A Nimariu 8:8 - A Nitana Vure

⁸ Lakea e Parao i gale valai vona e Moses e Aron i taki rua, “Muru vasileki ne BAKOVI DAGI ge lili vuroki a maka bura na tabeke ne mia, muri bara longo vona e huriki a viri ne mua ri gi vano, ri gi habi a nihabi ne BAKOVI DAGI.”

A Nimariu 8:8 Iomraidhean Croise

A Nimariu 10:16

E Parao i malaviriri kunana i talo rike a ngava ne Moses e Aron ru gu valai vona. Lakea i taki rua i ta maea, “Iau a rata a naro hale ne BAKOVI DAGI, a Vure ne mua. A rata a naro hale ne mua.

A Nimariu 10:17

A ngaru marua muru gu puga vuroki tabua a naro hale nau. Muru vasileki ne BAKOVI DAGI ne mua, muru takia ge rata vurokia a maki na matenga ri ratapile a robo nau.”

A Nimariu 10:18

Ru pea e Parao, muri e Moses i vano i vasileki ne BAKOVI DAGI.

A Nimariu 14:5

Na tahuna e Parao ni vakalongo ne huriki a Israel ri ha, e Parao turane huriki a bolekori vona ri pulo a niluhoi ne ria, ri deke, ri ta maea, “I navai si matataro e huriki a Israel ri vano? Ngane i uka viri ge leho ne hita.”

A Nimariu 32:11

Pali e Moses i vasileki tora ne BAKOVI DAGI, a Vure vona, i ta maea, “BAKOVI DAGI, nahea ge madihi hateka a hatemu, go ratapile ria. Ioe kunana o bole tala ria o Egipto na nitora dagi vomu.

A Nimariu 5:2

Pali e Parao i koli, i ta maea, “E rei ra BAKOVI DAGI iea? Pali i navai ga longototoa ne mua a Israel mu gu vano? Iau i uka ma a lohoka vona a BAKOVI DAGI ne mua, i uka ma a ngaru mua mu gu vano.”

A Nimariu 8:15

Na tahuna e Parao i matai a maka bura ri mate lobo, i gigitora, i uka ma i longo mai e Moses e Aron, i manga a ngava e BAKOVI DAGI i taki.

A Nimariu 8:29

Lakea e Moses i takia, “Muri ga pe ioe, ga vasileki ne BAKOVI DAGI ge lili vuroki a maka lango. Kuduvi a maka lango bara ri ha tala na ruma-hariki vomu, na ruma ne huriki a bolekori vomu, na ruma ne huriki a viri vomu. Pali naha ni tami mia tabu, go hatekakari mia, nahea mi gi vano mi gi habi a nihabi ne BAKOVI DAGI.”

A Nimariu 8:32

Pali e Parao i tababana ni gigitora, i marikoi ne huriki a Israel ri gi vano.

A Nimariu 8:9

Lakea e Moses i koli, i ta maea, “O vulakia tara parava ga vasileki, ga tuhori ioe turana e huriki a bolekori vomu, e huriki a viri vomu. Muri a maka bura bara ri pe a ruma ne mua, ri hamule puru ne Nail.”

A Nimariu 9:27

Muri e Parao i talo rike a ngava ne Moses e Aron ru gu valai vona. Na tahuna ru bele, e Parao i taki rua, “Iau a rata a naro hale pali. E BAKOVI DAGI i rata a naro kamumu, pali iau turane huriki a viri nau mi rata a naro hale.

A Nimariu 9:28

A ngaru marua muru gu vasileki ne BAKOVI DAGI ge vakalobo a vala-kedo, a hini kururu. Muri bara longo ne mua mu vano malaviriri kunana.”

A Nimariu 9:33

Muri e Moses i pea a tanga dagi i pagitala. Na tahuna i toto rike a limana i vasileki ne BAKOVI DAGI, a vila, a hini kururu ru lobo. A vala-kedo tara i lobo ni boru.

Ni Gi 21:7

E huriki a bakovi a ngatavine ri valai ne Moses ri ta maea, “Mi rata a naro hale pali ne BAKOVI DAGI na tahuna mi tapuhaki ne marua e BAKOVI DAGI. Ngane o vasileki ne BAKOVI DAGI ge lili vuroki a maka mata nga.” Lakea e Moses i vasileki ne ria.

Apostolo 8:24

E Simon i koli, i ta maea, “O vasileki nau ne Bakovi Dagi, nahea ge bele nau a maki o taki.”