A Vuhuna 3:1 - A Nitana Vure

¹ A mata i moro hateka na rabu na taminga, i rangi a maka livoa lobo e BAKOVI DAGI a Vure i rata rike. I nanea a ngatavine, “I muholi a Vure i taki marua, nahea muru gu kani a maka kanena kai lobo na hania?”

A Vuhuna 3:1 Iomraidhean Croise

Mateo 10:16

“A rudu tala mua manga a tuna sipsip ri laho na kurukuruna kabu na kaugara. I mavonga, mu mamata, mu made madoru manga a balu.

Mateo 4:3

A bakovi ni toni e huriki i bele vona, i takia, “Ge ioe a tuna Vure, o taki a kedo nga ri gi mapulo ri gi manga a bret.”

Mateo 4:6

i takia, “Ge ioe a Tuna Vure, o to raga, a vuhuna a ngava ni here puru na Hinere i maea, ‘A Vure bara i rudu e huriki a agelo vona, ri valai ri matakari ioe. Ri gi bole rike ioe na limane ria, ma ge padi a vahamu a kedo.’”

Mateo 4:9

Lakea a hanitu i takia, “Ioe bara o turume puru, o vasileki nau, bara habi vomu a maki lobo nga.”

2 Korin 11:14

I uka ma a turutu ne ria, a vuhuna e Satan tara i tamilalu, ta ia a agelo na nipara.

2 Korin 11:3

Pali a mangenge, ma ni gi tami mua, mu gu lobo ni luhoia e Kristo na naro malamala, na naro muholi, i manga hosi a mata i tamia e Eva.

1 Petrus 3:7

Mua o huriki a bakovi ranga, mu lohoka vona e huriki a ngatavine i uka ma ri tuhaka. Mu made kamumu turana e girihine mua. Mu togo ria, a vuhuna ria ranga, ri gi bole na Vure a nimahuri vakaroro. I uka ma mu gu rata mavonga, a Vure i uka ma ge longo a nivasileki ne mua.

Kapiloho 12:15

Lakea a mata i muta tala a naru, i tua lakea na ngatavine, ta ge vakapasiri ia vona.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.

Kapiloho 20:2

I puru valai, i lakavua a Mata Dagi, ra mata i laho paru hosi, ra hanitu, e Satan. I lakavua, i kolotatea ge tabuli na pida i ravulu rangale (1,000).