A Nimariu 7:16 - A Nitana Vure

¹⁶ O takia e Parao, o ta maea ‘E BAKOVI DAGI, a Vure ne huriki a Hibru, i rudu iau ga taki ioe, o longo vona e huriki a Hibru ri gi vano, ri gi kavurikea na tabeke i ngeki. Pali i valai i harena mona i uka ma o longo mai ria.

A Nimariu 7:16 Iomraidhean Croise

A Nimariu 10:3

Lakea e Moses e Aron ru lakea ne Parao ru takia, “E BAKOVI DAGI a Vure ne mia e huriki a Hibru i ta maea, ‘I balaka riva go longotaro a ngavagu, go marikoi ni longo mai iau? O taki e huriki a viri nau, ri gi vano ri gi kavurike iau.

A Nimariu 13:15

Na tahuna e Parao i hehe i uka ma i ngaru mia mi gi vano, e BAKOVI DAGI i rabalaki e huriki a tabua bakovi, a maka tabua na sipsip a bulmakau, a toga ne huriki a Egipto. Ngane si luhoi mulea a naro i ratea ne mia, si habi e huriki a tabua bakovi turana a maka tabua toga na sipsip a bulmakau ne BAKOVI DAGI. Na naro iea kunana mi korimule e huriki e tune mia a tabua bakovi.

A Nimariu 14:5

Na tahuna e Parao ni vakalongo ne huriki a Israel ri ha, e Parao turane huriki a bolekori vona ri pulo a niluhoi ne ria, ri deke, ri ta maea, “I navai si matataro e huriki a Israel ri vano? Ngane i uka viri ge leho ne hita.”

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 3:13

Lakea e Moses i takia a Vure, “Na tahuna ga lakea ne huriki a Israel, ga taki maea ria, a Vure ne huriki a gare ne mua i rudu iau a valai. Pali ma ri gi nana ranga, ri gi ta maea, ‘E rei a rana?’ Ga ta navai?”

A Nimariu 3:18

“O taki e huriki a gare o Israel ri gi longo maia a nitamu, ri gi ramaia. Muri o bole ria ri gi lakea na hariki o Egipto ri gi ta maea, ‘E BAKOVI DAGI, a Vure ne mia a Hibru, i made turane mia. Ngane mi valai mi gi nana ioe ta go longo ne mia, mi gi lakea taro na tabeke i ngeki. Mi gi laho na parava ge tolu, muri mi gi habi a nihabi ne Bakovi Dagi a Vure ne mia.’

A Nimariu 4:22

Muri o takia e Parao o ta maea, ‘A kabu ne Israel i manga a koma bakovi a tabua ne BAKOVI DAGI.

A Nimariu 4:23

A taki ioe, “O longo ne ria e huriki e tugu, ri gi vano ri gi vasileki nau.” Ioe bara o koi, e Bakovi Dagi bara i rabalakia e tumu bakovi, a tabua.’”

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

A Nimariu 8:1

Muri e BAKOVI DAGI i takia e Moses ge lakea ne Parao ge takia, “E BAKOVI DAGI i ta maea, ‘O longo vona e huriki a viri nau ri gi valai, ri gi vasileki nau.

A Nimariu 8:20

E BAKOVI DAGI i takia e Moses, “Na hatelanga pokopoko e Parao bara i puru na naru dagi. O vano o taguia, o takia, ‘E BAKOVI DAGI i ta maea: O longo vona e huriki a viri nau ri gi vano ri gi kavurike iau.

A Nimariu 9:1

Muri e BAKOVI DAGI i takia e Moses ge lakea ne Parao ge takia, “E BAKOVI DAGI, a Vure ne huriki a Hibru, i ta maea, ‘O longo vona e huriki a viri nau ri gi vano ri gi kavurike iau.

A Nimariu 9:13

Muri e BAKOVI DAGI i takia e Moses ge lakea ne Parao na hatelanga pokopoko ge taguia ge takia, “E BAKOVI DAGI a Vure ne huriki a Hibru i ta maea, ‘O longo vona e huriki a viri nau, ri gi vano, ri gi kavurike iau.