A Nimariu 5:1 - A Nitana Vure

¹ Muri e Moses e Aron ru lakea ne Parao ru takia, “E BAKOVI DAGI, a Vure ne huriki a Israel, i taki go longo ne ria, ri gi lakea na tabeke i ngeki ri gi vasileki.”

A Nimariu 5:1 Iomraidhean Croise

A Nimariu 10:3

Lakea e Moses e Aron ru lakea ne Parao ru takia, “E BAKOVI DAGI a Vure ne mia e huriki a Hibru i ta maea, ‘I balaka riva go longotaro a ngavagu, go marikoi ni longo mai iau? O taki e huriki a viri nau, ri gi vano ri gi kavurike iau.

A Nimariu 10:4

Ioe go marikoi ne ria ri gi vano, kuduvi ga rudu a maka koa ri gi valai ri gi vonu vona a robo vomu.

A Nimariu 10:9

Lakea e Moses i koli, i ta maea, “Mia lobo mi gi vano turane huriki a gare, a bakovi, a ngatavine, e tune mia, a maka bulmakau, a sipsip, a meme, a vuhuna bara mi rata a nivasileki dagi ne BAKOVI DAGI.”

A Nimariu 3:18

“O taki e huriki a gare o Israel ri gi longo maia a nitamu, ri gi ramaia. Muri o bole ria ri gi lakea na hariki o Egipto ri gi ta maea, ‘E BAKOVI DAGI, a Vure ne mia a Hibru, i made turane mia. Ngane mi valai mi gi nana ioe ta go longo ne mia, mi gi lakea taro na tabeke i ngeki. Mi gi laho na parava ge tolu, muri mi gi habi a nihabi ne Bakovi Dagi a Vure ne mia.’

A Nimariu 33:13

Ioe o ngaru iau, o taki iau vona a niluhoi vomu, ga lohoka kamumu vomu, ga rata vakaroro a maki o ngaru. O luhoi kamumu, e huriki a bakovi a ngatavine o vulaki pali, ngane ria a viri vomu.”

A Nimariu 4:23

A taki ioe, “O longo ne ria e huriki e tugu, ri gi vano ri gi vasileki nau.” Ioe bara o koi, e Bakovi Dagi bara i rabalakia e tumu bakovi, a tabua.’”

A Nimariu 6:11

“O vano o takia e Parao a hariki o Egipto, ge longo ne ria e huriki a Israel ri gi vano.”

A Nimariu 6:27

Rua kunana ru gu takia e Parao a hariki o Egipto ge longo ne huriki a Israel ri gi vano. Rua kunana, e Aron e Moses, ru gu rata a ngava.

A Nimariu 7:16

O takia e Parao, o ta maea ‘E BAKOVI DAGI, a Vure ne huriki a Hibru, i rudu iau ga taki ioe, o longo vona e huriki a Hibru ri gi vano, ri gi kavurikea na tabeke i ngeki. Pali i valai i harena mona i uka ma o longo mai ria.

A Nimariu 7:2

O taki e Aron vona a maka ngava a taki vomu. Muri ge takia e Parao ge longo vona e huriki a Israel ri gi mariu tala na robo vona.

A Nimariu 8:1

Muri e BAKOVI DAGI i takia e Moses ge lakea ne Parao ge takia, “E BAKOVI DAGI i ta maea, ‘O longo vona e huriki a viri nau ri gi valai, ri gi vasileki nau.

A Nimariu 8:16

Muri e BAKOVI DAGI i takia e Moses, “O takia e Aron ge toto talea a kodo vona ge lagu a habulo na malala, ge mapulo ge ria a namo, ri gi bebe viliha na robo e Egipto.

A Nimariu 8:17

Lakea ru rata mavonga. E Aron i toto tala a kodo, i lagu a habulo na malala. A habulo lobo na robo e Egipto, ri mapulo ri manga a namo, ri kani e huriki a bakovi, a maka livoa.

A Nimariu 8:20

E BAKOVI DAGI i takia e Moses, “Na hatelanga pokopoko e Parao bara i puru na naru dagi. O vano o taguia, o takia, ‘E BAKOVI DAGI i ta maea: O longo vona e huriki a viri nau ri gi vano ri gi kavurike iau.

A Nimariu 8:27

Mi gi laho na parava ge tolu na tabeke i ngeki, mi gi habi a nihabi ne BAKOVI DAGI a Vure ne mia, i manga a hini i taki mia vona.”

A Nimariu 9:1

Muri e BAKOVI DAGI i takia e Moses ge lakea ne Parao ge takia, “E BAKOVI DAGI, a Vure ne huriki a Hibru, i ta maea, ‘O longo vona e huriki a viri nau ri gi vano ri gi kavurike iau.

A Nimariu 9:2

Ioe bara o hatekakari ria, i uka ma o ngaru ria ri gi vano, o nugu tata ria,

Mateo 10:18

Bara ri turari mua mu pesi na matane huriki a matakari, a hariki a vuhuna mu ramai iau. I mavonga e huriki nga, turana e huriki i uka ma ria a Iuda, bara mu vakalongo ria vona a maki mu matai iau a rata, a ngava a taki.

Mateo 10:28

Naha ni mangenge ne huriki a bakovi. Ria bara ri rabalaki kunana a kakaine mua. Pali a hanune mua, ri keri ni rabalakia. A viri bara mu mangenge vona, a Vure, a vuhuna i kara ia ge ratapile a kakaine mua, a hanune mua na imperno.

Apostolo 4:29

Bakovi Dagi, ngane o luhoi a hini ri ta vakamangenge mia vona. O kori mia, e huriki a vora vomu, nahea mi gi mangenge ni vakalongo pagapaga a nitamu ne huriki.

1 Korin 5:8

I mavonga, si gi ratea a habu iea, nahea si gi kani a bret hosi i vona a is, ra naro hale. Si gi ratea a habu iea na bret i uka is vona, ra naro malamala, na nita muholi.