E Levi 1:5 - A Nitana Vure

⁵ Muri ge rabalakia a bulmakau iea na matane BAKOVI DAGI, lakea e huriki a prister, e tune Aron bakovi, ri gi bole a darana, ri gi lakea na dede i tabuli tabukoi na matana Kape na Vaponga, ri gi voro tamali na tabeke lobo na dede.

E Levi 1:5 Iomraidhean Croise

A Nimariu 29:11

O rabalakia na matagu a bulmakau, tabukoi na matana kape nau.

A Nimariu 29:16

Muri o rabalakia a sipsip, o bole a darana, o voro langa na tabeke na dede i va.

A Nimariu 40:6

O bolea a dede ne vona a nihabi gutu-vuro, o ru tabukoia na matana kape.

E Levi 1:11

Ge rabalakia na matane BAKOVI DAGI na tabeke mule sike na dede. E huriki a prister ri gi bole a darana, ri gi voro tamali lakea na tabeke lobo na dede.

E Levi 1:15

Muri a prister ge bolea a balu ge lakea na dede, ge horia a lohona ge mate. Ge rakudu talea a gina balu, ge gutua na kanono na dede, ge guru tala na gagana dede a darana.

E Levi 16:15

“Muri ge rabalakia ra meme ni habi na naro hale ne huriki. Ge bole dilia na Tabeke Nitaba Hateka a darana, ge voro tamali langa na murina nidodo na Tava na Ngava Dagi, na hini muga na murina nidodo, i manga a hini i rata pali na darana bulmakau.

E Levi 17:11

A dara i habi a nimahuri ne huriki a bakovi, a kanirau, i mavonga a taki maea mua. A prister ge guru na dede a darana kanirau, ne vona ni kavitagu a nimahuri vona, a vuhuna a dara kunana a maki ge kavitagu e huriki ri gi mahuri.

E Levi 3:13

Ra bakovi iea ge ru langea na gina meme a limana, muri ge rabalakia a meme na matana Kape na Vaponga. Muri e huriki e tune Aron, ri gi voro tamali a darana meme na tabeke lobo na dede.

E Levi 3:2

Ra bakovi iea ge ru langea na gina bulmakau a limana, muri ge rabalakia a bulmakau na matana Kape na Vaponga. E huriki a prister, re huriki e tune Aron, ri gi voro tamali a darana bulmakau na tabeke lobo na dede.

E Levi 3:8

Ra bakovi iea ge ru langea a limana na gina sipsip, muri ge rabalakia a sipsip na matana Kape na Vaponga. Muri e huriki e tune Aron, ri gi voro tamali a darana sipsip na tabeke lobo na dede.

E Levi 4:29

Ge ru langea a limana na gina meme iea, ra nihabi na naro hale, muri ge rabalakia na tabeke ni gutu a nihabi gutu-vuro.

E Levi 4:33

Ge ru langea a limana na gina sipsip, ra nihabi na naro hale, muri ge rabalakia na hini ni rabalaki a maka kanirau ne vona a nihabi gutu-vuro.

E Levi 4:7

Muri a prister ge lakea na dede na havu mangisipa i pesi na matane BAKOVI DAGI pololilo na Kape na Vaponga, ge ru na maka tupi na dede ranga dara. A darana bulmakau a toga i tababana, ge bole tala na matana Kape na Vaponga, ge guru na taruna dede na nihabi gutu-vuro.

Ni Gi 18:17

“Pali i uka ma ri gi kona mule a tabua na bulmakau, a sipsip a meme, a vuhuna ni taba ria. Mu rabalaki ria, mu voro tamali na dede a darane ria, mu gutu na dede a vine ria, ge a nihabi. Na tahuna a burongi a mangina a nihabi nga, bara ngarua.

Hibru 10:11

E huriki a prister ri leho na parava vakaroro. Ri habi vakaroro a nihabi. Pali a nihabi ne ria i uka ma ri ravunu vuroki a naro hale ne huriki.

Hibru 12:24

Mu bele ne Isu. I vakatora a ngava dagi karaba. Mu bele na darane Isu. A ngava na darane Isu i rangi a ngava na darane Abel.

1 Petrus 1:2

A Vure, e Tamane Hita, i lohoka muga pali ge vulaki mua. A Hanuna Vure i vulaki mua, ge mua ne vona kunana, mu gu longototo e Isu Kristo, a darana ge vahilolo mua, mu gu malamala. A Vure ge rata kamumu mua, ge habi ne mua a nivalemu, ge uka harena.