A Nimariu 9:14 - A Nitana Vure

¹⁴ Ge uka, ga rudua a vuranga dagi ge ratapile ioe turana e huriki a bolekori, e huriki a viri vomu. Muri bara mu lohoka vona, i uka tara viri na malala ge manga iau.

A Nimariu 9:14 Iomraidhean Croise

A Nimariu 15:11

“BAKOVI DAGI, i uka tara vure ge manga ioe. Ioe a hariki dagi, o malamala hateka, a nitora vomu i dagi hateka. A bagetua vomu i kamumu hateka. O rata a maka nivakasiri, e huriki ri turutu, ri mangenge.

A Nimariu 8:10

Lakea e Parao i ta maea, “O vasileki kuduvi.” E Moses i koli, i ta maea, “Ga rata manga a hini o taki, bara o lohoka vona i uka tara viri ge manga e BAKOVI DAGI, a Vure ne mia.

A Nimariu 8:6

Lakea e Aron i toto langa na maka naru ne Egipto a limana. Muri a maka bura ri bele ri vakavonua a robo.

A Nimariu 9:15

Iau a tabukoi kunana ga ratapile e huriki a viri vomu, ga ratapile ria na vuranga, bara ri lobo liu na malala.

E Levi 26:18

“Muri na tahuna a vakamadihi mua na naro nga, pali i uka ma mu ramai tabu a ngavagu, bara vakamadihi hateka mua.

E Levi 26:21

“Na tahuna a maka maregoa nga ri bele ne mua, pali mu tababana ni tagege, bara luhoi a maka naro hale mu rata, a habi mua a maregoa hale, i dagi hateka na maregoa muga.

E Levi 26:28

bara tahate hateka na naro hale mu rata, iau kunana a habi a nimadihi dagi hateka ne mua.

Vinara 3:24

‘Bakovi Dagi, ioe a Vure muholi, a lohoka vomu o tubu ni vakasiri iau na maka maki dagi bara o rata. E rei a vure tabu ge made na hunu o na malala ge rata a maka maki dagi o rata pali?

Vinara 4:35

“E BAKOVI DAGI i vakasiri mua vona a maki nga, mu gu lohoka vona ia kikeri ia a Vure, i uka tabu tara vure.

Kapiloho 18:8

I mavonga, a vuranga i kupo ge bele vona na parava i taku kunana. A matenga, a nidedo, a vitoloa ge bele vona. A kanono ge gutu parinea, ge lobo, a vuhuna a viri i pelekadoa i gao hateka, ra Vure, a Bakovi Dagi.”

Kapiloho 22:18

Mua e huriki mu longo a nita propet na buk iea, mu matadoko. E rei a viri ge ru dili tabu ranga ngava na nita propet iea, a Vure tara ge habi vona a maka nimadihi dagi ni taki tala na buk iea.