A Vuhuna 1:1 - A Nitana Vure

¹ Muga na maki lobo ni rata, a Vure i rata rike a hunu a malala.

A Vuhuna 1:1 Iomraidhean Croise

A Nimariu 20:11

Mu rata mavonga, a vuhuna na parava i polotara, e BAKOVI DAGI i rata rike a hunu, a malala, a dari, a maki lobo i tabuli ne tou. Pali na poloruana parava, i malo, i gamaia a Parava Nimalo, i ratea i malamala.

A Nimariu 31:18

Na tahuna e Bakovi Dagi i ta lobo turane Moses na lolo e Sinai, i habi ne Moses a tabekena kedo i rua na Ngava Dagi, ra ia a Vure i here na limana.

Mateo 11:25

Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Markus 13:19

a vuhuna a maka parava nga bara ri hale liu na parava lobo. Hosi, na tahuna a Vure i ratarike a malala, i valai i harena mona, i uka tara parava ge hale maea. Pali muri ma, i uka ma ge hale maea tabu.

Apostolo 14:15

“I navai mu rata mavonga? Maria a bakovi tavula kunana manga mua! Miri valai koea miri ngaru ni vakalongo mua vona a Velenga Kamumu, mu gu ha taro a maka maki tavula nga, mu gu ramai a Vure mahuri, a viri i ratarike a hunu, a malala, a dari, turana maki lobo i tabuli ne tou.

Apostolo 17:24

“A Vure, ra i ratarike a malala turana maki lobo ri tabuli vona, ia a Bakovi Dagi na hunu a malala. I uka ma i made na roho ni hae na limana bakovi.

Apostolo 4:24

Na tahuna ri longo loboa a ngavane rua, ri ta rike, ri vasileki palupu na Vure, “Bakovi Dagi, ioe o ratarike a hunu, a malala, a dari turana maka maki i tabuli ne tou.

A Raukea e Paulus i Here Lakea ne Huriki a Rom 11:36

A Vure kunana a viri i ratarike a maki lobo. Ia kunana i nugu a maki lobo na limana, ri tabuli kamumu. A maki lobo ne vona kunana. Si gi kavurikea a rana na parava vakaroro. I muholi.

1 Korin 8:6

Pali ne hita, a Vure i taku kunana, re Tamane hita, ra i ratarike a maki lobo. Hita a ngate vona. A Bakovi Dagi i taku kunana, re Isu Kristo. Na limana kunana, a Vure i ratarike a maki lobo. I habi ne hita a nimahuri karaba.

Epesus 3:9

I pasi iau ga vakapalala e huriki lobo na niluhoi i tabuli kapiloho paru hosi. A Vure, ra viri i ratarike a maki lobo, i ruhulolo hosi na nitubuna maki lobo.

Hibru 1:10

A Vure i taki tabu e Tuna, i ta maea, “Ioe, o Bakovi Dagi, o ratarike a malala hosi na nitubuna maki lobo. A hunu tara, o ratarikea.

Hibru 1:2

Pali ngane, na tahuna a nilobona parava i tubu, a Vure i habi a ngava ne Tuna, lakea e Tuna i taki polo ne hita. Ne Tuna kunana, a Vure i ratarike a hunu, a malala, a maki lobo. A Vure i rata a maki lobo nga ge ne vona e Isu.

Hibru 11:3

Hita, si luhoi torea a Vure i ta kunana, i vakabele a maki lobo. A maki lobo si matai, a Vure i ratarike na maki i uka ma si matai.

2 Petrus 3:5

Ri ta mavonga, a vuhuna ri marikoi ni luhoi kamumu, ri mata kepa vona a maki nga: Hosi a Vure i ta kunana, i vakabele a hunu. I ratarike na naru a malala na kurukuruna naru.

1 Ioanes 1:1

A Nita Mahuri i made hosi, muga na maka maki ni ratarike. Mi longoa a nitana, mi masia na matane mia. I muholi mi masia, mi padoi ia na limane mia.

Kapiloho 10:6

i kaba na rana Viri i mahuri vakaroro, ra viri i ratarike a hunu, a maka maki lobo pololilo vona, turana malala, a maka maki i tabuli vona, turana dari, a maka maki i tabuli pololilo vona. I kaba, i taki i uka tabu ni dava,

Kapiloho 14:7

I gale tala dagi, i ta maea, “Mu mangenge na Vure, mu vakabagetua, a vuhuna a parava i bele pali, ge pelekado a narone huriki lobo. Mu kavurikea a viri i ratarike a hunu, a malala, a dari, a maka naru bele.”

Kapiloho 21:6

Muri i ta maea tabu, “I lobo! Iau a Alpa, a Omega. Iau a nidoko na maki lobo, a nilobona maki lobo. A habi tavula ne huriki ri marohu a naru i valai na naru bele na nimahuri.

Kapiloho 22:13

Iau a Alpa, a Omega. Iau a viri a muga, iau a iku. Iau a nidokona maki lobo, a nilobona maki lobo.

Kapiloho 3:14

I ta tabu, i ta maea, “O here lakea na agelo ne huriki a tara na Vure o Laodisia, o here maea: A ngava iea i valai na viri ni gale I Muholi, ra viri i ta muholi, i taki tala a ngava lobo a Vure i takia ge taki. Ia a vuhuna maki lobo a Vure i ratarike.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”