A Nimariu 7:19 - A Nitana Vure

¹⁹ E BAKOVI DAGI i takia e Moses, “O takia e Aron ge bolea a kodo vona ge toto langa na maka naru dagi, na naru kiroko, na hini ni keli kudu i tua vona a naru, na lomu, na darilomu ne Egipto, bara ri mapulo a dara. A dara bara i tabuli na hini lobo o Egipto. A naru ri kiru na tavila na buroi, ngi ranga bara i vona a dara.”

A Nimariu 7:19 Iomraidhean Croise

A Vuhuna 1:10

A hini vu a Vure i vunua a malala. A hini vona a naru i vunua a dari. I matai a maki i rata i kamumu.

A Nimariu 10:12

Muri e BAKOVI DAGI i takia e Moses, “O toto tala a limamu, o toto langa na robo e Egipto ge valai a maka koa, ri gi kani a maki ri tababana.”

A Nimariu 10:21

Muri e BAKOVI DAGI i takia e Moses, “O toto rike na hunu a limamu, ge bele a uvo ge kavitagua e Egipto. Ra uvo iea ni hataki.”

A Nimariu 14:16

O toto rikea a kodo vomu o toto langa na dari, ge vakalipida na tabeke ge rua, ge lahopolo na mahasi e huriki.

A Nimariu 14:21

Muri e Moses i toto langa na dari a limana. Na rodo e BAKOVI DAGI i ratea a vilu dagi i pori valai na nirikena haro, i tugu mulea a dari i vakalipida na tete i rua.

A Nimariu 14:26

Muri e BAKOVI DAGI i takia e Moses, “O toto langa na dari a limamu ge hamule mai a murina a dari, ge kavitagu e huriki a Egipto turana a maka karis a hos ne ria.”

A Nimariu 4:9

Pali ra nivakasiri nga i rua ri matai, i uka ma ri luhoi ge muholi o ri gi longo mai ioe. O kirua a naru e Nail o gurua na malala bara i mapulo i manga a dara.”

A Nimariu 8:16

Muri e BAKOVI DAGI i takia e Moses, “O takia e Aron ge toto talea a kodo vona ge lagu a habulo na malala, ge mapulo ge ria a namo, ri gi bebe viliha na robo e Egipto.

A Nimariu 9:33

Muri e Moses i pea a tanga dagi i pagitala. Na tahuna i toto rike a limana i vasileki ne BAKOVI DAGI, a vila, a hini kururu ru lobo. A vala-kedo tara i lobo ni boru.