A Nimariu 9:16 - A Nitana Vure

¹⁶ Pali iau a matataro mua i uka ma mu bole a vuranga ma, ga vakasiri mua vona a nitora dagi nau, lakea e huriki bara ri vakarere a ragu na tabeke lobo na malala.

A Nimariu 9:16 Iomraidhean Croise

A Nimariu 14:17

Iau ga rata e huriki a Egipto ge madihi a hatene ria, ri gi valili ne mua a Israel. Muri ga ratapilea e Parao turana a tara na vabinga vona ra ri rike na karis a hos. A maki ga ratea bara vakadagi a ragu vona.

A Nimariu 14:4

Iau ga ratea e Parao ge madihi a hatena ge lili ria. Pali iau bara ratapilea turana a tara na vabinga vona, ga vakadagia a ragu na maki a ratea vona. Muri e huriki a Egipto bara ri lohoka vona, iau kunana e BAKOVI DAGI.” E huriki a Israel ri longototoa a nitane Bakovi Dagi, ri hamule.

A Nimariu 18:11

Ngane a lohoka vona e BAKOVI DAGI i rangi a vure lobo, a vuhuna i matakari mua na tahuna e huriki a Egipto ri vakavora hateka mua.”

A Nimariu 9:15

Iau a tabukoi kunana ga ratapile e huriki a viri vomu, ga ratapile ria na vuranga, bara ri lobo liu na malala.

A Nimariu 9:17

Pali ioe o hehe hateka, o marikoi vona e huriki a viri nau ri gi vano.

Ni Gi 14:21

Iau a Vure mahuri, a nitora, a nipara nau i tabuli na tabeke lobo na malala.

A Raukea e Paulus i Here Lakea ne Huriki a Rom 9:17

A Vure i takia e Parao hosi, ni here puru na Hinere, i maea, “A ru ioe ge ioe a hariki, a vuhuna a ngaru ni vakasiri e huriki na nitora nau, e huriki lobo na malala ri gi longo a maki ga rata.”

A Raukea e Paulus i Here Lakea ne Huriki a Rom 9:22

A Vure i ngaru ni vakasiri kavakava a rongova vona, a nitora vona, pali i hatenono. I uka ma i ratapile malaviriri e huriki a bakovi hale, re huriki i vulaki puru ria hosi, ge ratapile ria.

Iosua 4:24

E BAKOVI DAGI a Vure ne hita i ratea a maki iea, ge vakasiri e huriki na tabeke lobo na malala ri gi lohoka vona a nitora vona, lakea si gi kavurike vakaroroa.”

1 Petrus 2:19

A viri i luhoi torea a Vure, lakea i bole tavula a nimadihi, i uka ma i rata a naro hale ge bole a nimadihi vona. Ia ge kaloho kunana, i rata a naro kamumu.

1 Petrus 2:8

I ta maea tabu, “A kedo iea i rata e huriki ri sibo, ri boru.” Ri sibo a vuhuna ri longotaroa a nitana, i manga a hini a Vure i taki muga ri gi rata.

Iuda 1:4

I ranga e huriki ri dili turane mua ri tamilalu, i uka ma mu matakilala ria. Ri ngalahere na Vure. A narona Vure, i rata kamumu hita, ri puloa, ri taki ta i kamumu ri gi tabana ni mole lae. Ri marikoi ni taki e Isu Kristo a Bakovi Dagi ne ria. I paru hosi, a Vure i lohoka ne ria, i taki ge ratapile ria.