A Nimariu 8:1 - A Nitana Vure

¹ Muri e BAKOVI DAGI i takia e Moses ge lakea ne Parao ge takia, “E BAKOVI DAGI i ta maea, ‘O longo vona e huriki a viri nau ri gi valai, ri gi vasileki nau.

A Nimariu 8:1 Iomraidhean Croise

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 3:18

“O taki e huriki a gare o Israel ri gi longo maia a nitamu, ri gi ramaia. Muri o bole ria ri gi lakea na hariki o Egipto ri gi ta maea, ‘E BAKOVI DAGI, a Vure ne mia a Hibru, i made turane mia. Ngane mi valai mi gi nana ioe ta go longo ne mia, mi gi lakea taro na tabeke i ngeki. Mi gi laho na parava ge tolu, muri mi gi habi a nihabi ne Bakovi Dagi a Vure ne mia.’

A Nimariu 4:23

A taki ioe, “O longo ne ria e huriki e tugu, ri gi vano ri gi vasileki nau.” Ioe bara o koi, e Bakovi Dagi bara i rabalakia e tumu bakovi, a tabua.’”

A Nimariu 5:1

Muri e Moses e Aron ru lakea ne Parao ru takia, “E BAKOVI DAGI, a Vure ne huriki a Israel, i taki go longo ne ria, ri gi lakea na tabeke i ngeki ri gi vasileki.”

A Nimariu 5:3

Lakea ru ta maea, “A Vure ne huriki a Hibru i bele ne maria. I taki maria miri gi tuli e huriki a Israel mi gi laho na parava ge tolu lakea na tabeke i ngeki, mi gi habi a nihabi ne BAKOVI DAGI a Vure ne mia. O longo ne mia mi gi vano. Mia i uka ma mi gi vano, bara i vakahale mia na gilanga dagi o na vabinga dagi.”

A Nimariu 7:16

O takia e Parao, o ta maea ‘E BAKOVI DAGI, a Vure ne huriki a Hibru, i rudu iau ga taki ioe, o longo vona e huriki a Hibru ri gi vano, ri gi kavurikea na tabeke i ngeki. Pali i valai i harena mona i uka ma o longo mai ria.

A Nimariu 7:25

A dara i kavitagu mavongea e Nail na parava i polorua muri ne BAKOVI DAGI i puloa a naru i manga a dara.

A Nimariu 8:2

Ioe i uka ma go longo ne ria ri gi valai, bara rudu a maka bura ri gi ratapilea a malala vomu.

A Nimariu 8:20

E BAKOVI DAGI i takia e Moses, “Na hatelanga pokopoko e Parao bara i puru na naru dagi. O vano o taguia, o takia, ‘E BAKOVI DAGI i ta maea: O longo vona e huriki a viri nau ri gi vano ri gi kavurike iau.

A Nimariu 9:1

Muri e BAKOVI DAGI i takia e Moses ge lakea ne Parao ge takia, “E BAKOVI DAGI, a Vure ne huriki a Hibru, i ta maea, ‘O longo vona e huriki a viri nau ri gi vano ri gi kavurike iau.

Iosua 8:18

E BAKOVI DAGI i takia e Iosua, “O nugu rikea a maheto vomu o toto lakea ne Ai, ga habia vomu ngane a tanga iea.” E Iosua i ramaia a ngava e BAKOVI DAGI i takia.