A Nimariu 8:22 - A Nitana Vure

²² “‘Na tahuna a maka lango ri gi bele, ga matakaria a malala e Gosen, ra tabeke i made vona e huriki a viri nau. A maka lango i uka ma ge vonu vonga, bara o lohoka vona, iau e BAKOVI DAGI na malala iea.

A Nimariu 8:22 Iomraidhean Croise

A Vuhuna 46:34

mu ta maea, ‘Bakovi dagi, mi matakari a sipsip a bulmakau na tahuna mi kiroko vona i valai i harena mona. I manga a leho i rata e tamane mia muga.’ Muri bara i longo vona a robo e Gosen bara mu made vona, a vuhuna e huriki a tahotanga ri marikoi hateka ni made turana e huriki ri matakari a sipsip.”

A Nimariu 10:23

E huriki a Egipto ri keri ni matai mule ria, ri made kunana na ruma. Pali a tabeke i made vona e huriki a Israel i uka ma i bele vona a uvo vatubi.

A Nimariu 12:13

Ra dara mu kalu na mataruma ne mua ge tabuli ga kilakila ne mua. Na tahuna a matai a dara mu kalu na mataruma, bara pagepolo a ruma ne mua. Ra vuranga iea i uka ma ge padoi mua na tahuna a ratapile e huriki a Egipto.”

A Nimariu 19:5

Mua bara mu longo mai iau, mu ramaia a ngava dagi nau, bara vulaki mua ge mua a tara nau. A maki lobo, e huriki lobo na malala, ria ranga ne nau.

A Nimariu 20:11

Mu rata mavonga, a vuhuna na parava i polotara, e BAKOVI DAGI i rata rike a hunu, a malala, a dari, a maki lobo i tabuli ne tou. Pali na poloruana parava, i malo, i gamaia a Parava Nimalo, i ratea i malamala.

A Nimariu 7:17

Ngane e BAKOVI DAGI i ta maea, “Ioe bara o masia a maki ga ratea, bara o lohoka vona iau kunana e BAKOVI DAGI. O masia, bara lagua na kodo nau a naru dagi e Nail, bara i vulo a dara.

A Nimariu 7:5

Na tahuna ga ratapile e huriki a Egipto, bara vakamariu e huriki a Israel. E huriki a Egipto bara ri matakilaka nau, iau kunana e BAKOVI DAGI.”

A Nimariu 8:10

Lakea e Parao i ta maea, “O vasileki kuduvi.” E Moses i koli, i ta maea, “Ga rata manga a hini o taki, bara o lohoka vona i uka tara viri ge manga e BAKOVI DAGI, a Vure ne mia.

A Nimariu 8:21

Ioe i uka ma o longo ne ria, bara rudu a maka lango, ri lakene vomu, ne huriki a bolekori vomu, ne huriki a viri vomu. A ruma ne huriki a Egipto bara i vonu vona a lango. A hini i pesi vona a ruma ranga, bara i voi vona a lango.

A Nimariu 8:23

Iau i uka ma ga ratea na viri nau a naro iea, ge manga a naro a ratea na viri vomu. Ra nivakasiri iea ge bele kuduvi.’”

A Nimariu 9:26

Pali na robo e Gosen, ra tabeke i made vona e huriki a Israel, a vala-kedo i uka ma i boru vonga.

A Nimariu 9:29

Lakea e Moses i koli, i ta maea, “Na tahuna ga pagitala na tanga dagi ga toto rike a limagu, ga vasileki ne Bakovi Dagi, a vila, a hini kururu bara ru lobo. A vala-kedo i uka ma ge boru tabu. Muri bara o lohoka vona ra malala iea ne vone Bakovi Dagi.

A Nimariu 9:4

Pali a maka bulmakau a sipsip ne huriki a Israel, iau e BAKOVI DAGI, ga matakari, i uka ma ri gi mate manga ne huriki a Egipto.’”

A Nimariu 9:6

Na parava muri i rata a bulmakau a sipsip ne huriki a Egipto ri mate, pali ne huriki a Israel i uka ma ri mate.