A Vuhuna 4:4 - A Nitana Vure

⁴ Pali e Abel i bole a maka tuna sipsip a tabua i vi. Lakea e BAKOVI DAGI i ngarua a nihabi ne Abel,

A Vuhuna 4:4 Iomraidhean Croise

A Vuhuna 15:17

I rolo pali a haro, i bele a uvo lakea i bele a hubena kanono turana a ulo i vona a pokona, ru tabuli na kurukuruna kania.

A Vuhuna 4:3

Na parava tara e Kain i bole ranga maki ni kani na hania ge a nihabi ne BAKOVI DAGI.

A Nimariu 13:12

mu habi vona e huriki e tune mua a tabua bakovi, a tabua toga na sipsip a bulmakau.

E Levi 9:24

Malaviriri kunana a kanono i pagitala valai ne BAKOVI DAGI, i vakalobo liu a maka nihabi gutu-vuro, turana a balena vina kanirau. Na tahuna e huriki ri masia a naro iea i bele, ri haloho, ri tabuli bararapuru na malala.

Ni Gi 16:15

E Moses i longoa a ngava iea i madihi a hatena, i takia e BAKOVI DAGI i ta maea, “Naha ni bole a maka nihabi ne huriki a tara nga ri habi vomu. Ri taki ta a matakari hale ria. Pali iau i uka ma bolea tara donki ne ria. I uka ma rata hale ria.”

Ni Gi 16:35

E BAKOVI DAGI i rudua a kanono, i valai i gutu parina e huriki a bakovi ala 250, ra ri rata a nihabi na havu mangisipa.

Ni Gi 18:12

“Iau bara habi tabu ne mua a maki ri moro muga na hania na oliv, na vain, na vit na pida takutaku.

Ni Gi 18:17

“Pali i uka ma ri gi kona mule a tabua na bulmakau, a sipsip a meme, a vuhuna ni taba ria. Mu rabalaki ria, mu voro tamali na dede a darane ria, mu gutu na dede a vine ria, ge a nihabi. Na tahuna a burongi a mangina a nihabi nga, bara ngarua.

Hibru 11:4

Hosi e Abel i luhoi torea a Vure, i habi a nihabi vona. A nihabi ne Abel i rangia a nihabi ne tukana, e Kain, lakea a Vure i bolea a nihabi ne Abel, i galea a bakovi kamumu. I muholi, e Abel i mate pali. Pali a naro i rata hosi i tabana ni tovo hita vona a naro na niluhoi torea a Vure.

Hibru 9:22

I muholi hateka, a vinara na Vure i taki a dara kunana i rata a maki lobo ge matapado. A dara i uka ma ge tua, a Vure i uka ma ge puga vuroki a naro hale ne huriki.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.