A Nimariu 8:16 - A Nitana Vure

¹⁶ Muri e BAKOVI DAGI i takia e Moses, “O takia e Aron ge toto talea a kodo vona ge lagu a habulo na malala, ge mapulo ge ria a namo, ri gi bebe viliha na robo e Egipto.

A Nimariu 8:16 Iomraidhean Croise

A Nimariu 4:23

A taki ioe, “O longo ne ria e huriki e tugu, ri gi vano ri gi vasileki nau.” Ioe bara o koi, e Bakovi Dagi bara i rabalakia e tumu bakovi, a tabua.’”

A Nimariu 5:1

Muri e Moses e Aron ru lakea ne Parao ru takia, “E BAKOVI DAGI, a Vure ne huriki a Israel, i taki go longo ne ria, ri gi lakea na tabeke i ngeki ri gi vasileki.”

A Nimariu 8:15

Na tahuna e Parao i matai a maka bura ri mate lobo, i gigitora, i uka ma i longo mai e Moses e Aron, i manga a ngava e BAKOVI DAGI i taki.

A Nimariu 8:17

Lakea ru rata mavonga. E Aron i toto tala a kodo, i lagu a habulo na malala. A habulo lobo na robo e Egipto, ri mapulo ri manga a namo, ri kani e huriki a bakovi, a maka livoa.

A Nimariu 8:18

Pali e huriki a bakovi na malulu ri toni ni vakabele a namo, ri keri. A maka namo ri ratapile e huriki a bakovi, a maka livoa.

A Nimariu 8:5

Muri e BAKOVI DAGI i takia e Moses, “O takia e Aron ge toto langa a kodo vona na maka naru dagi, na naru kiroko, na naru na golu, na lomu, na darilomu. Ge rata a maka bura ri gi bele kupo hateka na robo e Egipto.”