A Nimariu 5:6 - A Nitana Vure

⁶ Na parava iea e Parao i vakuku e huriki a matakari na vorakato, i ta maea,

A Nimariu 5:6 Iomraidhean Croise

A Nimariu 1:11

Lakea e huriki a Egipto ri taki e huriki a matakari ri gi vakuku e huriki a Israel ri gi leho hateka. Ri rata a tanga dagi i rua e Pitom, e Rameses ne vona ni ru kadolu a maki ni kani ne Parao.

A Nimariu 3:7

Lakea e BAKOVI DAGI i takia, “Iau a matai e huriki a Egipto ri vakavora hateka e huriki a viri nau. Ngane ri gale iau ga korimule ria na limane huriki a matakari hale. A longoa a nigale ne ria, a lohoka hateka vona a nimadihi ri bolea.

A Nimariu 5:10

Muri e huriki a matakari ri taki e huriki a Israel, ri ta maea, “E Parao i taki mia, nahea mi gi habi tabu a varili ne mua.

A Nimariu 5:19

E huriki a matakari ne Israel ri longoa a nitane Parao ri gi rata a brik ge manga a hini ri rata vakaroro. Ngane ri lohoka vona a maregoa dagi i bele ne ria pali.

A Nimariu 5:7

“Naha ni habi a varili ge kere ne huriki a Israel ri gi rata a brik, i manga a hini ri rata vakaroro. Ria kunana, ri gi vano ri gi bole a varili.

Ni Gi 11:16

Lakea e BAKOVI DAGI i takia e Moses i ta maea, “O gale a gare ala ravulu polorua ri gi valai nau. O tuli kunana e huriki a bakovi o lohoka ne ria, ri lohoka ni matakari. O tuli valai ria koea na Kape na Vaponga, ri gi vapopo turagu, ri gi pesi turamu.

Vinara 1:15

Lakea a vulaki e huriki a bakovi na lohokanga, a bakovi kamumu, ra mu vulaki na kabu takutaku ne mua. A ru ria ri matakari e huriki ri ala rangale (1,000), i ranga ri matakari e huriki ri ala ravulu mule ma murina balaka taku (100), e huriki ri ala ravulu lima (50), e huriki ri ala ravulu (10). A vulaki tabu e huriki a bolekori na kabu takutaku.

Vinara 16:18

“Na kabu takutaku ne mua, mu vulaki ranga mari ni pelekado a maregoa, i ranga ge a bolekori na maka tanga e BAKOVI DAGI a Vure ne mua ge habi ne mua. Re huriki nga ri gi pelekado kamumu a maregoa ne huriki na naro malamala kunana.

Iosua 24:1

E Iosua i gale palupu e huriki a kabu lobo ne Israel ri vapopo na tanga e Sekem. Na tahuna ri bele vonga i gale e huriki a gare, a matakari, a mari ni pelekado a maregoa, a bolekori, ri valai ri pesi na matana Vure.

Iosua 24:4

A habi ne Isak e tuna ala rua e Iakop e Esau. A habia ne Esau a robo e Idom, a tabeke na lolo, pali a gare ne mua e Iakop i puru lakea o Egipto.

Iosua 8:33

E huriki a Israel turana e huriki a mosi, a tahotanga, e huriki a gare, e huriki a matakari, e huriki a bolekori, e huriki a mari ni pelekado a maregoa, ri pesi na tabeke varago na Tava na Ngava Dagi ne BAKOVI DAGI, ri ngalai e huriki a prister na kabu ne Levi ri kalohoa. A tete tara i pesi tabukoi na lolo e Gerisim, a tete tara i pesi tabukoi na lolo e Ebal. Ri ramaia a nitane Moses a vora ne BAKOVI DAGI i taki ge gamai e huriki a Israel.