A Vuhuna 9:3 - A Nitana Vure

³ A maka maki mahuri ri laho ga maki ni kani ne mua, i manga a hini muga a habi ne mua a kobo mu kani. Pali ngane a habi a maki lobo ga maki ni kani ne mua.

A Vuhuna 9:3 Iomraidhean Croise

A Vuhuna 9:2

A kanirau lobo na malala, a kadirovo lobo, a maki lobo ri karaka na malala, a manu lobo, bara ri mangenge ne mua. Ngane a ru na limane mua.

E Levi 22:8

Nahea ge kani a bobona sipsip, a bulmakau i mate tavula o i rabalakia a kanirau hateka. Na tahuna i kani a bobona, bara i muto na matagu. Iau e BAKOVI DAGI, a takia a ngava iea.

A Raukea e Paulus i Here Lakea ne Huriki a Rom 14:14

I uka tara maki ni kani ge hale na matana Vure. A maki ni kani lobo i kamumu ni kani. Iau a lohoka vona i muholi hateka, a vuhuna a ramai e Isu a Bakovi Dagi. Pali a viri i luhoi a maki ni kani tara i hale ni kani, pali, a maki ni kani iea i hale vona.

A Raukea e Paulus i Here Lakea ne Huriki a Rom 14:17

A pelegona a harikianga na Vure, i uka ma a vinara na maki ni kani, a maki ni ninu. A pelegona a harikianga na Vure i maea, si gi laho malamala, si gi made na nivalemu, si gi vivi na nivivi na Hanu Kiripiripi.

A Raukea e Paulus i Here Lakea ne Huriki a Rom 14:20

Naha ni ratapilea a leho na Vure na hini o ngaru a maki ni kani ranga. I muholi, a maki ni kani lobo i kamumu ni kani. Pali a viri i ratea e turana ge boru vona a maki ni kani i ngarua, i rata a naro hale.

A Raukea e Paulus i Here Lakea ne Huriki a Rom 14:3

A viri i kani lobo a kania, nahea ge biu a viri i kani kunana a kobo. Pali a viri i kani kunana a kobo, nahea ge taki i hale a viri i kani a maki lobo, a vuhuna a Vure i bole dilia pali.

1 Korin 10:23

Mua ranga mu ta maea, “I uka tara naro ni gi pupukari iau ga rata.” Pali iau a taki, a naro ranga i uka ma ri gi kori iau. Mu ta maea, “I uka tara naro ni gi pupukari iau ga rata.” Pali iau a taki, a maki ranga i uka ma ge vakatora hita.

1 Korin 10:31

I mavonga, a ra maki mu ninu, a ra maki mu kani, a ra maki mu ratea, mu ratea, e huriki ri gi togoa a Vure.

Vinara 12:15

“Pali i uka ma a hatekakari mua vona ni rabalaki a maka sipsip a bulmakau mu gu kani na hini mu made vona. A maka maki kamumu e BAKOVI DAGI i habi ne mua mu kani, naha ni luhoi lege vona a hini mu matapado o i uka ma mu matapado na matana Vure. Mu kani na maka tabeke viliha mu made vona, i manga a hini mu kani a maka kanirau.

Kolosi 2:16

Lakea, nahea tara viri ge pelekado mua na maki mu kani, na maki mu ninu, na habu na lotu, na habu na keva karaba o na Parava Nimalo.