A Nimariu 8:19 - A Nitana Vure

¹⁹ Lakea e huriki a bakovi na malulu ri takia e Parao, “A Vure kunana i ratea a maki iea.” Pali e Parao i gigitora, i uka ma i longo mai a nitane Moses e Aron, i manga a ngava e BAKOVI DAGI i taki.

A Nimariu 8:19 Iomraidhean Croise

A Vuhuna 41:24

Lakea a maka paruna vit kaka kiroko ri todo a paruna vit kaka dagi i polorua. A vakalongo e huriki a bakovi na malulu vona a vuregu, pali ri keri ni tuveve poloa nau.”

A Nimariu 10:23

E huriki a Egipto ri keri ni matai mule ria, ri made kunana na ruma. Pali a tabeke i made vona e huriki a Israel i uka ma i bele vona a uvo vatubi.

A Nimariu 10:7

E huriki a bolekori ri takia e Parao, “I balaka riva a hini go longotaro a bakovi nga? Ngane ru habi a maregoa ne hita. O longo ne ria ri gi vano ri gi kavurikea e BAKOVI DAGI, a Vure ne ria. Ra ioe, i uka ma o masia e Egipto i hale liu pali?”

A Nimariu 11:7

Pali iau i uka ma ga ratea tara maki hale ge bele ne huriki a Israel o na sipsip a bulmakau ne ria.’ Muri bara o matakilaka vona ra naro e BAKOVI DAGI i ratea ne huriki a Egipto, i uka ma ge ratea ne huriki a Israel.

A Nimariu 7:13

E Parao i masia a nivakasiri, pali i gigitora, i uka ma i longo mai a nitane Moses e Aron, i manga a ngava e BAKOVI DAGI i taki.

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

A Nimariu 7:5

Na tahuna ga ratapile e huriki a Egipto, bara vakamariu e huriki a Israel. E huriki a Egipto bara ri matakilaka nau, iau kunana e BAKOVI DAGI.”

A Nimariu 9:26

Pali na robo e Gosen, ra tabeke i made vona e huriki a Israel, a vala-kedo i uka ma i boru vonga.

A Nimariu 9:4

Pali a maka bulmakau a sipsip ne huriki a Israel, iau e BAKOVI DAGI, ga matakari, i uka ma ri gi mate manga ne huriki a Egipto.’”

Mateo 12:28

Pali iau a lili tala e huriki a hanitu na nitora na Hanuna Vure. I vakasiri manga a harikianga na Vure i bele pali ne mua.

Lukas 11:20

Pali iau a lili tala e huriki a hanitu na nitora na Vure. I vakasiri manga a harikianga na Vure i bele pali ne mua.

Ioanes 11:47

Muri e huriki a prister dagi, e huriki a Pariseo ri gale palupu e huriki a tara na vaponga, ri vanana, ri ta maea, “A ra si gi ratea ngane? Ra bakovi iea, i rata a maka nivakasiri i kupo.

Apostolo 4:16

ri ta maea, “Si gi rata navai a bakovi nga? E huriki lobo o Ierusalem ri lohoka ne rua ru rata a nivakasiri dagi. Bara si keri ni lavuni.