E Levi 1:9 - A Nitana Vure

⁹ Pali a mahalana, a vahana, ge loi kamumu na naru. Muri ge habi na prister ge gutu lobo na dede, ge a nihabi gutu-vuro, ge a nihabi ni gutu na kanono. Na tahuna e BAKOVI DAGI i burongi a mangina kinani, bara i vivi.

E Levi 1:9 Iomraidhean Croise

A Vuhuna 8:21

Na tahuna e BAKOVI DAGI i burongi a mangina maki nga i huli lakea vona, lakea i taki mulea, “Iau i uka ma ga ruduraha tabua a malala ne vona ni koli a naro hale ne huriki. I muholi a naro hale ne ria i vakatubu na tahuna ri kiroko vona. Pali ngane, i uka ma ga ratapile tabu a maka maki mahuri, ge manga a hini a rata pali.

A Nimariu 12:9

Naha ni hoda a bobona sipsip a bulmakau, naha ni nono na ulo. Mu gutu kunana na kanono a mapana, a vahana, a mahalana.

A Nimariu 29:18

O gutu ge vuro lobo liu a sipsip na dede, ge a nihabi gutu-vuro na kanono ne vona e BAKOVI DAGI. Lakea iau bara burongi a mangina bara vivi.

A Nimariu 29:25

O bole na limane ria a maki ni kani, o gutu na dede turana maka nihabi gutu-vuro, ge a nihabi na kanono ne vona e BAKOVI DAGI. Lakea iau bara burongi a mangina bara vivi.

E Levi 1:13

Pali a maka mahalana, a pakana ge vahilolo na naru. Muri ge habi na prister ge gutu lobo na dede, ge a nihabi gutu-vuro, ge a nihabi ni gutu na kanono. Na tahuna e BAKOVI DAGI i burongi a mangina kinani, bara i vivi.

E Levi 1:17

A prister ge nugua na karapana balu ge tua tala, pali nahea ge tuarape kesikesia. Muri ge habi na prister ge gutu langa na kanono na dede, ge a nihabi gutu-vuro, ge a nihabi ni gutu na kanono. Na tahuna e BAKOVI DAGI i burongia a mangina kinani, bara i vivi.”

E Levi 2:16

A prister ge bole tala a vit popote, a namona oliv, turana a maka havu mangisipa, a maki nga ge ratea e BAKOVI DAGI ge luhoia, ge a nihabi ni gutu na kanono lakea vona.”

E Levi 2:2

Muri ge bole a maki nga ge lakea ne huriki e tune Aron, re huriki a prister. A prister tara ge ragamu tala na limana ranga plaoa kamumu, turana a namona oliv, a havu mangisipa. Muri ge habi na prister ge gutu langa na dede, ge a nihabi ni gutu na kanono. A nihabi iea ge ratea e BAKOVI DAGI ge luhoia. Na tahuna e BAKOVI DAGI i burongia a mangina kinani, bara i vivi.

E Levi 2:9

Muri a prister ge bole tala na nihabi na vit a tabekena popote, a maki iea ge ratea e BAKOVI DAGI ge luhoia. Ge gutu na dede, ge a nihabi ni gutu na kanono. Na tahuna e BAKOVI DAGI i burongia a mangina kinani, bara i vivi.

E Levi 3:11

A prister ge gutu langa na dede a maki nga ge a kinani, ge a nihabi ni gutu na kanono ne BAKOVI DAGI.

E Levi 3:5

E huriki e tune Aron ri gi gutu na dede a maki nga turana maka nihabi ni gutu-vuro i tabuli na kanono, ge a nihabi ni gutu na kanono. Na tahuna e BAKOVI DAGI i burongia a mangina kinani, bara i vivi.

E Levi 4:31

Ge bole tala a vina meme lobo, ge manga a naro ni bole tala a vina na nihabi na nivalemu, ge gutu na dede. Na tahuna e BAKOVI DAGI i burongi a mangina kinani, bara i vivi. I mavonga kunana a prister ge kavitagua a bakovi iea, a naro hale vona ni gi puga vuroki.

E Levi 6:14

“A vinara na nihabi na vit i maea: e huriki e tune Aron ri gi bolea a nihabi na vit, ri gi habia ne BAKOVI DAGI tabukoi na dede.

E Levi 8:21

I vahilolo a maka mahalana, a vahana. I gutu loboa langa na dede. Ra sipsip iea a nihabi gutu-vuro ni rata na kanono, i manginoro a mangina. Ia a nihabi ni gutu na kanono ne BAKOVI DAGI, i ramaia a ngava e BAKOVI DAGI i vakuku e Moses vona.

E Levi 8:28

Muri e Moses i bole mule ne ria a maki ni kani, i gutu-vuro na dede turana a nihabi gutu-vuro ranga. Ra maki nga, a nihabi ni gamai e huriki a prister, i manginoro a mangina. Ia a nihabi ni gutu na kanono ne BAKOVI DAGI.

E Levi 9:14

Muri i loi a maka mahalana, a vahana i rua, i gutu langa na dede turana nihabi gutu-vuro.

Ni Gi 15:3

mu habi nau a maka bulmakau, a sipsip, a meme ne mua. Mu rata a nihabi gutu-vuro o a nihabi ni ramai a nita muholi, o a nihabi na habu dagi na lotu, o a nihabi na ni ngaru ne mua kunana. A mangina nihabi nga ri mangi kamumu hateka nau.

Ni Gi 28:11

“‘Na mugana parava na maka keva lobo mu rata a nihabi ne BAKOVI DAGI, ra nihabi gutu-vuro. Mu habi a bulmakau karaba a toga ge rua, a sipsip a toga ge taku, a tuna sipsip gavutuvutu a toga ge polorua, ri tahoka a pida i taku.

Ni Gi 28:7

Mu bole a lita na naru vagole ge taku, mu habi turana a sipsip iea, mu guru tala na tabeke ni taba.

Ni Gi 28:8

Na malunga liu mu habia nau a sipsip tara turana a nihabi na vit, a nihabi na vain, i manga a hini mu rata na hatelanga. Ra nihabi ni gutu na kanono, e BAKOVI DAGI i ngaru a mangina.

2 Korin 2:15

Si manga a havu mangisipa e Kristo i habi lakea na Vure. A mangine hita i huli lae ne huriki a Vure i korimule ria, i huli lae ne huriki ri velu.

Epesus 5:2

Mu laho na naro na nivangaru, i manga e Kristo i ngaru hateka hita, i habi ia na Vure, i manga a nihabi manginoro.

Vinara 12:27

Na tanga iea mu rata a nihabi ni gutu-vuro, mu gutu a bobona, a darana sipsip a bulmakau na dede ne BAKOVI DAGI a Vure ne mua. Na maka nihabi ranga, mu guru rike na dede a darana sipsip a bulmakau, pali a maka bobona mu kani.

Pilipai 4:18

Pali ngane i uka ma a bala tara maki. A tahoka i kupo hateka, a vuhuna e Paproditus i habi polo nau a kinori mu vakaru valai turana. I manga a nihabi manginoro, a Vure i burongia, i vivi.