A Nimariu 6:8 - A Nitana Vure

⁸ Ga taparaki mua na malala a ta muholi vona ga habia ne Abraham, ne Isak, ne Iakop. Ga habia ne mua a malala iea bara mu made liu vona. Iau e BAKOVI DAGI a takia pali a ngava iea.’”

A Nimariu 6:8 Iomraidhean Croise

A Vuhuna 14:22

Pali e Abram i koli mule, i ta maea, “Iau a kaba pali ne BAKOVI DAGI, a Vure Meli Liu, i rata rike a hunu a malala. Iau a rata a ngava dagi pali,

A Vuhuna 15:18

Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

A Vuhuna 26:3

O made popote vona a malala iea. Iau ga made turamu, ga gamai ioe. Ra malala iea ga habia vomu turane huriki a hamomu, bara vakatorea ra nita dagi a ta muholi vona ne tamamu, e Abraham.

A Vuhuna 28:13

E BAKOVI DAGI i pesi polo meli vona, i ta maea, “Iau e BAKOVI DAGI, a Vure ne tubumu e Abraham, e tamamu e Isak, ga habia vomu, ne huriki a hamomu a malala o mahita vona.

A Vuhuna 35:12

Ra robo a habia ne Abraham rua e Isak, ngane a habia vomu. Muri ga habia ne huriki a hamomu.”

A Nimariu 13:5

E BAKOVI DAGI i ta tora pali ge habia ne mua a malala ne huriki a Kenan, a Hiti, a Amor, a Hivi, a Iebus. Ra malala iea i kamumu, i vona a maki ni kani. Na tahuna e BAKOVI DAGI ge taparaki lakea mua vona a malala iea, mu ratea a habu iea, na keva iea, na pida lobo.

A Nimariu 32:13

O luhoi mule a vora vomu e Abraham, e Isak, e Iakop. O kaba, o taki tou o ta maea, ‘A ta muholi hateka, e huriki a hamone matou ge kupo manga a hada na hunu. Ra malala a ta muholi vona, ga habia ne matou, bara habia ne huriki a hamone matou.’”

A Nimariu 6:2

A Vure i taki tabua e Moses, “Iau kunana e BAKOVI DAGI.

A Nimariu 6:4

A ta turane tou na ngava dagi, a ta muholi hateka ga habia ne tou a malala e Kenan, ra malala to made muga vona manga a mosi.

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

Ni Gi 10:29

Lakea e Moses i takia e lavona, e Hobab, e tune Ietro a bakovi na robo e Midian, i ta maea, “Ngane mi gi malaga mi gi laho maia a robo tara e BAKOVI DAGI i taki ge habia ne mia. I ta muholi pali ta mi gi made kamumu hateka vona a robo iea. Ioe o ngaru o valai turane mia, ga veru ga habi vomu a maka maki kamumu ge kupo.”

Ni Gi 11:12

Iau i uka ma vakabele ria na tamudine kinane ria. Iau i uka ma iau e kinane ria ga poda ria. Pali i navai o taki iau ga leho manga a tagari, ga boko ria manga a koma kiroko na limagu, i vakatubu o Egipto i lakea liu na malala o ta muholi vona go habia ne huriki a gare ne ria?

Ni Gi 14:30

A ta muholi ta ga bole mua, mu gu made vona a robo iea, pali ngane mua lobo i uka ma mu gu vano. E Keleb e tune Iepune, rua e Iosua e tune Nun kunana ru gu vano.

Ni Gi 23:19

A Vure i uka ma i tatami kilala ge manga hita. Ia bara i ta muholi vona tara maki ge ratea, bara i ratea. I ta kunana na maki i ngaru ge bele, bara i bele.

Vinara 32:40

Muholi hateka iau kunana iau a Vure a made vakaroro. A ratea a nita muholi a ta maea,

Vinara 4:31

Ia a Vure na nidodo. I uka ma ge pe mua, o ge rata hale mua, o ge longokaburungia a nita na ngava dagi i ratea ne huriki a gare ne mua hosi.

Iosua 24:13

A habia ne mua a malala, i uka ma mu leho vona. A habi ne mua a maka tanga i uka ma mu rata. Ngane mu made vona a maka tanga nga, mu kani a maka kanena kai a vain a oliv. Ra maka kai nga i uka ma mu varo na limane mua.’”

Kapiloho 10:6

i kaba na rana Viri i mahuri vakaroro, ra viri i ratarike a hunu, a maka maki lobo pololilo vona, turana malala, a maka maki i tabuli vona, turana dari, a maka maki i tabuli pololilo vona. I kaba, i taki i uka tabu ni dava,