A Nimariu 6:7 - A Nitana Vure

⁷ Ga bole mua ge mua a ngate nau, pali iau ge iau a Vure ne mua. Muri bara tuli tala mua o Egipto, a tanga ni vakavora mua vona. Na tahuna iea bara mu lohoka vona iau kunana e BAKOVI DAGI, a Vure ne mua.

A Nimariu 6:7 Iomraidhean Croise

A Vuhuna 26:3

O made popote vona a malala iea. Iau ga made turamu, ga gamai ioe. Ra malala iea ga habia vomu turane huriki a hamomu, bara vakatorea ra nita dagi a ta muholi vona ne tamamu, e Abraham.

A Vuhuna 28:13

E BAKOVI DAGI i pesi polo meli vona, i ta maea, “Iau e BAKOVI DAGI, a Vure ne tubumu e Abraham, e tamamu e Isak, ga habia vomu, ne huriki a hamomu a malala o mahita vona.

A Nimariu 13:14

“Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:3

Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 14:18

Ga ratapilea e Parao, muri e huriki a Egipto bara ri matakilaka nau, iau kunana e BAKOVI DAGI.”

A Nimariu 14:4

Iau ga ratea e Parao ge madihi a hatena ge lili ria. Pali iau bara ratapilea turana a tara na vabinga vona, ga vakadagia a ragu na maki a ratea vona. Muri e huriki a Egipto bara ri lohoka vona, iau kunana e BAKOVI DAGI.” E huriki a Israel ri longototoa a nitane Bakovi Dagi, ri hamule.

A Nimariu 15:16

Nimariu Ri masia a nitora dagi vomu, ri mangenge, ri keri ni ratea tara maki. Ri pesi tavula kunana manga a kedo, i harena ne huriki a viri vomu ri vano. BAKOVI DAGI, ioe kunana o bole tala mia o Egipto, ngane mi laho malimali.

A Nimariu 15:2

E BAKOVI DAGI i vakatora mia, i rata mia mi kalolo. I korimule mia. Ia a Vure ne mia si gi kavurikea, ia a Vure ne tamane mia si gi kavurikea a rana.

A Nimariu 16:12

“A longoa pali a nideke ne huriki a Israel. O vano o taki ria, na malunga bara ri kani a kania, na hatelanga bara ri kani a bret. Muri bara ri lohoka vona, iau kunana e BAKOVI DAGI, a Vure ne ria.”

A Nimariu 16:6

Lakea e Moses e Aron ru gale palupu e huriki a Israel ru ta maea, “Na malunga bara mu lohoka vona e BAKOVI DAGI, ra i bole tala mua o Egipto,

A Nimariu 2:11

Na tahuna e Moses i koru rike pali, i vano i matai e huriki a viri vona ni vakavora hateka. I masia tara Egipto i ubi halea tara Hibru.

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

A Nimariu 7:17

Ngane e BAKOVI DAGI i ta maea, “Ioe bara o masia a maki ga ratea, bara o lohoka vona iau kunana e BAKOVI DAGI. O masia, bara lagua na kodo nau a naru dagi e Nail, bara i vulo a dara.

E Levi 11:44

Iau e BAKOVI DAGI, a Vure ne mua. Mu habi mua nau, bara mu kiripiripi, a vuhuna iau a kiripiripi. Naha ni kani a maka kuruve, a maki kiroko ranga ri karaka viliha na malala, ma mu gu muto.

E Levi 11:45

Iau e BAKOVI DAGI, a bole tala mua o Egipto a taparaki valai mua koea, ge iau a Vure ne mua. Mu ramai a naro ge kiripiripi, a vuhuna iau a kiripiripi.

Ni Gi 15:41

Iau e BAKOVI DAGI, a Vure ne mua, a bole tala mua o Egipto, ge iau a Vure ne mua. Iau e BAKOVI DAGI a Vure ne mua, a ta pali.”

Mateo 22:32

‘Iau a Vure ne Abraham, ne Isak, ne Iakop.’ A Vure i uka ma ia a Vure ne huriki ri mate, ia a Vure ne huriki ri mahuri.”

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

Vinara 14:2

Ra mua a kabu ni taba lakea ne BAKOVI DAGI a Vure ne mua, a vuhuna i vulaki tala mua ne huriki a kabu lobo na malala, i ru mua ge mua a viri vona kikeri.

Vinara 26:18

Mona e BAKOVI DAGI i vakalongo, ge mua e huriki a ngate vona, i manga a hini i ta muholi vona. I taki mua mu gu ramai lobo a maka vinara vona.

Vinara 29:12

ngane mu made koea mu gu bolea a ngava dagi karaba, e BAKOVI DAGI a Vure ne mua i ratea ne mua. Mu ta muholi mu gu ramaia a ngava dagi iea.

Vinara 29:13

Bara i mavonga e BAKOVI DAGI bara i rata mua, mua e huriki a tara vona, ia ge ia a Vure ne mua, i manga a ngava i ta muholi vona ne mua, ne huriki a gare ne mua e Abraham, e Isak, e Iakop.

Vinara 29:5

E BAKOVI DAGI i ta maea, ‘Na pida i ravulu va a tuli polo mua na tabeke i ngeki, a maka varakia a vahapolo ne mua i uka ma ri matutu.

Vinara 4:20

Pali mua, e BAKOVI DAGI i bole tala mua o Egipto i taparaki valai mua koea, i manga kunana a hini i bole tala mua na kanono i kara hateka. I bole valai mua koea ge rata mua ge mua e huriki a tara vona, i manga mua mona.

Vinara 7:6

Mu rata mavonga, a vuhuna e BAKOVI DAGI a Vure ne hita i tabea a kabu ne mua ge vona kunana. A Vure i vulaki mua na kurukurune huriki lobo na malala, ge mua a ngate vona.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

1 Petrus 2:10

I muga mu manga a bakovi a ngatavine tavula. Pali ngane mua e huriki a bakovi a ngatavine na Vure. I muga i uka tara viri ge dodo mua. Pali ngane a Vure i vakasiri pali ne mua a nidodo vona.

Kapiloho 21:3

A longoa a lohona viri i gale valai na gula hariki, i ta dagi, i ta maea, “Mu longo! A Vure i made turana e huriki a bakovi. Ge made turane ria, ge ria e huriki a ngate vona, ge ia a Vure ne ria.

Kapiloho 21:7

E huriki ri mulangi, ga habi a maki nga ne ria. Ge iau a Vure ne ria, ge ria e huriki e tugu.