A Vuhuna 4:2 - A Nitana Vure

² Muri i podea e Abel, e tarine Kain. E Abel i matakari a sipsip, e Kain i leho na hania.

A Vuhuna 4:2 Iomraidhean Croise

A Vuhuna 3:23

Lakea e BAKOVI DAGI a Vure i tono talea na hania o Iden a bakovi, ge hamule, ge leho na malala ni rata rike ia vona.

A Vuhuna 37:13

Lakea e Israel i takia e Iosep, “Ioe o lohoka vona a hini i matakari a sipsip vona e huriki e tukamu tabukoi o Sekem? O vano, o lokovonga mai ria.” E Iosep i koli mule i ta maea, “A lohoka vona.”

A Vuhuna 4:1

E Adam i mahita turana e girihina, e Eva, i singou, i podea e Kain. Lakea e Eva i ta maea, “I tuhori iau e BAKOVI DAGI, a vakabelea a bakovi.”

A Vuhuna 4:3

Na parava tara e Kain i bole ranga maki ni kani na hania ge a nihabi ne BAKOVI DAGI.

A Vuhuna 47:3

Lakea e Parao i nana ria, “A ra leho mu lohoka na niratana?” Ri ta maea ria, “Bakovi dagi. A leho mi lohoka vona, ni matakari a sipsip, i manga a leho i rata e tamane mia muga.

A Vuhuna 9:20

E Noa a bakovi ni leho na hania, i vakatubu ni varo a vain na hania vona.

A Nimariu 3:1

E Moses i matakari a maka sipsip a meme ne lahuana e Ietro, a prister ne Midian. Na parava tara e Moses i vakalaho a maka sipsip a meme, i lakea na tabeke na nirolona haro na tabeke i ngeki, i bele o Horeb, a lolo na Vure.

Lukas 11:50

I mavonga kunana, mua bara mu bole a vuranga na matenga ne huriki a propet lobo, i vakatubu na nitubu na malala.

Lukas 11:51

Bara mu bole a vuranga na matenga ne huriki a propet, i vakatubu ne Abel i vano i harena ne Sakarias, ra viri i mate na kurukuruna dede, a tabeke ni gamai na roho na Vure. Iau a taki mua, a nimatene huriki a propet lobo, bara mu bole a vuranga ne ria.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

1 Ioanes 3:10

Na naro iea bara mu matakilaka vona e rei e huriki a tuna Vure, e rei e huriki e tune Satan. E rei a viri i uka ma i ramai a naro kamumu, i uka ma i valai na Vure. A viri i marikoi e turana, ia tara i uka ma i valai na Vure.

1 Ioanes 3:12

Nahea si gi naro manga e Kain. Ia a bakovi ne Satan, lakea i rabalakia e tarina, i mate. I rabalakia a vuhuna a narona i hale, a narone tarina i malamala.

1 Ioanes 3:15

E rei a viri i marikoi e turana, i manga a mari ni rabalaki a viri. Pali mu lohoka vona, e rei a viri i rabalaki a viri i uka ma i bole a nimahuri vakaroro.