A Nimariu 7:11 - A Nitana Vure

¹¹ Muri e Parao i gale palupu e huriki a bakovi na lohokanga, a bakovi na malulu o Egipto, ri toni ni ratea a maki iea na malulu ne ria.

A Nimariu 7:11 Iomraidhean Croise

A Vuhuna 41:8

Na hatelanga i loholege lae vona a vurena. Lakea i rudu a ngava lakea ne huriki a bakovi na malulu, a bakovi na lohokanga na robo e Egipto, ri gi valai vona. I tuverei ne ria a vurena, pali i uka tara viri ge tuvevea.

A Nimariu 7:12

Lakea ri voro puru a maka kodo ne ria ri vulo a mata. Pali a kodo ne Aron i todo a maka kodo ne ria.

A Nimariu 7:22

E huriki a bakovi na malulu o Egipto ria ranga ri rata ra naro i ratea e Aron. Lakea e Parao i gigitora, i uka ma i longototo e Moses e Aron. I tababana ni hehe, i manga a ngava e BAKOVI DAGI i taki mugea.

A Nimariu 8:18

Pali e huriki a bakovi na malulu ri toni ni vakabele a namo, ri keri. A maka namo ri ratapile e huriki a bakovi, a maka livoa.

A Nimariu 8:3

A maka bura bara ri bele, ri vakavonua e Nail. Muri bara ri pe a naru, ri dili na ruma-hariki vomu, ri dili na tabeke ni mahita na kiri vomu, na ruma ne huriki a bolekori vomu, na ruma ne huriki a viri vomu. Bara ri dili na murina kanono, na murina hini ni rata bret.

A Nimariu 8:7

E huriki a bakovi na malulu, ria ranga ri rata mavonga. Ri rata a maka bura ri pe a naru ri rike na malala ne Egipto.

Mateo 24:24

a vuhuna e huriki a nitamine kristo, a nitamina propet bara ri bele, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Galesia 3:1

Mua e huriki a bakovi a ngatavine o Galesia, mu manga! E rei i tami mua? I navai? Mu longo kaburungi pali a hini a vakalongo kavakava ne mua na matane huriki lobo, ne Isu Kristo i mate na kai tavalavala na murine mua?

Epesus 4:14

Muri i uka ma si gi vilikoma tabu. A maka nitovo karaba legelege i uka ma ri gi kule lae hita manga a aga, i kule laea a vilu, a bokona dari. Na tahuna e huriki ri ngaru ni tami hita na nita taminga ne ria, i nangi manga a ngava muholi, i uka ma si gi longo mai.

2 Tesalonika 2:9

Na tahuna a bakovi ni longotaro a Vure i bele kavakava, bara i leho na nitora ne Satan. Bara i rata a maka nitamina nivakasiri legelege.

2 Timoti 3:8

Hosi e Ianes rua e Iambres ru marikoi vona a ngavane Moses. I mavonga kunana e huriki a bakovi nga ri marikoi a ngava muholi, a niluhoi ne ria i hale kunana. Ri tamilalu ni luhoi torea a Vure.

2 Timoti 3:9

Pali i uka ma ge tabaka, e huriki lobo bara ri matakilaka vona a niluhoi ne ria i varoru hateka, i manga hosi e huriki ri matakilaka vona a narone Ianes rua e Iambres.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.