A Nimariu 8:27 - A Nitana Vure

²⁷ Mi gi laho na parava ge tolu na tabeke i ngeki, mi gi habi a nihabi ne BAKOVI DAGI a Vure ne mia, i manga a hini i taki mia vona.”

A Nimariu 8:27 Iomraidhean Croise

A Nimariu 10:26

Mi gi bole lobo a maka sipsip a meme, bara mi vulaki ranga ge a nihabi ne BAKOVI DAGI a Vure. Pali mi gi vano taro, mi gi bele na murina nivasileki, mi gi pelekado a sipsip a bulmakau ge a nihabi ne BAKOVI DAGI.”

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 3:18

“O taki e huriki a gare o Israel ri gi longo maia a nitamu, ri gi ramaia. Muri o bole ria ri gi lakea na hariki o Egipto ri gi ta maea, ‘E BAKOVI DAGI, a Vure ne mia a Hibru, i made turane mia. Ngane mi valai mi gi nana ioe ta go longo ne mia, mi gi lakea taro na tabeke i ngeki. Mi gi laho na parava ge tolu, muri mi gi habi a nihabi ne Bakovi Dagi a Vure ne mia.’

A Nimariu 34:11

Mu ramai a vinara nau a taki ioe vona mu gu ramai. Iau ga muga ga lili tala e huriki a Amor, a Kenan, a Hiti, a Peres, a Hivi, a Iebus na malala ne ria.

A Nimariu 5:1

Muri e Moses e Aron ru lakea ne Parao ru takia, “E BAKOVI DAGI, a Vure ne huriki a Israel, i taki go longo ne ria, ri gi lakea na tabeke i ngeki ri gi vasileki.”

A Nimariu 5:3

Lakea ru ta maea, “A Vure ne huriki a Hibru i bele ne maria. I taki maria miri gi tuli e huriki a Israel mi gi laho na parava ge tolu lakea na tabeke i ngeki, mi gi habi a nihabi ne BAKOVI DAGI a Vure ne mia. O longo ne mia mi gi vano. Mia i uka ma mi gi vano, bara i vakahale mia na gilanga dagi o na vabinga dagi.”

E Levi 10:1

Na tahuna iea e tune Aron ala rua, e Nadap, e Abihu, ru pi a kanono, ru ru dili na ulo kiroko ni rata na aen, ru guru puru a havu mangisipa na ulo, ru habi a kanono i uka ma ni taba ne BAKOVI DAGI. Pali e BAKOVI DAGI i uka ma i taki rua ru gu rata mavonga.