E Levi 1:4 - A Nitana Vure

⁴ Ge ru langea na gina bulmakau iea a limana, lakea iau bara ngarua a nihabi vona, bara i kavitagua a naro hale vona.

E Levi 1:4 Iomraidhean Croise

A Nimariu 28:38

Na parava vakaroro e Aron ge kubea ra hoi iea i tahoka a hulongi. Lakea iau bara bolea vona a nihabi ni gamai i habia nau e huriki a Israel. Ria bara ri rata ruru ranga naro na nihabi, e Aron bara i bole a rarenga.

A Nimariu 29:10

“O bole lakea na matana kape nau a bulmakau ge a nihabi. Muri e Aron turane huriki e tuna ri gi ru langa a limane ria na mapana.

A Nimariu 29:15

“O bolea a sipsip a toga ge a nihabi. E Aron turana e tuna mai, ri gi ru langa a limane ria na gina tuna sipsip.

A Nimariu 29:19

“O bole tabua tara sipsip, o taki e Aron turana e tuna mai, ri gi ru langa a limane ria vona.

A Nimariu 29:33

Ri gi kani ra maki ni kani ni habi nau, ga puga vuroki a naro hale ne ria, na tahuna ni gamai ria ge ria a prister. E huriki a prister kunana ri gi kani ra kinani nga. E huriki a bakovi tavula nahea ri gi kani a vuhuna ni gamai.

E Levi 16:21

Muri ge ru langa varago na gina meme mahuri a limana, ge taki tala a maka vilo hale, a maka tagenga, a naro hale lobo ne huriki a Israel. Na naro iea kunana, i ru langa na gina meme a maka naro hale ne ria. Muri ge habia na bakovi ni vulaki pali, ge turaria lakea na tabeke i ngeki a meme, ge taparakia vonga.

E Levi 16:24

Ge vano ge hilolo na naru pololilo na nure i pesi halui a kape. Muri ge dili tabu na kape, ge rodo ge bagetu na maka bagetua na prister dagi. Na tahuna i pagitala ge rata a nihabi gutu-vuro ge rua, i tara ne vona, i tara ne huriki, ne vona ni kavitagu ia, ni kavitagu e huriki.

E Levi 22:21

A bakovi i ngaru ni habi ne BAKOVI DAGI a nihabi na nivalemu ne vona ni vakalobo a nita muholi vona, o ge habi na ni ngaru vona kunana, ge bolea tara sipsip o a bulmakau, ge gavutuvutu. Ia bara i rata mavonga, bara ngarua a nihabi vona.

E Levi 22:27

“Na tahuna a tuna bulmakau, a tuna sipsip, a tuna meme ni poda, ge laho turane kinana na parava ge polorua taro. Muri bara mu ngaru, mu bole lakea na dede mu habia, ge a nihabi ni gutu na kanono lakea ne BAKOVI DAGI. Iau bara ngarua.

E Levi 3:13

Ra bakovi iea ge ru langea na gina meme a limana, muri ge rabalakia a meme na matana Kape na Vaponga. Muri e huriki e tune Aron, ri gi voro tamali a darana meme na tabeke lobo na dede.

E Levi 3:2

Ra bakovi iea ge ru langea na gina bulmakau a limana, muri ge rabalakia a bulmakau na matana Kape na Vaponga. E huriki a prister, re huriki e tune Aron, ri gi voro tamali a darana bulmakau na tabeke lobo na dede.

E Levi 3:8

Ra bakovi iea ge ru langea a limana na gina sipsip, muri ge rabalakia a sipsip na matana Kape na Vaponga. Muri e huriki e tune Aron, ri gi voro tamali a darana sipsip na tabeke lobo na dede.

E Levi 4:15

Na matane BAKOVI DAGI, e huriki a gare na vaponga ri gi ru langa a limane ria na gina bulmakau, muri ri gi rabalakia na matane BAKOVI DAGI.

E Levi 4:20

ge rata manga a naro i ratea na nihabi na naro hale vona. I mavonga kunana a prister ge rata a nihabi ge kavitagu ria, lakea bara ni puga vuroki a naro hale ne ria.

E Levi 4:24

Na matane BAKOVI DAGI ge ru langa a limana na gina meme, muri ge rabalakia na hini ni rabalaki a maka kanirau ne vona a nihabi gutu-vuro. Iea a nihabi na naro hale.

E Levi 4:26

Muri ge gutu a vina meme iea na dede, ge manga a naro i ratea na nihabi na nivalemu. I mavonga kunana a prister ge rata a nihabi ne vona ni kavitagu a matakari iea, a naro hale vona ni gi puga vuroki.

E Levi 4:29

Ge ru langea a limana na gina meme iea, ra nihabi na naro hale, muri ge rabalakia na tabeke ni gutu a nihabi gutu-vuro.

E Levi 4:31

Ge bole tala a vina meme lobo, ge manga a naro ni bole tala a vina na nihabi na nivalemu, ge gutu na dede. Na tahuna e BAKOVI DAGI i burongi a mangina kinani, bara i vivi. I mavonga kunana a prister ge kavitagua a bakovi iea, a naro hale vona ni gi puga vuroki.

E Levi 4:33

Ge ru langea a limana na gina sipsip, ra nihabi na naro hale, muri ge rabalakia na hini ni rabalaki a maka kanirau ne vona a nihabi gutu-vuro.

E Levi 4:35

Ge bole tala lobo a vina tuna sipsip, ge manga a naro ni rata na nihabi na nivalemu. A prister ge gutu na dede langa na maka nihabi ni gutu na kanono ne BAKOVI DAGI. I mavonga kunana a prister ge rata a nihabi ne vona ni kavitagu a bakovi iea, a naro hale vona ni gi puga vuroki.”

E Levi 4:4

A prister ge bolea a bulmakau iea ge lakea na matana Kape na Vaponga na matane BAKOVI DAGI, ge ru langa a limana na gina bulmakau. Muri ge rabalakia na matane BAKOVI DAGI.

E Levi 5:6

Ne vona ni koli a naro hale vona, a bakovi ge habia tara tuna sipsip o a meme ge a kinana, ge a nihabi na naro hale. A prister ge kavitagua a bakovi iea na naro hale vona.

E Levi 6:7

Muri a prister ge kavitagua a bakovi iea, na matane BAKOVI DAGI, lakea ra naro hale i ratea i tahoka a ngava vona, bara ni puga vuroki.”

E Levi 8:14

Muri e Moses i bolea a bulmakau a toga, ge a nihabi na naro hale. Lakea e Aron turana e tuna mai ri ru langa a limane ria na gina.

E Levi 8:18

Muri e Moses i bolea tara sipsip a toga ge a nihabi gutu-vuro. Lakea e Aron turane huriki e tuna ri ru langa a limane ria na gina.

E Levi 8:22

Muri e Moses i bole tabua tara sipsip a toga, ne vona ni gamai a bakovi ge ia a prister. Lakea e Aron turane huriki e tuna ri ru langa a limane ria na gina sipsip.

E Levi 9:7

Muri e Moses i takia e Aron i ta maea, “O valai na dede o ratea a nihabi na naro hale vomu, a nihabi gutu-vuro vomu. O rata a nihabi ge rua, ne vona ni kavitagu ioe, ne vona ni kavitagu e huriki, i ramaia a ngava e BAKOVI DAGI i vakuku.”

Ni Gi 15:25

A prister ge ratea a nihabi ge kavitagu e huriki a Israel. Na tahuna a masia bara puga vuroki a naro hale ne ria, a vuhuna i uka ma ri luhoi kamumu ri page poloa a vinara nau.

Ni Gi 15:28

Na matane BAKOVI DAGI, a prister ge habia a sipsip ge kavitagua a viri i rata ruru a naro hale. Na tahuna ni kavitagu a bakovi iea, a naro hale vona bara ni puga vuroki.

Ni Gi 25:13

A ngava dagi iea ne vona e huriki a hamona, ri gi leho vakaroro manga a prister nau, a vuhuna e Pinias i bage ne huriki a Israel, i ramai a narona Vure vona. A naro e Pinias i ratea i kavitagu e huriki a Israel.

Ni Gi 8:10

Na tahuna e huriki a Levi ri pesi na matagu, mua e huriki a Israel mu ru langa a limane mua na gine ria.

Ni Gi 8:12

“Muri e huriki a Levi ri gi ru langa a limane ria na gina bulmakau nga i rua. Ri gi habia tara, ge a nihabi na naro hale, a bulmakau tara, ge a nihabi gutu-vuro. Ra nihabi nga i rua, ne vona ni kavitagu a naro hale ne huriki a Levi.

A Raukea e Paulus i Here Lakea ne Huriki a Rom 12:1

I mavonga, mua e huriki a turagu, a ngaru mu gu habi mule mua na Vure, ge manga a nihabi mahuri, a vuhuna a Vure i dodo hateka mua. Mu habi mule mua na Vure ge manga a nihabi malamala a Vure ge vivi vona. I kamumu mu gu rata mavonga, a vuhuna a Vure i kori hateka mua.

A Raukea e Paulus i Here Lakea ne Huriki a Rom 3:25

A Vure i rudua ge mate, ge bole a murine hita, ge vakalobo a rongova na Vure, lakea a Vure ge puga vuroki a naro hale ne huriki ri luhoi tora ia. I rata mavonga si gi matakilaka vona a narona i malamala, a vuhuna hosi i hatenono ne huriki a bakovi hale, i uka ma i habi a nimadihi malaviriri ne ria.

A Raukea e Paulus i Here Lakea ne Huriki a Rom 5:11

Tara maki tabu: si vivi vona a maka maki a Vure i rata ne hita, a vuhuna e Isu Kristo a Bakovi Dagi i mate na murine hita, si gi made na nivalemu turana Vure.

Pilipai 4:18

Pali ngane i uka ma a bala tara maki. A tahoka i kupo hateka, a vuhuna e Paproditus i habi polo nau a kinori mu vakaru valai turana. I manga a nihabi manginoro, a Vure i burongia, i vivi.

Hibru 10:4

a vuhuna a darana bulmakau, a darana meme, ru keri ni puga vuroki a naro hale ne huriki.

1 Ioanes 2:2

Ia kunana a dala ne hita, ge puga vuroki a naro hale ne hita. I uka ma a dala ne hita kunana. Ia a dala ne huriki lobo na malala.