai tabukoi na matagu. Ge uka bara a ratapile ria.”

A Nimariu 19:24

E BAKOVI DAGI i koli, i ta maea, “O puru o takia e Aron, ge sike valai turamu. Pali e huriki a prister, a bakovi a ngatavine nahea ri gi polotaroa a nagi, ri gi sike valai nau. E rei i longotaro a ngava bara ratapilea.”

A Nimariu 30:30

“Muri o gamai e Aron turane huriki e tuna bakovi, ge ria a prister, ri gi rata a leho nau.

E Levi 21:15

Ia i uka ma i longo maia a nitagu, e huriki e tuna bara ri muto na matagu. Iau e BAKOVI DAGI, a ratea i malamala.’”

E Levi 21:17

“O takia e Aron, nahea tara hamona ge nabatabuna ge habi a nihabi nau. Ra vinara iea ge tabuli vakaroro.

E Levi 21:21

Nahea tara hamone Aron a prister, ge nabatabuna ge valai tabukoi, ge habi a nihabi ni gutu na kanono na Vure vona.

E Levi 21:6

Ri gi malamala na matana Vure ne ria, nahea ri gi vakahale a rana. Ri gi malamala, a vuhuna ri rata a nihabi na kanono, ri habi ne BAKOVI DAGI. Ra nihabi nga i manga a maki ni kani na Vure ne ria.

E Levi 21:8

Mua mu matai e huriki a prister ri malamala, a vuhuna ri habi a nihabi na Vure ne mua. Iau e BAKOVI DAGI, a Vure ne mua, a malamala, a rata e huriki a ngate nau ri malamala.

E Levi 22:9

“E huriki a prister ri gi ramai lobo a maka vinara a habi ne ria. Ria i uka ma ri ramai a vinara, bara ri tahoka a ngava, a rabalaki ria. Iau e BAKOVI DAGI, a gamai ria ge ria a prister nau, a takia a ngava iea.

E Levi 8:35

I taki iau pali, ta mu gu made na matana kape na haro, na rodo, ge harena na parava i polorua mu gu rata a maki i taki. Bara mu longotaro a ngavana, bara mu mate, a vuhuna ra ngava iea e BAKOVI DAGI i vakuku iau vona.”

Ni Gi 16:5

Muri i pesi rike i taki e Kora turana e huriki a tara vona i ta maea, “Kuduvi na hatelanga e BAKOVI DAGI bara i vakasiri e rei e huriki a tara vona. E rei e huriki a bakovi i vulaki, bara i taki ria ri valai tabukoi vona.

Ni Gi 20:12

Pali e BAKOVI DAGI i taki e Moses e Aron, “Mona marua i uka ma muru luhoi tora iau, i uka ma muru togo iau na matane huriki a Israel. Ngane i uka ma muru gu taparaki lakea e huriki na robo a ta muholi vona ga habia ne ria.”

Mateo 10:37

“E rei a viri i ngaru e tamana e kinana, a ningaru vona i dagi hateka na hini i ngaru iau, i uka ma i kara ia ge ia a murimuri nau. A viri i ngaru hatekea e tuna, a ningaru vona i dagi hateka na hini i ngaru iau, i uka ma i kara ia ge ia a murimuri nau.

Ioanes 12:28

O Tata, ge bagetu a ramu.” Muri a lohona viri tara i ta valai na hunu i ta maea, “Iau, a ragu ni vakabagetu pali. Pali ga ratea ge bagetu tabu.”

Ioanes 14:13

A ra maki mu nana iau vona na ragu, bara rata. Na naro iea kunana, iau a Tuna Vure, ga ratea a rane Tata ge bele dagi.

Vinara 32:51

Marua muru mate, a vuhuna muru longotaro a nitagu, i uka ma muru togoa a ragu i malamala na matane huriki a Israel na tahuna muru made o Meriba, tabukoi o Kades, na tabeke i ngeki o Sin.

2 Tesalonika 1:10

Ra maki nga bara ri bele na tahuna i hamule valai. Na parava iea, e huriki a tara vona bara ri kavurikea, e huriki ri luhoi torea bara ri ngapa vona. Mua ranga bara mu vivi turane ria, a vuhuna mu luhoi tora a ngava mete vaka­longo mua vona.

1 Petrus 4:17

A parava i bele pali e huriki a tara na Vure ni gi pelekado. A nipelekado ge tubu ne hita, ge bele navai ne huriki i uka ma ri longototo a Velenga Kamumu na Vure?