E Levi 1:3 - A Nitana Vure

³ “Bara a viri i ngaru ni habi a nihabi gutu-vuro nau, ge bolea a bulmakau a toga ge gavutuvutu. Ge ratea a nihabi iea, ge taparaki lakea tabukoi na matana Kape na Vaponga, lakea iau, e BAKOVI DAGI, bara ngarua.

E Levi 1:3 Iomraidhean Croise

A Vuhuna 22:13

Muri e Abraham i taratavaga rike, i masia a sipsip a toga i koro na kai kiroko a pelengana. Lakea i bolea, i rabalakia, i habia, i bole a murine tuna.

A Vuhuna 22:2

Lakea a Vure i takia, “O bolea e tumu e Isak, re tumu a hatemu, i ala taku kunana. O havai maia a robo e Moria. Na tahuna o bele vonga, ga vakasiria vomu tara lolo. O sike maia, o rabalakia vonga e tumu, o habia nau, ge manga a nihabi gutu-vuro.”

A Vuhuna 22:8

E Abraham i koli, i ta maea, “O tugu, a Vure bara i habia ne tarua a tuna sipsip ne vona a nihabi gutu-vuro.” E Isak i nana lobo e tamana, muri ru laho sike.

A Vuhuna 8:20

Muri e Noa i kisia a dede-kedo ne BAKOVI DAGI, i bole ranga kanirau kabakaba, a kadirovo kabakaba, i rabalaki i gutu-vuro ria i habi ne Bakovi Dagi.

A Nimariu 12:5

Mu vulaki a sipsip a toga o a meme a toga gavutuvutu, a pida vona ge taku, pali naha ni lave a viri i tahoka a gilanga.

A Nimariu 24:5

Muri i rudu ranga koma tamuhane ne Israel, ri habi a nihabi gutu-vuro ne BAKOVI DAGI. Ri rabalaki a bulmakau karaba ne vona a nihabi na nivalemu turana Vure.

A Nimariu 29:18

O gutu ge vuro lobo liu a sipsip na dede, ge a nihabi gutu-vuro na kanono ne vona e BAKOVI DAGI. Lakea iau bara burongi a mangina bara vivi.

A Nimariu 29:4

“O tuli valai na matana kape nau e huriki e tune Aron bakovi, o vahilolo ria na naru.

A Nimariu 29:42

Ra nihabi ni gutu-vuro ge rata vakaroroa e huriki a hamone mua na matana Kape na Vaponga, iau e BAKOVI DAGI ga tagui mua vonga, ga ta turane mua.

A Nimariu 32:6

Na hatelanga pokopoko na parava muri, e huriki ri bole valai a maka sipsip a bulmakau, ge a nihabi gutu-vuro. Ri bole valai tabu a nihabi na nivalemu. Muri ri kani, ri ninu, ri rehi turane huriki a ngatavine.

A Nimariu 35:21

A nitane Moses i vakarike a hatene huriki, ri ngaru ni habi a maki. E huriki a mari ni leho ri valai ne Moses ri tuhoria. Ri bole valai a maki ne vona a leho na Kape na Vaponga, ne vona ni kavurike a Vure, ne vona ni rata a bagetua ni taba na prister.

A Nimariu 35:29

E huriki a bakovi a ngatavine o Israel ri ngaru ni habi tavula a maki ne vona a leho ne BAKOVI DAGI, ri ramaia a ngava e BAKOVI DAGI i vakuku e Moses vona.

A Nimariu 35:5

“Iau bara vivi vona a nihabi na viri i ngaru ni habi a maki. Na tahuna mu ngaru ni habi a maki, mu habi a gol, a silva, a bras,

A Nimariu 36:3

Lakea e Moses i habi ne huriki a mari a maka nihabi na kape ri ru kadolu. Pali na hatelanga takutaku e huriki a Israel ri tababana ni habina maki ri ngaru ri gi habi.

A Nimariu 38:1

E Besalel turane huriki a mari ri ratea a dede na kai a akas, ne vona a nihabi gutu-vuro. A tabekena dede i va i palupulupu i 2 mita 2 sentimita, a nipesina i 1 mita 30 sentimita.

E Levi 1:10

“Bara a viri i habi a sipsip o a meme ne vona ni habi gutu-vuro, ge bolea a toga ge gavutuvutu.

E Levi 14:10

“Na polotoluna parava ge bole a tuna sipsip a toga ge rua ge gavutuvutu, a sipsip a kinana ge gavutuvutu a pida vona ge taku, a kilo na plaoa kamumu ge tolu ni vuli turana namona oliv ge a nihabi na vit. Ge bole turana a kikei na namona oliv.

E Levi 16:7

Muri ge bole lakea ne BAKOVI DAGI na matana Kape na Vaponga a meme nga i rua.

E Levi 17:4

pali i uka ma i bole vilia na matana Kape na Vaponga, ge habia manga a nihabi ne BAKOVI DAGI na matana mailo vona, i putu puru a vinara, i vakatua a dara, i tahoka a ngava. Ni gi tono tala na kabu vona.

E Levi 17:8

“O taki ria e rei tara ne ria, o a mosi tara i made turane ria, i ngaru ni habi a nihabi ni gutu-vuro,

E Levi 17:9

pali i uka ma i taparaki lakea na matana Kape na Vaponga ni gi habi ne BAKOVI DAGI, bara ni tono tala na kabu vona.

E Levi 23:12

Na parava mu tabaria a nihabi na vit, mu habi turana a tuna sipsip ge gavutuvutu, ge tahoka a pida i taku, ge a nihabi gutu-vuro ne BAKOVI DAGI.

E Levi 23:18

Mu habi turana maki ranga, ra bret iea. Mu habi a tuna sipsip ge polorua, a pida na viri taku i taku, a bulmakau a toga, a sipsip a toga ge rua. A sipsip, a bulmakau nga ri gi gavutuvutu, mu habi nau ge a nihabi ni gutu-vuro. Mu habi turana a nihabi na vit, a nihabi na vain. Ra nihabi maea i huli kamumu a mangina, a ngaru hatekea.

E Levi 3:1

E BAKOVI DAGI i taki tabua e Moses, “A bakovi bara i habi a nihabi na nivalemu lakea ne BAKOVI DAGI, ge bolea a bulmakau a toga o a bulmakau a kinana ge gavutuvutu, ge habia ne BAKOVI DAGI.

E Levi 4:15

Na matane BAKOVI DAGI, e huriki a gare na vaponga ri gi ru langa a limane ria na gina bulmakau, muri ri gi rabalakia na matane BAKOVI DAGI.

E Levi 4:23

Muri ge matakilaka vona a naro hale i ratea, ge bolea tara meme a toga ge gavutuvutu, ge a nihabi.

E Levi 4:3

“Na tahuna a prister dagi i rata a naro hale i habi a rarenga ne huriki, ge bolea tara bulmakau karaba, a toga ge gavutuvutu, ge habia ne BAKOVI DAGI ne vona a nihabi na naro hale vona.

E Levi 4:32

“A bakovi bara i habia tara tuna sipsip ge a nihabi na naro hale, ge bolea a sipsip a kinana ge gavutuvutu.

E Levi 5:15

“Na tahuna a bakovi tara i longokaburungi ni habi a maki ni taba ne BAKOVI DAGI, i manga a hini i taki ge habi, i rata a naro hale. Ra bakovi iea ge bole vilia a sipsip a toga, ge habia ne BAKOVI DAGI ge vakaloboa a naro hale vona. A prister ge takia vona a mapana sipsip ge konea vona ge ramaia a mapana maki ni kona na mailo na Vure. Muri a bakovi iea ge bole vilia na prister tara sipsip a toga, a mapana ge maea.

E Levi 5:18

Lakea ge bole lakea na prister a tuna sipsip a toga ge gavutuvutu. A prister ge takia i riva a mapana, ge a nihabi na rarenga. Lakea a prister ge kavitagua a bakovi iea na hini i rata ruru a naro hale, lakea a naro hale vona bara ni puga vuroki.

E Levi 6:2

“Bara a bakovi i putu puru a vinara ne BAKOVI DAGI, i rata a naro hale na tahuna i panaho, i tami, i rata marogo a maki na turana i matakari, i biu a turana,

E Levi 6:8

E BAKOVI DAGI i takia e Moses,

E Levi 7:16

“Pali i tebi a nihabi na bakovi i ngaru ni rata a nihabi ne vona ni ta muholi, o ge habi nau a nihabi na ningaru vona. A bobona sipsip, a bulmakau ni gi kani na parava iea. A bobona ni kani kaleva i kara ni gi kani na parava muri.

E Levi 8:18

Muri e Moses i bolea tara sipsip a toga ge a nihabi gutu-vuro. Lakea e Aron turane huriki e tuna ri ru langa a limane ria na gina.

E Levi 8:21

I vahilolo a maka mahalana, a vahana. I gutu loboa langa na dede. Ra sipsip iea a nihabi gutu-vuro ni rata na kanono, i manginoro a mangina. Ia a nihabi ni gutu na kanono ne BAKOVI DAGI, i ramaia a ngava e BAKOVI DAGI i vakuku e Moses vona.

E Levi 9:2

Lakea i takia e Aron i ta maea, “O bolea tara bulmakau karaba a toga, a sipsip a toga ru gavutuvutu, o habi ne BAKOVI DAGI. A bulmakau ge a nihabi na naro hale, a sipsip ge a nihabi gutu-vuro.

Ni Gi 15:3

mu habi nau a maka bulmakau, a sipsip, a meme ne mua. Mu rata a nihabi gutu-vuro o a nihabi ni ramai a nita muholi, o a nihabi na habu dagi na lotu, o a nihabi na ni ngaru ne mua kunana. A mangina nihabi nga ri mangi kamumu hateka nau.

Ni Gi 15:8

Na tahuna o habi a bulmakau a toga ge a nihabi gutu-vuro, o ne vona ni ramai a nita muholi, o ne vona a nivalemu,

Ni Gi 19:2

“A vinara tara a ngaru ni gi ramai ra iea: E huriki a Israel ri gi bolea tara bulmakau vururu, a kinana ge gavutuvutu, i uka ma ni rata a leho vona ma. Ri gi bole vilia ne marua.

Ni Gi 23:19

A Vure i uka ma i tatami kilala ge manga hita. Ia bara i ta muholi vona tara maki ge ratea, bara i ratea. I ta kunana na maki i ngaru ge bele, bara i bele.

Ni Gi 23:27

Lakea e Balak i takia e Balam maea, “O valai turagu ga taparaki ioe lakea na tanga tara. A Vure ma ge matai ioe o pesi na tabeke tara, bara i longo ioe go ruduraha ria.”

Ni Gi 23:3

Muri e Balam i takia e Balak i ta maea, “O pesi tabukoi na nihabi gutu-vuro vomu, iau ga pesi tala, ga masia e BAKOVI DAGI ge tagui iau o ge uka? Ia ge taki iau vona tara maki, ga valai ga vakalongo ioe.” Muri i sike na mapana lolo.

Ni Gi 23:30

E Balak i longoa a ngava iea i rata manga a hini e Balam i taki. I rata a nihabi na bulmakau a toga, a sipsip a toga, na dede takutaku.

Ni Gi 28:11

“‘Na mugana parava na maka keva lobo mu rata a nihabi ne BAKOVI DAGI, ra nihabi gutu-vuro. Mu habi a bulmakau karaba a toga ge rua, a sipsip a toga ge taku, a tuna sipsip gavutuvutu a toga ge polorua, ri tahoka a pida i taku.

Ni Gi 28:19

Mu rata a nihabi ne BAKOVI DAGI. Mu habi a bulmakau a toga karaba ge rua, a sipsip a toga ge taku, a tuna sipsip gavutuvutu, a toga ge polorua, ri tahoka a pida ne ria i taku. Mu gutu ria na kanono, ge a nihabi gutu-vuro.

Ni Gi 28:31

Na tahuna mu rata a maka nihabi nga, a maka sipsip a bulmakau mu habi ge gavutuvutu. A nihabi na vain, a nihabi gutu-vuro, a nihabi na vit ranga, mu rata, i manga a hini mu rata na parava vakaroro.’”

Ni Gi 29:13

Mu rata a nihabi ni gutu na kanono ne BAKOVI DAGI. I ngaru a mangina a maka nihabi nga. Mu habi a bulmakau karaba a toga ge ravulu a polona i tolu (13), a sipsip a toga ge rua, a tuna sipsip a toga ge ravulu a polona i va (14), ri tahoka a pida i taku. Ria lobo ri gavutuvutu.

Ni Gi 29:2

Mu rata a nihabi gutu-vuro ge lakea ne BAKOVI DAGI. I ngaru hateka a mangina. Mu rata a nihabi na bulmakau karaba ge taku a toga, a sipsip a toga, a tuna sipsip gavutuvutu a toga ge polorua a pida ne ria ge taku.

Lukas 1:35

A agelo i koli mule, i ta maea, “A Hanu Kiripiripi bara i valai vomu, a nitora na Vure Meli Liu bara i kavitagu ioe. Lakea a koma bara o podea ni gi gale a bakovi kiripiripi, bara ni gale a Tuna Vure.

Ioanes 1:36

Na tahuna e Ioanes i masia e Isu i laho polo, i ta maea, “Muru mata lakea! A Tuna Sipsip na Vure!”

Ioanes 10:7

Lakea e Isu i taki tabu ria, i ta maea, “A taki muholi mua, iau a logo na nure na sipsip.

Ioanes 10:9

Iau a logo. E huriki ri dili valai nau bara ri mahuri. Bara ri dili pori na ningaru ne ria. Bara ri matavisi a maki ni kani.

2 Korin 8:12

Mua bara mu ngaru hateka ni habi a maki na Vure, mu habi ge ramai a ra maki mu tahoka, lakea a Vure bara i vivi vona a maki mu habi. A Vure i uka ma i ngaru mu gu habi a maki i uka ma mu tahoka. Mu habi kunana a maki mu tahoka.

2 Korin 9:7

Mua takutaku mu luhoi kamumu i riva moni mu gu habi. A viri i koi ni habi, nahea ge habi a moni. Naha ni habi tuhare, a vuhuna a Vure i ngaru e huriki ri habi na hatene ria.

Epesus 2:18

A vuhuna e Kristo i mate na kai tavalavala, ngane i kara hita lobo si gi bele na matane Tamana, na Hanuna.

Epesus 5:27

I rata mavonga, ge masia a tara na Vure ge mata kamumu hateka, manga a ngatavine ni mareraku vona, ge lakea ne girihina. I uka ma ge katoki, i uka ma ge kuli malulu. Ge malamala, ge matapado.

Vinara 12:27

Na tanga iea mu rata a nihabi ni gutu-vuro, mu gutu a bobona, a darana sipsip a bulmakau na dede ne BAKOVI DAGI a Vure ne mua. Na maka nihabi ranga, mu guru rike na dede a darana sipsip a bulmakau, pali a maka bobona mu kani.

Vinara 15:21

A maka bulmakau a sipsip ri gi tahoka a ngarava, ge marogo a maka vahane ria, ge kepa, ri nabatabuna, naha ni habi ne BAKOVI DAGI a Vure ne mua.

Vinara 17:1

E Moses i ta tabu i ta maea, “Naha ni bolea a bulmakau a toga a sipsip i nabatabuna, mu gu habi ne BAKOVI DAGI a Vure ne mua. A naro iea i muma hateka na matane BAKOVI DAGI.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

Hibru 9:14

Pali a darane Kristo i rangi a darana sipsip, a bulmakau. Na nitora na Hanu Kiripiripi, ra i mahuri vakaroro, i habi mule ia na Vure manga a nihabi malamala liu. I mavonga, a darana i rata hita si malamala na matana Vure, si lobo ni rata a rabu hale bara si mate vona, si tubu ni ratea a leho na Vure Mahuri.